# മോഹൻലാൽ തന്നെ അപമാനിച്ചിട്ടില്ല; വൈറൽ വീഡിയോയിലെ സത്യാവസ്ഥ വെളിപ്പെടുത്തി എസ്.എൻ. സ്വാമി

- Link: https://ml.b4blaze.com/film-news/mohanlal-did-not-insult-him-s-n-swamy-reveals-the-truth-behind-the-viral-video
- Published: 2026-02-19T11:13:39+05:30
- Author: Soorya S

തിരക്കഥാകൃത്ത് എസ്.എൻ. സ്വാമിയോട് മോഹൻലാൽ മോശമായി പെരുമാറി എന്ന രീതിയിൽ സോഷ്യൽ മീഡിയയിൽ
പ്രചരിക്കുന്ന വാർത്തകൾക്കെതിരെ വിശദീകരണവുമായി അദ്ദേഹം തന്നെ രംഗത്തെത്തി. ‘പ്രതിച്ഛായ’
എന്ന സിനിമയുടെ ട്രെയിലർ ലോഞ്ചിനിടെ പകർത്തിയ ദൃശ്യങ്ങൾ എഡിറ്റ് ചെയ്താണ് തെറ്റായ രീതിയിൽ
പ്രചരിപ്പിക്കുന്നത് എന്ന് അദ്ദേഹം വ്യക്തമാക്കി. ആൾക്കൂട്ടത്തിനിടയിൽ നിന്നും തനിക്ക്
പടിക്കെട്ടുകൾ ഇറങ്ങാൻ ബുദ്ധിമുട്ട് നേരിട്ടപ്പോൾ തന്നെ സഹായിക്കുകയാണ് മോഹൻലാൽ ചെയ്തതെന്നും,
അല്ലാതെ തന്നെ തള്ളിമാറ്റുകയോ ശബ്ദമുയർത്തുകയോ ചെയ്തിട്ടില്ലെന്നും എസ്.എൻ. സ്വാമി 
മനോരമ ഓൺലൈനോട് പറഞ്ഞു.

സിനിമയ്ക്ക് വേണ്ടി മോഹൻലാൽ നൽകിയ ഡേറ്റുമായി ബന്ധപ്പെട്ട് എന്തോ പ്രശ്നമുണ്ടെന്നും
അതിന്റെ ദേഷ്യമാണ് താരം പ്രകടിപ്പിച്ചതെന്നുമാണ് വീഡിയോയ്ക്ക് താഴെ വന്ന കമന്റുകളിൽ
പലരും ആരോപിച്ചിരുന്നത്. എന്നാൽ ഇത്തരം പ്രചരണങ്ങൾ ശുദ്ധ അസംബന്ധമാണെന്നും തങ്ങൾ തമ്മിൽ
വലിയ ആത്മബന്ധമാണുള്ളതെന്നും അദ്ദേഹം കൂട്ടിച്ചേർത്തു. മോഹൻലാലിനെപ്പോലെ ഒരാൾ ഒരിക്കലും
സഹപ്രവർത്തകരോട് അത്തരത്തിൽ പെരുമാറില്ലെന്നും, ഒരു സൗഹൃദ സംഭാഷണത്തിനിടെയുള്ള ദൃശ്യങ്ങളെ
ദുർവ്യാഖ്യാനം ചെയ്യരുതെന്നും അദ്ദേഹം അഭ്യർത്ഥിച്ചു.