# നെറ്റ്ഫിക്ല്സ് ഡോക്യുമെന്‍ററി തര്‍ക്കം കോടതിയിൽ;നയൻതാരയ്ക്കെതിരെ ധനുഷ്

- Link: https://ml.b4blaze.com/film-news/netflix-documentary-dispute-in-court-dhanush-against-nayanthara
- Published: 2024-11-27T13:06:12+05:30
- Author: Anjana

നെറ്റ്ഫിക്ല്സ് ഡോക്യുമെന്‍ററി തര്‍ക്കം കോടതിയിൽ. നയൻതാരയ്ക്കെതിരെ ധനുഷ് മദ്രാസ്
ഹൈക്കോടതിയിൽ സിവില്‍ അന്യായം ഫയല്‍ ചെയ്തു. നയൻതാര പകര്‍പ്പവകാശം ലംഘിച്ചെന്നാണ് 
ധനുഷ് കോടതിയിൽ നൽകിയ ഹര്‍ജിയിൽ പറയുന്നത്. ധനുഷിന്‍റെ ഹർജി ഫയലിൽ സ്വീകരിച്ചു.

ബിയോണ്ട് ദി ഫെയറിടെയിൽ എന്ന ഡോക്യുമെന്‍ററിക്കായി ‘നാനും റൗഡി താന്‍’ എന്ന ചിത്രത്തില്‍
നിന്നുള്ള ദൃശ്യങ്ങൾ ഉപയോഗിക്കുന്നതിന് എൻഒസി നൽകാത്തതിനെ കുറിച്ച് ധനുഷിനെ അഭിസംബോധന
ചെയ്ത തുറന്ന കത്ത് പങ്കുവെച്ച് നയൻതാര രംഗത്തെത്തിയതോടെയാണ് കോളിവുഡിൽ വിവാദം ആളിക്കത്തിയത്.
പിന്നീട് ചിത്രത്തിലെ ദൃശ്യങ്ങള്‍ ഉള്‍പ്പെടുത്തികൊണ്ട് നെറ്റ്ഫ്ലിക്സിൽ നയൻ താരയുടെ
ജന്മദിനമായ നവംബര്‍ 18ന് ഡോക്യുമെന്‍ററി റീലീസ് ചെയ്തിരുന്നു. ഇതിനുപിന്നാലെയാണ് ധനുഷ്
കോടതിയിൽ കേസ് ഫയല്‍ ചെയ്തിരിക്കുന്നത്.

![](https://i0.wp.com/ml.b4blaze.com/wp-content/uploads/2024/11/Dhanush-2.webp?resize
=1200%2C628&ssl=1)

ധനുഷ്- നയൻതാര വിവാദങ്ങൾക്ക് കാരണമായ ‘നാനും റൗഡി താൻ ‘സിനിമയുടെ അണിയറദൃശ്യങ്ങളും 
ഡോക്യുമെന്‍റിയിൽ ഉൾപ്പെടുത്തിയിരുന്നു. സെറ്റിൽ വിഘ്‌നേഷ് താരങ്ങൾക്ക് നിർദേശം നൽകുന്നതും
നയൻതാരയോട് സംസാരിക്കുന്നതും ഡോക്യൂമെന്‍ററിയിൽ ഉള്‍പ്പെടുത്തിയിട്ടുണ്ട്.ദൃശ്യങ്ങൾ
ഉപയോഗിക്കാനുള്ള നോ ഒബ്ജക്ഷൻ ഓർഡർ ധനുഷ് നൽകിയിരുന്നില്ല . ചിത്രത്തിന്‍റെ ബിടിഎസ് 
ദൃശ്യങ്ങളും നിർമാതാവിന് അവകാശപ്പെട്ടതാണെന്ന് ചൂണ്ടിക്കാട്ടി ധനുഷ് നേരത്തെ നയൻതാരയ്ക്ക്
വക്കീല്‍ നോട്ടീസ് അയച്ചിരുന്നു.

ഇരുവരും തമ്മിലുള്ള ശത്രുത കൂടിക്കൊണ്ടേയിരിക്കുകയാണ് .നയൻതാര തൻറെ ഡോക്ക്യൂമെന്ററി
നയൻ‌താര ബീയോണ്ട് ദി ഫെയറി ടൈൽ എന്നതിൽ ദൃശ്യങ്ങൾ പകർത്താൻ അനുവദിച്ച താരങ്ങൾക്കും 
പ്രമുഖർക്കും പേരെടുത്തു നന്ദി പറഞ്ഞിരുന്നു .എന്നാൽ ധനുഷ് ഇക്കൂട്ടത്തിൽ ഇല്ലായിരുന്നു
എന്നതാണ് സംഘര്ഷങ്ങല്ക് വഴിതെളിച്ചത് .