# ടിക്കറ്റ് ബുക്കിംഗ് തുടങ്ങി മണിക്കൂറുകള്‍ക്കകം രണ്ട് കോടിയിലേറെ പ്രീ സെയിൽ ബിസിനസുമായി ‘പുഷ്പ2’

- Link: https://ml.b4blaze.com/film-news/pushpa-2-with-more-than-two-crore-pre-sale-business-within-hours-of-ticket-booking
- Published: 2024-12-03T15:05:25+05:30
- Author: Anjana

കേരളത്തിൽ ടിക്കറ്റ് ബുക്കിംഗ് തുടങ്ങി മണിക്കൂറുകള്‍ക്കകം രണ്ട് കോടിയിലേറെ പ്രീ സെയിൽ
ബിസിനസുമായി ‘പുഷ്പ2’.ഇതിഹാസ ചിത്രമായ ആർആർആർ എന്ന ചിത്രത്തിനെ മറികടക്കാൻ ആകുമെന്ന
പ്രതീക്ഷയിലാണ് പുഷ്പ 2 . തെലുങ്കിലെ മറ്റൊരു താരത്തിനും ലഭിക്കാത്ത ഗംഭീര ഓപ്പണിംഗാണ്
അല്ലു അർജുന് കേരളത്തിൽ നിന്ന് ലഭിച്ചുകൊണ്ടിരിക്കുന്നത്. ചിത്രം ‍ഡിസംബർ 5ന് തിയറ്ററുകളിൽ
എത്തും.

ഈ വർഷം ഏവരും ആകാംക്ഷയോടെ കാത്തിരിക്കുന്ന ചിത്രമാണ് ‘പുഷ്പ 2: ദ റൂൾ’. ചിത്രത്തിന്റെ
ആദ്യഭാ​ഗത്തിന്റെ വിജയം തന്നെയാണ് അതിന് കാരണം. ലോകം മുഴുവനുമുള്ള തിയേറ്ററുകളിൽ 12,000
സ്ക്രീനുകളിലാകും പുഷ്പ റിലീസ് ചെയ്യുക. മികച്ച പ്രതികരണമാണ് അഡ്വാൻസ് ടിക്കറ്റ് ബുക്കിംഗിന്
ലഭിച്ചു കൊണ്ടിരിക്കുന്നത്.മറ്റൊരു ബ്രഹ്മാണ്ഡ ചിത്രമായി പുഷ്പ 2 പരിണമിക്കും എന്നതിൽ
സംശയമില്ല. മറ്റൊരു ചിത്രത്തിനും ഇതുപോലെ ഒരു വരവേൽപ് ഉണ്ടായിട്ടില്ല .ഇതുതന്നെയാണ്
അല്ലു അർജുൻ എന്ന നായകനെ
 വ്യത്യസ്തനാക്കുന്നത് .

അടുത്തിടെ പുറത്തിറങ്ങിയ സിനിമയുടെ ട്രെയിലർ സോഷ്യൽ മീഡിയയിൽ തരംഗമായി മാറിയുന്നു. 
പുഷ്പ വൈൽഡ് ഫയറാണെന്ന മുന്നറിയുപ്പുമായാണ് ട്രെയിലർ എത്തിയിരുന്നത്. അതിനുപിന്നാലെ‘
കിസ്സിക്’ പാട്ടെത്തിയിരുന്നു. അതിന് ശേഷം കിസ്സിക് പാട്ടും ഏവരുടേയും പ്രിയം നേടി.
ഒടുവിൽ ‘പീലിങ്സ്’ സോങ് സിനിമാപ്രേമികളെ ആവേശം കൊള്ളിക്കാനായി എത്തിക്കഴിഞ്ഞിട്ടുമുണ്ട്.
മൈത്രി മൂവി മേക്കേഴ്സും സുകുമാർ റൈറ്റിംഗ്സുമാണ് നിർമാതാക്കൾ.

![Pushpa the rule on the way](https://i0.wp.com/images.b4blaze.com/2024/12/Pushpa2-
1.webp?resize=1200%2C628&ssl=1)

Allu Arjun’s Pushpa The Rule On The Way

ചിത്രം കേരളത്തിൽ വിതരണത്തിനെത്തിക്കുന്നത് ഇ ഫോർ എന്‍റർടെയ്ൻമെന്‍റ്സാണ്. പുഷ്പ 2 
ഇതിനകം 1000 കോടി രൂപയുടെ പ്രീ-റിലീസ് ബിസിനസ് നേടിക്കഴിഞ്ഞുവെന്നാണ് ട്രേഡ് അനലിസ്റ്റുകള്‍
പുറത്തുവിട്ടിരിക്കുന്ന റിപ്പോർട്ട്. സുകുമാർ സംവിധാനം ചെയ്ത ‘പുഷ്പ ദ റൈസ്’ ആദ്യഭാഗം
രണ്ട് ദേശീയ ചലച്ചിത്ര പുരസ്കാരങ്ങളും 7 സംസ്ഥാന ചലച്ചിത്ര പുരസ്കാരങ്ങളും നേടിയിരുന്നു.

ചിത്രത്തിൽ അല്ലു അർജുന് പുറമെ രശ്മിക മന്ദാന, ഫഹദ് ഫാസിൽ, സുനിൽ, ജഗപതി ബാബു, പ്രകാശ്
രാജ് തുടങ്ങിയവരാണ് പ്രധാന കഥാപാത്രങ്ങളായുള്ളത്. രണ്ടാം ഭാഗത്തിൽ എന്തൊക്കെ ട്വിസ്റ്റും
ടേണും സംഭവിക്കുമെന്നാണ് ഏവരും ഉറ്റുനോക്കുന്നത്. കഥ-തിരക്കഥ-സംവിധാനം: സുകുമാർ ബന്ദ്റെഡ്ഡി,
നിർമ്മാതാക്കൾ: നവീൻ യെർനേനി, രവിശങ്കർ യലമഞ്ചിലി, സിഇഒ: ചെറി, സംഗീതം: ദേവി ശ്രീ പ്രസാദ്,
ഛായാഗ്രാഹകൻ: മിറെസ്ലോ ക്യൂബ ബ്രോസെക്, പ്രൊഡക്ഷൻ ഡിസൈനർ: എസ്. രാമകൃഷ്ണ-മോണിക്ക നിഗോത്രേ,
ഗാനരചയിതാവ്: ചന്ദ്ര ബോസ്, ബാനറുകൾ: മൈത്രി മൂവി മേക്കേഴ്സ്, സുകുമാർ റൈറ്റിംഗ്സ്, 
മാർക്കറ്റിംഗ് ഹെഡ്: ശരത്ചന്ദ്ര നായിഡു, പി. ആർ. ഒ: ഏലൂരു ശ്രീനു, മാധുരി മധു, ആതിര
ദിൽജിത്ത്, മാർക്കറ്റിംഗ്: ഫസ്റ്റ് ഷോ.