# റിലീസ് ചെയ്ത് എട്ടാം ദിവസം ആയിരം കോടി ക്ലബ്ബിലെത്തി ‘രാമായണം’; റെക്കോർഡ് തുക വാരിക്കൂട്ടി ചിത്രത്തിന്റെ ബോക്സ് ഓഫീസ് കുതിപ്പ്!

- Link: https://ml.b4blaze.com/film-news/ramayanam-enters-the-1000-crore-club-on-its-eighth-day-of-release-the-films-box-office-surge-rakes-in-a-record-breaking-sum
- Published: 2026-11-13T14:07:00+05:30
- Author: Soorya S

നിതീഷ് തിവാരി സംവിധാനം ചെയ്ത ബിഗ് ബജറ്റ് ചിത്രം ‘രാമായണം’ ആഗോളതലത്തിൽ ആയിരം കോടി
ക്ലബ്ബിൽ ഇടംപിടിച്ചതായി ഔദ്യോഗിക സ്ഥിരീകരണം. റിലീസ് ചെയ്ത് എട്ടാം ദിവസമാണ് ചിത്രം
ഈ ചരിത്രനേട്ടം സ്വന്തമാക്കിയത്. ഇതോടെ 1,000 കോടി കളക്ഷൻ മറികടക്കുന്ന പതിനൊന്നാമത്തെ
ഇന്ത്യൻ ചിത്രമായി ‘രാമായണം’ മാറി. ചിത്രത്തിന്റെ ഗംഭീര ബോക്സ് ഓഫീസ് വിജയത്തിന്റെ 
കണക്കുകൾ നിർമാതാക്കളാണ് പുറത്തുവിട്ടത്.

ആഗോളതലത്തിൽ വൻ സ്വീകാര്യത ലഭിച്ച ചിത്രം, റിലീസ് ചെയ്ത് എട്ട് ദിവസത്തിനുള്ളിൽ ഇന്ത്യയിൽ
നിന്ന് മാത്രം 564.60 കോടി രൂപ നെറ്റ് കളക്ഷനും വിദേശ വിപണിയിൽ നിന്ന് 358.50 കോടി 
രൂപയും നേടിയിട്ടുണ്ട്. വേഗത്തിൽ 1,000 കോടി ക്ലബ്ബിലെത്തുന്ന മൂന്നാമത്തെ ഇന്ത്യൻ 
ചിത്രം കൂടിയാണിത്. നോർത്ത് ഇന്ത്യൻ ബോക്സ് ഓഫീസിന് പുറമെ കേരളം, തമിഴ്നാട്, കർണാടക
തുടങ്ങിയ ദക്ഷിണേന്ത്യൻ സംസ്ഥാനങ്ങളിലും ചിത്രം തരംഗമായിരിക്കുകയാണ്. കേരളത്തിൽ മാത്രം
26 കോടി രൂപയാണ് എട്ട് ദിവസം കൊണ്ട് ചിത്രം സ്വന്തമാക്കിയത്. ദീപാവലി ആഘോഷങ്ങളുടെ പശ്ചാത്തലത്തിൽ
ബുക്ക് മൈ ഷോയിലൂടെ ലക്ഷക്കണക്കിന് ടിക്കറ്റുകളാണ് വിറ്റഴിഞ്ഞത്.