# ഒടിടിയിൽ എത്തിയപ്പോഴേ തുടങ്ങി! സലാറിനെ കീറിമുറിച്ച് വിലയിരുത്തി സോഷ്യൽ മീഡിയ; പ്രഭാസ് – പൃഥ്വി ചിത്രം നെറ്റ്ഫ്ലിക്സിൽ

- Link: https://ml.b4blaze.com/film-news/salaar-streaming-in-netflix
- Published: 2024-01-20T20:30:17+05:30
- Author: Ajay

തെന്നിന്ത്യയിലെ ബോക്‌സ് ഓഫീസിൽ ഏറ്റവും വലിയ ഹിറ്റായി മാറിയ പ്രഭാസും പൃഥ്വിരാജ് സുകുമാരനും
ഒന്നിച്ച ‘സലാർ’ നെറ്റ്ഫ്ലിക്സിൽ എത്തി.
 തെന്നിന്ത്യൻ സിനിമാ ലോകം ഏറെ പ്രതീക്ഷയോടെ
കാത്തിരുന്ന ചിത്രമായിരുന്നു പ്രശാന്ത് നീൽ ഒരുക്കിയ ഈ ബ്രഹ്‌മാണ്ഡ ചിത്രം. പ്രതീക്ഷിച്ചതിലും
വളരെ നേരത്തെ തന്നെ ആണ് സിനിമ ഒടിടി പ്ലാറ്റ്‌ഫോമിൽ എത്തുന്നത്. ഹോംബാലെ ഫിലിംസിന്റെ
ബാനറിൽ വിജയ് കിരഗാണ്ടുർ, കെ. വി രാമ റാവു എന്നിവർ ചേർന്ന് നിർമ്മിച്ച സലാർ ഈ വർഷം 
ക്രിസ്മസ് റിലീസ് ചിത്രങ്ങളിൽ ഏറ്റവും അധികം കളക്ഷനിൽ ഇതുവരെ 500 കോടിയോളം മുകളിൽ റെക്കോർഡ്
ബ്രേക്കിങ് ബ്ലോക്ക്‌ബസ്റ്റർ ആയി കഴിഞ്ഞിരിക്കുന്നു. ഒടിടിയിൽ എത്തിയതോടെ സിനിമയെ കുറിച്ച്
സോഷ്യൽ മീഡിയയിൽ ചർച്ചകളും തുടങ്ങിയിട്ടുണ്ട്. ചിത്രത്തെ കീറിമുറിച്ച് ട്രോളുകളും വിലയിരുത്തലുകളും
വരുന്നുണ്ട്.

ദേവയായി പ്രഭാസും, വരദരാജ മന്നാർ ആയി പൃഥ്വിരാജും ഒന്നിക്കുന്ന സലാറിൽ രണ്ട് സുഹൃത്തുക്കളുടെ
കഥയാണ്‌ പറയുന്നത്. ഇരുവരും എങ്ങനെ കൊടും ശത്രുക്കളായി മാറപ്പെടുന്നു എന്നുള്ളതിലേക്കാണ്
സലാർ പാർട്ട്‌ 1 സീസ് ഫയർ ആദ്യ ഭാഗം മിഴി തുറക്കുന്നത്, മികവുറ്റ ആക്ഷൻ രംഗങ്ങൾ കൊണ്ട്
വേറെ ഒരു ലോകം തീർത്തിരിക്കുകയാണ് പ്രശാന്ത് നീൽ. നല്ലൊരു മാസ്സ് ക്ലാസ്സ് ഫീലാണ് ഓഡിയൻസിന്
കൊടുക്കുന്നത്. ആക്ഷൻ തീ പാറും രംഗങ്ങൾ കൊണ്ടും ഇമോഷണൽ ഡ്രാമ കൊണ്ടും തീയേറ്ററുകളിൽ
ആരാധകർക്കിടയിൽ ആവേശമാകുകയാണ് സലാർ. പ്രഭാസ് – പൃഥ്വിരാജ് കോംബോ കൊണ്ട് തന്നെ ചിത്രത്തിന്
റിലീസ് മുൻപ് തന്നെ വൻ സ്വീകാര്യത നേടിയിരുന്നു.

![](https://i0.wp.com/ml.b4blaze.com/wp-content/uploads/2023/12/salaar-thumb.jpg?
resize=1280%2C720&ssl=1)

5 ഭാഷകളിലായി (തമിഴ്,ഹിന്ദി, മലയാളം, തെലുങ്ക്,കന്നഡ) എത്തിയ ചിത്രത്തിൽ ശ്രുതി ഹാസൻ,
ജഗപതി ബാബു,ബോബി സിംഹ, ടിന്നു ആനന്ദ്, ഈശ്വരി റാവു, ശ്രീയ റെഡ്‌ഡി, രാമചന്ദ്ര രാജു 
എന്നിവരും പ്രധാന വേഷങ്ങളിൽ അഭിനയിക്കുന്ന സലാറിൽ വമ്പൻ താര നിര തന്നെയാണ് ഉള്ളത്. 
സലാർ കേരളത്തിലെ തീയേറ്ററുകളിൽ വിതരണാവകാശം എത്തിച്ചിട്ടുള്ളത് പൃഥ്വിരാജ് പ്രൊഡക്ഷൻസും
മാജിക്‌ ഫ്രെയിംസും ചേർന്നാണ്. ഛായാഗ്രഹണം ഭുവൻ ഗൗഡ, സംഗീത സംവിധാനം രവി ബസ്രുർ, പ്രൊഡക്ഷൻ
ഡിസൈനർ – ടി എൽ വെങ്കടചലപതി, ആക്ഷൻസ് – അൻമ്പറിവ്, കോസ്റ്റും – തോട്ട വിജയ് ഭാസ്കർ,
എഡിറ്റർ – ഉജ്വൽ കുൽകർണി, വി എഫ് എക്സ് – രാഖവ് തമ്മ റെഡ്‌ഡി. പി ആർ ഒ-മഞ്ജു ഗോപിനാഥ്,
മാർക്കറ്റിംഗ് കൺസൾട്ടന്റ് – ബിനു ബ്രിങ്ഫോർത്ത്, എന്നിവരാണ് മറ്റു അണിയറ പ്രവർത്തകർ.