# ന്നാ ഞാനും പോയി കേസ് കൊടുത്തു ഷിംന അസിസ്

- Link: https://ml.b4blaze.com/film-news/shimna-azeez-about-nna-thaan-case-kodu
- Published: 2022-08-12T17:14:03+05:30
- Author: Rahul

സാമൂഹ്യ വിഷയങ്ങളില്‍ തന്റെ നിലപാടും കാഴ്ച്ചപ്പാടും വ്യക്തമാക്കി രംഗത്ത് വരുന്ന വ്യക്തിയാണ്
ഡോ. ഷിംന അസീസ്. എന്നും ഇവര്‍ പങ്കുവെയ്ക്കുന്ന പോസ്റ്റുകള്‍ ചര്‍ച്ചയായി മാറാറുണ്ട്.
ഇപ്പോൾ ന്ന താൻ കേസ് കൊട് എന്ന ചിത്രത്തിന്റെ പ്രതികരണം അറിയിച്ച് എത്തിയിരിക്കുകയാണ്
ഷിംന ന്നാ ഞാനും പോയി കേസ് കൊടുത്തു. അസ്സൽ പടം. കുറച്ച്‌ കാലം കാസർകോട് ജോലി ചെയ്‌ത
വകയിൽ ആ സ്ലാങ്ങിലുള്ള ഡയലോഗുകൾ അൽപം നൊസ്റ്റാൾജിയയോടെ ശരിക്കും ആസ്വദിച്ചു.

![](https://i0.wp.com/ml.b4blaze.com/wp-content/uploads/2022/08/nna-thaan-case-kodu-
5.jpg?resize=1200%2C749&ssl=1)

കുറേ കാലത്തിന്‌ ശേഷമാണ്‌ ഒരു സിനിമ കണ്ട്‌ ഇത്രയും ചിരിക്കുന്നത്‌. ചാക്കോച്ചന്റെ 
അഴിഞ്ഞാറാട്ടാണ്‌ ഈ സിനിമ. സംസാരവും ആ നാട്ടിൻപുറത്തെ ‘പാമ്പ്’ ഡാൻസുമെല്ലാം ഉഗ്രനായിട്ടുണ്ട്.
സ്ഥിരം കാണുന്ന എയറ് പിടുത്തത്തിനു പകരം ജഡ്‌ജിയുടെ കൗണ്ടറുകളിലും ഇടപെടലിലും പൊട്ടിച്ചിരിച്ച്‌
പോകുന്ന നിമിഷങ്ങൾ നിറഞ്ഞ കോടതിസീനുകൾ. സമകാലിക രാഷ്‌ട്രീയത്തിനും സമകാലിക വിഷയങ്ങൾക്കും
കൂടെ റോളുള്ള പടം. തീയറ്ററിൽ തന്നെ കാണുക. പരസ്യത്തിലെ രഹസ്യം അന്നേരം മനസ്സിലാവും.