# ‘വെറും തറയില്‍ മൂന്ന് നാല് ജയില്‍ വാസികള്‍ക്കൊപ്പം കിടക്കുകയാണ് ദിലീപ്, വിറയ്ക്കുന്നുണ്ട്, അഴിയില്‍ പിടിച്ച് എഴുന്നേല്‍ക്കാന്‍ ശ്രമിച്ച് വീണു പോയി’- ആര്‍ ശ്രീലേഖ

- Link: https://ml.b4blaze.com/film-news/sreelekha-dgp-about-dileep
- Published: 2022-02-19T22:47:19+05:30
- Author: Gargi

നടിയെ ആക്രമിച്ച കേസില്‍ ആലുവ സബ് ജയിലില്‍ കിടന്ന സമയത്ത് നടന്‍ ദിലീപിന് കൂടുതല്‍
സൗകര്യം ചെയ്ത് നല്‍കിയിട്ടുണ്ടെന്ന് തുറന്ന് സമ്മതിച്ച് മുന്‍ ഡിജിപി ആര്‍. ശ്രീലേഖ.
മനോരമ ന്യൂസിന് നല്‍കിയ അഭിമുഖത്തിലാണ് ശ്രീലേഖ വെളിപ്പെടുത്തല്‍ നടത്തിയത്.

![](https://i0.wp.com/ml.b4blaze.com/wp-content/uploads/2022/02/dileep09.jpg?resize
=960%2C540&ssl=1)

‘ഞാന്‍ ജയില്‍ ഡിജിപി ആയിരിക്കെ ദിലീപിന് കൂടുതല്‍ സൗകര്യം ഏര്‍പ്പാടാക്കി എന്ന തരത്തില്‍
പ്രചരണം നടന്നു. എനിക്കെതിരെ വളരെ വലിയ പ്രതിഷേധം ഉണ്ടായി. എന്നാല്‍ അപവാദം വന്നതിന്
ശേഷമാണ് ആലുവ സബ് ജയിലില്‍ പോകുന്നതെന്ന് ശ്രീലേഖ പറഞ്ഞു. അവിടെ കണ്ട കാഴ്ച കരളലിയിക്കുന്നതായിരുന്നു.
വെറും തറയില്‍ മൂന്ന് നാല് ജയില്‍ വാസികള്‍ക്കൊപ്പം കിടക്കുകയാണ് ദിലീപ്. വിറയ്ക്കുന്നുണ്ട്.
അഴിയില്‍ പിടിച്ച് എഴുന്നേല്‍ക്കാന്‍ ശ്രമിച്ചു. പക്ഷേ വീണ് പോയി. സ്‌ക്രീനില്‍ കാണുന്നയാളാണോ
ഇതെന്ന് തോന്നിപ്പോയി.

![](https://i0.wp.com/ml.b4blaze.com/wp-content/uploads/2021/12/out-on-bail-dileep-
759.jpg?resize=759%2C422&ssl=1)

അത്ര വികൃതമായിട്ടുള്ള രൂപാവസ്ഥ. എനിക്ക് പെട്ടെന്ന് മനസ്സലിയും. ഞാനയാളെ പിടിച്ചുകൊണ്ട്
വന്ന് സൂപ്രണ്ടിന്റെ മുറിയില്‍ ഇരുത്തി. ഒരു കരിക്ക് കൊടുത്തു. രണ്ട് പായയും , ബ്ലാങ്കറ്റും
നല്‍കാന്‍ പറഞ്ഞു. ചെവിയുടെ ബാലന്‍സ് ശരയിക്കാന്‍ ഡോക്ടറെ വിളിച്ചു.

![](https://i0.wp.com/ml.b4blaze.com/wp-content/uploads/2022/02/sreelekha.jpg?resize
=845%2C440&ssl=1)

പോഷകാഹാരം കൊടുക്കാന്‍ ഏര്‍പ്പാടാക്കി. സാധാരണ തടവുകാരനാണെങ്കിലും ഞാന്‍ അത് ചെയ്യും.
മൂന്നാം മുറ ഏറ്റ ഒരു കൊലപാതക കേസ് പ്രതിയെ ഇതു പോലെ പരിഗണിച്ചിട്ടുണ്ടെന്നും ശ്രീലേഖ
അഭിമുഖത്തില്‍ പറഞ്ഞു.