# താൻ വർഷങ്ങളായി   അനുഭവിക്കുന്നു,ഇതൊരു പുതിയ കാര്യമല്ല; വെളിപ്പെടുത്തി സണ്ണി ലിയോൺ

- Link: https://ml.b4blaze.com/film-news/sunny-leon-about-deep-fake-veedio
- Published: 2024-01-13T16:12:12+05:30
- Author: Sreekumar

ആർട്ടിഫിഷ്യൽ ഇന്റലിജൻസിന്റെ  സഹായത്തോടെയുള്ള  ഡീപ്ഫേക്ക് വീഡിയോ ആയിരുന്നു പോയവർഷത്തെ
ആശങ്ക ഉയർത്തിയ  വാർത്തകളിലൊന്ന്.   2023 നവംബറിൽ നടി രശ്മിക മന്ദാനയുടെ ഡീപ്ഫേക്ക്
വീഡിയോ പ്രചരിച്ചത്  വലിയ വിവാദമായിരുന്നു.  ഇപ്പോഴിതാ ഒരു ദേശീയ മാധ്യമത്തിന്  നൽകിയ
അഭിമുഖത്തിൽ  സെലിബ്രിറ്റികള്‍ക്കെതിരായ ഇത്തരം ഡീപ്ഫേക്ക് ആക്രമണങ്ങളെക്കുറിച്ച് തുറന്നു
പറയുകയാണ് ബോളിവുഡ് സൂപ്പർ താരം  സണ്ണി ലിയോൺ.  ഇത്തരം ഡീപ്പ് ഫേക്ക് ആക്രമണങ്ങള്‍ 
വർഷങ്ങളായി തനിക്കെതിരെ  സംഭവിക്കുന്നുണ്ടെന്നും. ഇത്തരം ഡീപ്‌ഫേക്കുകൾ ഒരു പുതിയ പ്രശ്നം
അല്ലെന്നുമാണ് സണ്ണി ലിയോൺ പറയുന്നത്. ഡീപ്പ് ഫേക്ക് വീഡിയോകളാല്‍ നടിമാര്‍ ഓണ്‍ലൈനില്‍
അപമാനിക്കപ്പെടുന്നത് സംബന്ധിച്ച മാധ്യമപ്രവർത്തകന്റെ  ചോദ്യത്തിന് നടിയുടെ മറുപടി 
ഇതായിരുന്നു.   ഇത്തരം ആക്രമണങ്ങൾ  തനിക്ക് സംഭവിച്ചതാണ്, എന്നാൽ  താൻ  അതിനെക്കുറിച്ച്
അധികം ചിന്തിക്കുന്നില്ല.

![](https://i0.wp.com/ml.b4blaze.com/wp-content/uploads/2024/01/sunny1.jpg?resize
=787%2C489&ssl=1)

ഇത് തന്നെ  മാനസികമായും  ബാധിക്കാൻ താൻ  അനുവദിക്കുകയും ഇല്ല , എന്നാൽ ഇത് ദുരന്തമായി
മാറുന്ന യുവ നടിമാര്‍‌ ഉണ്ടെന്നും  അത് അവരുടെ തെറ്റല്ലെന്ന് അവർ മനസ്സിലാക്കണമെന്നും
സണ്ണി ലിയോൺ പറഞ്ഞു. അവർ തെറ്റൊന്നും ചെയ്തിട്ടില്ല എന്നും അങ്ങനെ എന്തെങ്കിലും സംഭവിച്ചാൽ
ധൈര്യത്തോടെ പോയി അപ്പോള്‍ തന്നെ സൈബര്‍ സെല്ലില്‍ കേസ് കൊടുക്കണമെന്നും സണ്ണി ലിയോൺ
പറയുന്നു . നിങ്ങളുടെ മുഖവും അടയാളവും അവർ ദുരുപയോഗം ചെയ്തുവെന്ന് പരാതി കൊടുക്കുക.
പരാതി നൽകിയാൽ  പോലീസ് നടപടിയെടുക്കുമെന്നും  കൂടാതെ സോഷ്യൽ മീഡിയയിൽ പോലും നിങ്ങൾക്ക്
ഈ പ്രശ്നങ്ങൾ റിപ്പോർട്ട് ചെയ്ത് അത് സാങ്കേതികമായി നീക്കം ചെയ്യണം. ഇവിടെ ഒരു സിസ്റ്റം
ഉണ്ട് അത് ഉപയോഗിക്കണം എന്നും  സണ്ണി പറയുന്നു. ഡീപ്പ് ഫേക്ക് ഇപ്പോഴത്തെ ട്രെന്‍റായി
വരുന്ന  കാര്യമാണ്എ ല്ലാവരും പുതിയ കാര്യങ്ങൾ പരീക്ഷിക്കുന്നു.

![](https://i0.wp.com/ml.b4blaze.com/wp-content/uploads/2024/01/sunny4.jpg?resize
=842%2C596&ssl=1)

അതിനാല്‍ തന്നെ ഭയത്തേക്കാള്‍ സെലിബ്രിറ്റികൾ അവരുടെ രൂപസാദൃശ്യം ദുരുപയോഗം ചെയ്യപ്പെടുന്നതിനെ
കുറിച്ച് ആശങ്കാകുലരാണ് എന്നും നടി ചൂണ്ടിക്കാട്ടി.  കഴിഞ്ഞ വർഷം നാം ഇത്തരത്തിലുള്ള
നിരവധി  വ്യാജ ഫോട്ടോകളും വീഡിയോകളും കണ്ടു. ഇത് വളരെക്കാലമായി ഉള്ളതാണ്. ഇത് പുതുമയുള്ള
കാര്യമല്ല, പക്ഷെ ഇത്തരം സൌകര്യങ്ങള്‍ ഇപ്പോള്‍ എളുപ്പത്തില്‍ മോശം ആള്‍ക്കാര്‍ക്ക്
ലഭിക്കുന്നു , അതവർ ദുരുപയോഗം  എന്നതാണ് പ്രശ്നമെന്നും സണ്ണി ലിയോൺ കൂട്ടിച്ചേർത്തു.
അതേസമയം  ോളിവുഡിലെ  സൂപ്പർ താരം  സണ്ണി ലിയോൺ വീണ്ടും മലയാളത്തിലേക്ക്  എത്തുന്ന ആവേശത്തിലാണ്
താരത്തിന്റെ  ആരാധകർ. സണ്ണി ലിയോൺ നായികയായി എത്തുന്ന   ആദ്യ മലയാള വെബ് സീരിസ് ആണ്‘
പാൻഇന്ത്യൻ സുന്ദരി’. പാൻ ഇന്ത്യൻ സുന്ദരി  പ്രദർശനത്തിന് ഒരുങ്ങുകയാണ്.