# സൂര്യയുടെ പുതിയ ചിത്രം ജിത്തു മാധവൻ സംവിധാനം ചെയ്യുന്നു; പൂജ ചടങ്ങിൽ നസ്രിയയും നസ്ലിനും തിളങ്ങി, വീഡിയോ ദൃശ്യങ്ങൾ ശ്രദ്ധേയമായി

- Link: https://ml.b4blaze.com/film-news/suriyas-new-film-is-directed-by-jeethu-madhavan-nazriya-and-nazlin-shine-at-the-pooja-ceremony-video-footage-is-remarkable
- Published: 2025-12-10T10:52:38+05:30
- Author: Soorya S

‘ആവേശം’ എന്ന സൂപ്പർഹിറ്റ് ചിത്രത്തിലൂടെ ശ്രദ്ധേയനായ സംവിധായകൻ ജിത്തു മാധവൻ, തമിഴകത്തെ
സൂപ്പർ താരം സൂര്യയെ നായകനാക്കി ഒരുക്കുന്ന പുതിയ സിനിമയുടെ ഔദ്യോഗിക പൂജാ ചടങ്ങുകൾ
ചെന്നൈയിൽ വെച്ച് നടന്നു. സൂര്യയുടെ കരിയറിലെ 47-ാമത് ചിത്രമാണിത്. ചിത്രത്തിൽ മലയാളത്തിൽ
നിന്ന് നസ്രിയ നസിമാണ് നായികയായി എത്തുന്നത്. കൂടാതെ, യുവനടൻ നസ്ലിൻ കെ. ഗഫൂറും സുപ്രധാന
കഥാപാത്രത്തെ അവതരിപ്പിക്കുന്നുണ്ട്. സൂര്യ, അദ്ദേഹത്തിന്റെ ഭാര്യയും നടിയുമായ ജ്യോതിക,
സഹോദരൻ കാർത്തി എന്നിവരും ചടങ്ങിൽ പങ്കെടുത്തു. ചടങ്ങുകളുടെ വീഡിയോ ദൃശ്യങ്ങളാണ് ഇപ്പോൾ
സോഷ്യൽ മീഡിയയിൽ വൈറലായിരിക്കുന്നത്. ഏറെ നാളുകൾക്ക് ശേഷം നസ്രിയ തമിഴിൽ അഭിനയരംഗത്തേക്ക്
ശക്തമായി തിരിച്ചെത്തുന്നു എന്ന പ്രത്യേകതയും ഈ ചിത്രത്തിനുണ്ട്. പൂജാ വേളയിൽ, സൂര്യയെയും
ജ്യോതികയെയും ചിരിപ്പിച്ച് ഏറെ സന്തോഷത്തോടെ ഇടപെഴകുന്ന നസ്രിയയുടെ രംഗങ്ങളാണ് വീഡിയോയിൽ
ഏറെ ശ്രദ്ധിക്കപ്പെട്ടത്. മാസ് എന്റർടെയ്‌നർ വിഭാഗത്തിൽ ഒരുങ്ങുന്ന ഈ സിനിമയുടെ സംഗീത
വിഭാഗം കൈകാര്യം ചെയ്യുന്നത് മലയാളത്തിലെ ശ്രദ്ധേയനായ സംഗീത സംവിധായകൻ സുഷിൻ ശ്യാമാണ്.‘
സാഗരം സ്റ്റുഡിയോസി’ന്റെ ബാനറിൽ നിർമ്മിക്കുന്ന ഈ ചിത്രം, കേരളത്തിൽ നിന്നും തമിഴ്നാട്ടിൽ
നിന്നുമുള്ള പ്രതിഭകളെ ഒരുമിപ്പിക്കുന്നു എന്ന പ്രത്യേകത കാരണം ഇരുഭാഷകളിലെയും പ്രേക്ഷകർ
വലിയ ആകാംഷയോടെയാണ് നോക്കിക്കാണുന്നത്. ചിത്രത്തിൽ സൂര്യ ഒരു പോലീസ് ഓഫീസറുടെ വേഷത്തിലായിരിക്കും
എത്തുകയെന്നും റിപ്പോർട്ടുകളുണ്ട്.