Tuesday, January 31, 2023
HomeFilm News'കല്യാണപ്പിറ്റേന്ന്'!!! അപൂര്‍വ്വ ചിത്രവുമായി മനംകവര്‍ന്ന് ജി വേണുഗോപാല്‍

‘കല്യാണപ്പിറ്റേന്ന്’!!! അപൂര്‍വ്വ ചിത്രവുമായി മനംകവര്‍ന്ന് ജി വേണുഗോപാല്‍

മലയാളികളുടെ പ്രിയ ഗായകനാണ് ജി വേണുഗോപാല്‍. എന്നും കേള്‍ക്കാന്‍ ആഗ്രഹിക്കുന്ന പാട്ടുകളാണ് അദ്ദേഹത്തിന്റെ സ്വരത്തില്‍ പിറന്നിട്ടുള്ളത്. സാമൂഹ്യ മാധ്യമത്തി സജീവമായ അദ്ദേഹം ആരാധകരോട് സംവദിക്കാനും സമയം കണ്ടെത്താറുണ്ട്. തന്റെ വ്യക്തിപരമായ വിശേഷങ്ങളും ഫോട്ടോകളും വേണുഗോപാല്‍ ഷെയര്‍ ചെയ്യാറുണ്ട്.

ഇപ്പോഴിതാ ജീവിതത്തിലെ അസുലഭ നിമിഷത്തിന്റെ ചിത്രമാണ് വേണുഗോപാല്‍ പങ്കുവച്ചിരിക്കുന്നത്. ഇതാണ് ആരാധകരുടെ മനം കവരുന്നത് അപൂര്‍വ ചിത്രമാണ്. ഭാര്യ രശ്മിക്കൊപ്പമുള്ള പഴയ ചിത്രമാണ് ഗായകന്‍ പങ്കുവച്ചത്.

‘കല്യാണപ്പിറ്റേന്ന്’ എന്ന അടിക്കുറിപ്പോടെയാണ് വേണുഗോപാല്‍ ഫോട്ടോ പങ്കുവച്ചിരിക്കുന്നത്. വിവാഹം കഴിഞ്ഞ് തൊട്ടടുത്ത ദിവസം ഭാര്യയ്‌ക്കൊപ്പം വീട്ടുമുറ്റത്തു നില്‍ക്കുന്ന വേണുഗോപാലാണ് ചിത്രത്തിലുള്ളത്. ചിത്രം സോഷ്യലിടത്ത് വൈറലായിക്കഴിഞ്ഞു.

നിരവധി ആരാധകരാണ് ചിത്രത്തിനു താഴെ കമന്റുകള്‍ ചെയ്യുന്നത്. നവദമ്പതിമാരുടെ സൗന്ദര്യത്തെ പ്രശംസിച്ചുകൊണ്ടാണ് കമന്റുകള്‍ ഏറെയും. അപൂര്‍വ ചിത്രം കാണാനായതിന്റെ സന്തോഷത്തിലാണ് ആരാധകരേറെയും.

ഗായകന്‍ ജി വേണുഗോപാലും രശ്മിയും 1990 ഏപ്രില്‍ എട്ടിന് ആണ് വിവാഹിതരായത്. ഇരുവര്‍ക്കും അരവിന്ദ്, അനുപല്ലവി എന്നീ രണ്ടു മക്കളുമുണ്ട്. അരവിന്ദ് വേണുഗോപാലും ഗായകനാണ്.

‘ഹൃദയം’ എന്ന സിനിമയ്ക്ക് വേണ്ടി അരവിന്ദ് വേണുഗോപാല്‍ പാടിയ ഗാനം ഏറെ ശ്രദ്ധേയമായിരുന്നു. ‘ഹൃദയം’ത്തില്‍ സഹസംവിധായകനായിരുന്നു അരവിന്ദ് വേണുഗോപാല്‍.

Related News