മലയാളത്തിലെ ശ്രദ്ധേയയായി യുവതാരമാണ് ഗായത്രി സുരേഷ്. ഒരു പക്ഷേ സോഷ്യല്‍ ലോകത്ത് ട്രോളുകളില്‍ ഇത്രയധികം വൈറലായ മറ്റൊരു നടിയും കാണില്ല.
2014ല്‍ മിസ് കേരള ആയിരുന്നു ഗായത്രി. പിന്നാലെയാണ് സിനിമാപ്രവേശനം.
കുഞ്ചാക്കോ ബോബന്‍ നായകനായ ജ്മനപ്യാരി എന്ന സിനിമയിലൂടെയായിരുന്നു ഗായത്രിയുടെ അരങ്ങേറ്റം. തനി തൃശ്ശൂര്‍ ഭാഷയിലെ സംസാരമെല്ലാം വൈറലായിമാറാറുണ്ട്. തന്റെ ആദ്യ സിനിമയെക്കുറിച്ചും കുഞ്ചാക്കോ ബോബനെക്കുറിച്ചും ഗായത്രി മനസ്സ് തുറക്കുകയാണ്.
ചാക്കോച്ചന്‍ ആണ് തന്നെ സിനിമയിലേക്ക് വിളിക്കുന്നത്. ഹലോ ഞാന്‍ കുഞ്ചാക്കോ ബോബന്‍ ആണെന്ന് പറഞ്ഞു. ഞാന്‍ ഹലോ സാര്‍ എന്ന് പറഞ്ഞപ്പോള്‍ സാര്‍ എന്ന് വിളിക്കണ്ട എന്ന് പറഞ്ഞു. ഒരുപാട് സന്തോഷം തോന്നി. എന്റെ സ്വപ്നം നിറവേറ്റാനായി. നിറമൊക്കെ കണ്ട് ചാക്കോച്ചനെ ഭയങ്കര ഇഷ്ടമായിരുന്നുവെന്നും ഗായത്രി പറയുന്നു.
ചാക്കോച്ചനോട് പ്രണയം തോന്നിയിരുന്നുവോ എന്ന ചോദ്യത്തിന്, അത് തോന്നാത്തവരായി ആരുണ്ടെന്നായിരുന്നു ഗായത്രിയുടെ മറുപടി. ചാക്കോച്ചനോട് പ്രണയം തോന്നാത്ത പെണ്‍കുട്ടികളോ, അതെന്ത് ചോദ്യമാണ്, എല്ലാവര്‍ക്കും തോന്നിയിട്ടുണ്ടാകും. നേരിട്ട് കണ്ടപ്പോള്‍ ബഹുമാനമായത് മാറിയെന്നും ഗായത്രി പറയുന്നു. നല്ലൊരു വ്യക്തിയാണ് അദ്ദേഹം. വളരെ ഡീസന്റാണെന്നും ഗായത്രി സുരേഷ് പറഞ്ഞു.
ചാക്കോച്ചനാണ് ജ്മനപ്യാരിയെ കുറിച്ച് പറയുന്നത്. ഇങ്ങനൊരു സിനിമയുണ്ടെന്നും എല്ലാ ഫാക്ടറും ഒത്തുവന്നാല്‍ നമുക്ക് ചെയ്യാമെന്നും പറഞ്ഞു. ഉച്ചയ്ക്ക് എഴുത്തുകാരനും സംവിധായകനും കഥ പറയാന്‍ വരും. പിന്നെ നിര്‍മ്മാതാവ് വരുമെന്നും പറഞ്ഞു. അമ്മയെയാണ് ആദ്യം വിളിച്ച് ഇക്കാര്യങ്ങള്‍ പറഞ്ഞതെന്ന് ഗായത്രി പറയുന്നു.
പ്രണവ് മോഹന്‍ലാലിനെ വിവാഹം കഴിക്കാന്‍ ആഗ്രഹമുണ്ടെന്ന് പറഞ്ഞതോടെയാണ് ഗായത്രിയെ ട്രോളന്മാര്‍ ഏറ്റെടുത്തത്. പിന്നീടങ്ങോട്ട് താരം പറയുന്നതൊക്കെ വൈറലായി. ട്രോളുകള്‍ പരിധി വിടുന്നെന്നും പറഞ്ഞ് താരം മുഖ്യമന്ത്രി പിണറായി വിജയനോട് ലൈവ് വീഡിയോയിലൂടെ അഭ്യര്‍ത്ഥിച്ചിരുന്നു. ഇതും ട്രോളന്മാര്‍ക്ക് കോളാവുകയായിരുന്നു.
