സ്വപ്‌നത്തില്‍ പോലും പ്രതീക്ഷിക്കാത്ത ട്രീറ്റ്!!! അനുഗ്രഹം വാങ്ങിക്കാന്‍ മമ്മൂക്കയുടെ അടുത്ത് പോയപ്പോഴത്തെ അനുഭവം പങ്കുവെച്ച് ഗോകുല്‍ സുരേഷ്

മലയാളത്തിന്റെ മെഗാസ്റ്റാര്‍ മമ്മൂട്ടിയെ ആദ്യമായി കണ്ട അനുഭവം പങ്കുവെച്ചിരിക്കുകയാണ് നടന്‍ ഗോകുല്‍ സുരേഷ്. കുഞ്ഞുനാളില്‍ അച്ഛന്റെ കൂടെ മമ്മൂട്ടി സാറും മോഹന്‍ലാല്‍ സാറുമൊക്കെ പങ്കെടുത്ത ചടങ്ങില്‍ പോയിട്ടുണ്ട്, പക്ഷേ വലുതായ ശേഷം 21ാമത്തെ വയസിലാണ് മമ്മൂട്ടിയെ താന്‍ ആദ്യമായി നേരിട്ടു കണ്ടതെന്ന് ഗോകുല്‍ പറയുന്നു.

ആദ്യ സിനിമയ്ക്ക് അനുഗ്രഹം വാങ്ങാനായിട്ടാണ് അന്ന് മമ്മൂക്കയുടെ അടുത്ത് പോയത്. വെറും പത്തോ പതിനഞ്ചോ മിനുട്ടില്‍ കൂടുതല്‍ അദ്ദേഹം തനിക്കൊപ്പം സമയം ചിലവഴിക്കാന്‍ സാധ്യതയില്ലെന്ന് കരുതിയിരുന്നത്, പക്ഷേ അന്ന് ആറ് മണിക്കൂറോളം നേരം തനിക്കൊപ്പം ഇരുന്ന് അദ്ദേഹം സംസാരിച്ചെന്നും ഗോകുല്‍ ഓര്‍മ്മ പങ്കുവച്ചു.

അദ്ദേഹം അധികം സംസാരിക്കുമെന്നൊന്നും കരുതിയിരുന്നില്ല. എങ്കിലും ആ വിഷ്വല്‍ ട്രീറ്റ് അനുഭവിച്ചിട്ട് പെട്ടെന്ന് സ്‌കൂട്ടാവാം എന്ന പ്രതീക്ഷയിലാണ് അദ്ദേഹത്തിന്റെ അടുത്തേക്ക് ചെന്നത്. എന്നാല്‍ അവിടെ എത്തിക്കഴിഞ്ഞപ്പോള്‍ മമ്മൂട്ടി സാര്‍ എന്നെ അവിടെ ഇരുത്തി, ഏതാണ്ട് ആറ് മണിക്കൂറോളം ഞങ്ങള്‍ സംസാരിച്ചു.

മാത്രമല്ല, എന്നേയും എന്റെ സുഹൃത്തിനേയും ഭക്ഷണം കഴിക്കാനായിട്ടും അദ്ദേഹം ക്ഷണിച്ചു. കൂടാതെ എനിക്ക് ഭക്ഷണം വിളമ്പിത്തന്നു. അതൊരു മാജിക്കലായിട്ടുള്ള അനുഭവമായിരുന്നു. ഭക്ഷണം കഴിച്ച് ഞാന്‍ കൈ കഴുകുമ്പോള്‍ എന്റെ സുഹൃത്ത് എന്റെ പിറകില്‍ നില്‍പ്പുണ്ടായിരുന്നു. പുള്ളിയുടെ എക്സ്പ്രഷന്‍ കണ്ണാടിയില്‍ കൂടി കണ്ടപ്പോള്‍ എന്തുപറ്റിയെന്ന് ചോദിച്ചു. അവന്‍ പറഞ്ഞത് എല്ലാം ഒരു സ്വപ്നം പോലെ തോന്നുന്നു എന്നായിരുന്നു.

അത് എനിക്ക് ഭയങ്കര അത്ഭുതമായിരുന്നു. നമ്മള്‍ അത് പ്രതീക്ഷിക്കുന്നില്ല. അത്രയും വലിയ ആള്‍ക്കാരുടെ അടുത്ത് നിന്ന് ഇങ്ങനെയാരു ട്രീറ്റ്. പിന്നെ എപ്പോള്‍ വേണമെങ്കിലും എനിക്ക് അവിടെ ചെല്ലാനുള്ള സ്വാതന്ത്ര്യം മമ്മൂട്ടി സാറായാലും ചാലുവായാലും തന്നിട്ടുണ്ടെന്നും ഗോകുല്‍ പറയുന്നു. പക്ഷേ ഞാന്‍ വളരെ ചുരുക്കമേ അദ്ദേഹത്തെ അവിടെ പോയി കാണാറുള്ളൂ, ആ സ്വാതന്ത്യം നമ്മള്‍ ദുരുപയോഗിക്കാന്‍ പാടില്ലല്ലോ, ഗോകുല്‍ പറഞ്ഞു.

മമ്മൂട്ടിയുടെ മാസ്റ്റര്‍ പീസില്‍ അഭിനയിച്ചതിനെ കുറിച്ചും ഗോകുല്‍ പറയുന്നുണ്ട്.
മാസ്റ്റര്‍ പീസില്‍ ചുരുങ്ങിയ സീനില്‍ മാത്രമേ ഉണ്ടാവുള്ളു എന്ന് സംവിധായകന്‍ പറഞ്ഞിരുന്നു. എങ്കിലും മമ്മൂട്ടി സാറിന്റെ ഒരു സിനിമയില്‍ അഭിനയിക്കണം എന്നതുകൊണ്ടാണ് ആ സിനിമ ചെയ്തത്. ഒരുമിച്ച് സ്‌ക്രീന്‍ സ്പേസ് ഷെയര്‍ ചെയ്തില്ലെങ്കിലും അതുപോലത്തെ ഫീല്‍ തന്നെയായിരുന്നെന്നും ഗോകുല്‍ കൂട്ടിച്ചേര്‍ത്തു.

Previous articleഹൃദയാഘാതം; സ്റ്റാൻഡപ്പ് കൊമേഡിയൻ രാജു ശ്രീവാസ്തവ ആശുപത്രിയിൽ
Next articleമകളോട് ഒരമ്മ ക്രൂരമായ തമാശ കാണിച്ചപ്പോള്‍; രൂക്ഷപ്രതികരണവുമായി സോഷ്യല്‍ മീഡിയ