പ്രേക്ഷകരുടെ ഏറെ പ്രിയപ്പെട്ട മിനിസ്ക്രീൻ താരമാണ് ഗോവിന്ദ് പത്മസൂര്യ, നടൻ എന്നതിനേക്കൾ നല്ലൊരു അവതാരകൻ ആണ് ജിപി, നിരവധി ആരാധകർ ആണ് ജിപി ക്ക് ഉള്ളത്, ഇപ്പോൾ അല്ലു അർജുൻ നായകനായ വൈകുണ്ഠപുരത്ത് സിനിമയിലെ വില്ലൻ കഥാപാത്രത്തെ അവതരിപ്പിച്ചത് ജിപി ആയിരുന്നു. ഇപ്പോൾ താൻ കുരുമുളക് പറിക്കാൻ കയറുന്ന ഒരു ചിത്രം ആണ് ജിപി ഇൻസ്റ്റയിൽ പങ്കുവെച്ചിരിക്കുന്നത്, രസകരമായ അടിക്കുറിപ്പും ജിപി അതിനു നൽകിയിട്ടുണ്ട്. “ജീവിതം ചിലപ്പോഴൊക്കെ ഇങ്ങനെയാണ്. ഇതുപോലുള്ള സന്ദര്‍ഭങ്ങളാണ് നമ്മളെ ഗൗരവമേറിയ ജീവിതപാഠങ്ങള്‍ പഠിപ്പിക്കുന്നത്. ഞാന്‍ പഠിച്ച പാഠം: അയല്‍വാസി മുരളിയേട്ടന്‍ മൊബൈല്‍ കാമറയുമായി ഇടവഴിയിലൂടെ നടക്കുമ്ബോള്‍ കുരുമുളക് പറിക്കാന്‍ മതിലില്‍ കയറരുത്!” എന്ന അടിക്കുറിപ്പോടെ ആണ് ജിപി തന്റെ ചിത്രം പങ്കു വെച്ചിരിക്കുന്നത്.
അല്ലു അര്‍ജുന്‍ നായകനാവുന്ന ‘അലവൈകുണ്ഡപുരം’ എന്ന തെലുങ്ക് ചിത്രമാണ് അവസാനം തിയേറ്ററുകളില്‍ എത്തിയ ജിപി ചിത്രം. നടന്‍ ജയറാമും ചിത്രത്തില്‍ ഒരു പ്രധാന വേഷത്തില്‍ എത്തിയിരുന്നു. നിവേത പെതുരാജ്, തബു, സുശാന്ത്, നവദീപ്, സത്യരാജ്, സുനില്‍ തുടങ്ങിയവരാണ് മറ്റു കഥാപാത്രങ്ങള്‍. സണ്‍ ഓഫ് സത്യമൂര്‍ത്തിക്കും ജുലായ്ക്കും ശേഷം അല്ലുവിന്റെയും, തിവിക്രത്തിന്റെയും ഒരുമിച്ചുള്ള മൂന്നാമത്തെ സിനിമയാണ് ‘അല വൈകുണ്ഡപുരം’.
