Friday, December 9, 2022
HomeFilm Newsചാഞ്ചാടുണ്ണീ..ചാഞ്ചാട്..ചന്ദനത്തൊട്ടിലിലാടാട്..!!! മനംകവര്‍ന്ന് ചിത്രയുടെ താരാട്ടുപാട്ട്

ചാഞ്ചാടുണ്ണീ..ചാഞ്ചാട്..ചന്ദനത്തൊട്ടിലിലാടാട്..!!! മനംകവര്‍ന്ന് ചിത്രയുടെ താരാട്ടുപാട്ട്

ഇടവേളയ്ക്ക് ശേഷം താരാട്ടുപാട്ടുമായി മലയാളത്തിന്റെ സ്വന്തം വാനമ്പാടി കെഎസ് ചിത്ര. വാസുദേവ് സനല്‍ സംവിധാനം ചെയ്യുന്ന ‘ഹയ’ എന്ന ചിത്രത്തിലെ ചിത്ര ആലപിച്ച ഗാനം റിലീസ് ചെയ്തു. മസാല കോഫി ബാന്‍ഡിലെ വരുണ്‍ സുനില്‍ സംഗീതം പകര്‍ന്ന ഗാനത്തിന് വരികള്‍ പ്രൊഫ.പി.എന്‍. ഉണ്ണികൃഷ്ണന്‍ പോറ്റിയുടേതാണ്.

എഞ്ചിനീയറിംഗ് കോളജ് പശ്ചാത്തലത്തിലുള്ള ചിത്രത്തിന്റെ നിര്‍മ്മാണം സിക്സ് സില്‍വര്‍ സോള്‍സ് സ്റ്റുഡിയോ ആണ്. ചിത്രം നവംബര്‍ 25 ന് തീയറ്ററുകളില്‍ എത്തും. ഇരുപത്തി നാല് പുതുമുഖങ്ങളെ അണിനിരത്തി വാസുദേവ് ഒരുക്കുന്ന ക്യാംപസ് ത്രില്ലര്‍ ചിത്രമാണ് ഹയ.

‘ഗോഡ്‌സ് ഓണ്‍ കണ്‍ട്രി’ എന്ന ചിത്രത്തിന് ശേഷം വാസുദേവ് സനല്‍ സംവിധാനം ചെയ്യുന്ന ചിത്രം കൂടിയാണ് ഹയ. മാധ്യമ പ്രവര്‍ത്തകനും എഴുത്തുകാരനുമായ മനോജ് ഭാരതിയാണ് ചിത്രത്തിന്റെ കഥയും തിരക്കഥയും സംഭാഷണവും നിര്‍വഹിച്ചിരിക്കുന്നത്.

മിന്നല്‍ മുരളിയിലൂടെ ശ്രദ്ധേയനായ ഗുരു സോമസുന്ദരം പ്രധാന വേഷത്തിലെത്തുന്നുണ്ട് ചിത്രത്തില്‍. ഭരത്, ശംഭു മേനോന്‍, സോഷ്യല്‍ മീഡിയയിലൂടെ ശ്രദ്ധേയരായ ചൈതന്യ പ്രകാശ്, ഭരത്, അക്ഷയ ഉദയകുമാര്‍ എന്നിവര്‍ക്കൊപ്പം ഇരുപത്തിനാലോളം പുതുമുഖങ്ങളും അണിനിരക്കുന്നുണ്ട്.

മാത്രമല്ല ഇന്ദ്രന്‍സ്, ജോണി ആന്റണി, ലാല്‍ ജോസ്, ശ്രീധന്യ, ശ്രീകാന്ത് മുരളി, ലയ സിംസണ്‍, കോട്ടയം രമേഷ്, ബിജു പപ്പന്‍, ശ്രീരാജ്, സണ്ണി സരിഗ, വിജയന്‍ കാരന്തൂര്‍ തുടങ്ങിയവരും മറ്റ് വേഷങ്ങളില്‍ എത്തുന്ന ചിത്രമാണ് ഹയ.

സന്തോഷ് വര്‍മ്മ, മനു മഞ്ജിത്, പ്രൊഫ.പി.എന്‍. ഉണ്ണികൃഷ്ണന്‍ പോറ്റി, ലക്ഷ്മി മേനോന്‍ , സതീഷ് ഇടമണ്ണേല്‍ എന്നിവരാണ് ചിത്രത്തിന് ഗാനങ്ങള്‍ എഴുതിയിരിക്കുന്നത്. കെ.എസ്.ചിത്ര, ജുവന്‍ ഫെര്‍ണാണ്ടസ്, രശ്മി സതീഷ് , അസ്ലം അബ്ദുല്‍ മജീദ്, വരുണ്‍ സുനില്‍ ,ബിനു സരിഗ, വിഷ്ണു സുനില്‍ എന്നിവരാണ് ഗാനങ്ങള്‍ ആലപിച്ചിട്ടുള്ളത്.

Related News