Current Affairs

HIV ബാധിതനായ തടവുകാരന്‍ പോലീസിനെ കുഴക്കി, സിഗരറ്റ് നല്‍കിയില്ലെങ്കില്‍ കടിക്കുമെന്ന് ഭീഷണി, വീഡിയോ

കോടതിയിൽ ഹാജരാക്കാൻ കൊണ്ടുവന്നപ്പോള്‍ സിഗററ്റ് വാങ്ങി നൽകാത്തതിന് പ്രതി പൊലീസുകാരെയും ജയിൽ ഉദ്യോഗസ്ഥരെയും കുഴക്കി. സിറ്റിയിലെ പൊലീസുകാരെ കുറെ നാളായി സമ്മർദ്ദത്തിലാക്കുകയാണ് ക‍ഞ്ചാവ് കേസുമുള്‍പ്പെടെ നിരവധി കേസിൽ പ്രതിയായ തടവുകാരൻ .

പ്രതി ജയിൽ ജീവനക്കാർക്കും തലവേദനയാണ്. ആക്രമണത്തിൽ പരിക്കേറ്റ ചില പൊലീസുകാരെ  വിദഗ്‍ധ ചികിത്സക്കായി അയച്ചു. ഇപ്പോള്‍ പുറത്ത് വന്നിരിക്കുന്നത്  റിമാൻഡ് നീട്ടാനായി പ്രതിയെ എആർ ക്യാമ്പിലെ പൊലീസുകാർ  കോടതിയിലെത്തിച്ചപ്പോള്‍ പൊലീസുകാരെ ഭീഷണിപ്പെടുത്തുന്ന ദൃശ്യങ്ങളാണ്.

തടവുകാരന്‍റെ സ്വഭാവമറിയാവുന്നതിനാൽ പൊലീസുകാര്‍ പ്രത്യേകിച്ചൊന്നും ചെയ്യാതെ മാറിനിന്നു. സിഗരറ്റ് വാങ്ങി നൽകാത്തതിനായിരുന്നു ഭീഷണി. പിടിക്കാൻ ചെന്നാൽ കടിച്ച് പരിക്കേൽപ്പിക്കും, ഇല്ലെങ്കിൽ കൈമുറിച്ച് രക്തം മറ്റുള്ളവരുടെ ശരീരത്തിലൊഴിക്കും,  പ്രതിയുടെ ഭീഷണി ഇങ്ങനെ പോകുന്നു.

പിടിക്കാൻ ചെന്ന പൊലീസുകാരെ ഭീഷണിപ്പെടുത്തി. കൂടുതൽ പൊലീസെത്തി അനുനയിപ്പിച്ചാണ് ഇയാളെ ജയിലിലേക്ക് കൊണ്ടുപോയത്. പൊലീസ് അസോസിയേഷനും അടിയന്തിര ഇടപെടൽ ആവശ്യപ്പെട്ടു.

Trending

To Top
Don`t copy text!