പൊന്നിയിന് സെല്വന് എന്ന മണിരത്നം ചിത്രത്തില് ശ്രദ്ധേയമായ വേഷത്തില് മലയാളികളുടെ പ്രിയ നടന് ജയറാമും എത്തിയിരുന്നു. ഇപ്പോഴിതാ ജയറാമിനൊപ്പമുള്ള ഷൂട്ടിംഗ് അനുഭവം പങ്കുവെച്ച് തമിഴ് നടന് കാര്ത്തി പറഞ്ഞ വാക്കുകളാണ് വൈറലായി മാറുന്നത്. അദ്ദേഹം സെറ്റില് ഉണ്ടെങ്കില് ഭയങ്കര രസമാണെന്നാണ് കാര്ത്തി ജയറാമിനെ കുറിച്ച് പറഞ്ഞത്. കൊച്ചിയില് തന്റെ ഏറ്റവും പുതിയ സിനിമ സര്ദാര് സിനിമയുടെ പ്രമോഷന് പരിപാടിക്ക് വേണ്ടി എത്തിയപ്പോള് ആണ് താരം ജയറാമുമൊത്തുള്ള തന്റെ അനുഭവം പങ്കുവെച്ചത്.
കാര്ത്തിയോടൊപ്പം മുഴുനീള സീനുകളില് ചിത്രത്തില് ജയറാം എത്തിയിരുന്നു.. ഒരു കഥാപാത്രത്തോട് അദ്ദേഹം കാണിക്കുന്ന സമര്പ്പണം നമ്മള് എല്ലാവരും കണ്ട് പഠിക്കണം എന്നാണ് കാര്ത്തി ജയറാമിനെ കുറിച്ച് പറയുന്നത്… കഥാപാത്രത്തിന് വേണ്ടി അദ്ദേഹം നടത്തിയ മാറ്റം എന്നെ ഞെട്ടിച്ചിരുന്നു.. ഇത്ര കറക്ടായി മണിരത്നം സാര് എങ്ങനെ ജയറാം സാറിനെ കാസ്റ്റ് ചെയ്തു എന്ന് പലപ്പോഴും ഞാന് ചിന്തിച്ചിട്ടുണ്ട്. സിനിമയില് ഓരോ രംഗത്തിന് വേണ്ടിയും അദ്ദേഹം തയ്യാറാകുന്നത് ഞാന് ശ്രദ്ധിച്ചിട്ടുണ്ട്.. ഞാന് പോലും അങ്ങനെയൊന്നും ചെയ്യാറില്ല..
സിനിമയെ അദ്ദേഹം കാണുന്നത് ദൈവത്തെപ്പോലെയാണ് എന്നും കാര്ത്തി പറഞ്ഞു.. മാത്രമല്ല ഓരോ തമാശകള് പറഞ്ഞ് അദ്ദേഹം ചിരിപ്പിച്ചുകൊണ്ടേയിരിക്കും.. എന്നും ജയറാമിനെ കുറിച്ച് കാര്ത്തി പറഞ്ഞു. വേറിട്ട വേഷത്തില് ആയിരുന്നു ചിത്രത്തില് ജയറാം പ്രത്യക്ഷപ്പെട്ടത്.. സിനിമയ്ക്ക് വേണ്ടി വമ്പന് മേക്കോവര് ആയിരുന്നു ജയറാം നടത്തിയത്. അതേസമയം, സിനിമാ സെറ്റില് നടന്ന ഓരോ രസകരമായ സംഭവങ്ങളും പൊന്നിയില് സെല്വന്റെ
പ്രമോഷന് വേദിയില് വെച്ച് അദ്ദേഹം അനുകരിച്ച് കാണിച്ചത് വളരെയധികം ശ്രദ്ധ നേടിയിരുന്നു. വേദിയില് വെച്ച് കാര്ത്തി, മണിരത്നം, ജയംരവി,പ്രഭു എന്നിവരെ വളരെ രസകരമായി ജയറാം അനുകരിച്ച് കാണിച്ചിരുന്നു. സൂപ്പര്താരങ്ങളെല്ലാം ജയറാമിന്റെ അഭിനയം കണ്ട് മതിമറന്ന് ചിരിച്ചിരുന്നു.