ട്രാന്‍സ് ജെന്‍ഡര്‍ യുവതി സീമ വിനീതിന് മകൻ അശ്‌ളീല മെസ്സേജ് അയച്ചു എന്ന ആരോപണത്തിൽ മറുപടിയുമായി മാല പാർവതി. എന്റെ മകൻ സീമയ്ക്ക് 2017 മുതൽ അശ്‌ളീല മെസ്സേജുകൾ അയക്കുന്നതായും അത് കണ്ട ഉടൻ നിങ്ങൾ പ്രതികരിച്ചതായും ഞാൻ അറിഞ്ഞു, കഴിഞ്ഞ ദിവസം എന്റെ ഒരു സുഹൃത്ത് വഴി ആണ് ഞാൻ ഇത് അറിഞ്ഞത്. എന്റെ മകനെ ഉദ്ദേശിച്ച് നിങ്ങൾ ഇട്ട പോസ്റ്റ് അവർ കാണുകയും എന്നോട് അത് പറയുകയുമാണ് ചെയ്തത്. അറിഞ്ഞപ്പോള്‍ തന്നെ, ആ കുട്ടിയെ വിളിച്ച്‌ എന്താണ് സംഭവം എന്ന് ചോദിച്ചു. അമ്മ എന്ന നിലയ്ക്കും, സ്ത്രീ എന്ന നിലയ്ക്കും മാപ്പ് പറഞ്ഞു. നിയമപരമായി. നീങ്ങാനും പറഞ്ഞു.എന്നിട്ടപ്പോള്‍ തന്നെ പൊലീസില്‍ അറിയിച്ചു.
എന്നാൽ സീമക്ക് എന്നെ നേരിട്ട് കാണണം എന്ന് അവരുടെ ഒരു സുഹൃത്ത് വഴി ഞാൻ അറിഞ്ഞു, എങ്കിൽ മാത്രമേ പ്രശ്‌നം തീരുകയുള്ളു എന്ന് സീമ സുഹൃത്തിനോട് പറഞ്ഞതായി ഞാൻ അറിഞ്ഞു, അത് മാത്രമല്ല സീമയുടെ ഒരു വോയിസ് ക്ലിപ്പും എനിക്ക് കിട്ടി ഇതിൽ സീമ പറഞ്ഞത് സീമക്ക് നഷ്ട്ടപരിഹാരം വേണം എന്നാണ്. എന്നാൽ അതിനു ശേഷം ഞാൻ പ്രതികരിച്ചില്ല.
ഇന്ന് കാലത്ത് സീമ ലൈവ് വന്നു. ഇന്നിപ്പോള്‍ ചാറ്റുള്‍പ്പെടെ ഷെയര്‍ ചെയ്തിരിക്കുന്നു. എന്റെ മകന് 27 വയസ്സായി, അവൻ ഒരു സ്വതന്ത്ര വ്യക്തിയാണ്, ഏകപക്ഷീയമായ ഇടപെടല്‍ ഉണ്ടായിട്ടുണ്ടെങ്കില്‍, അതിന്റെ ഉത്തരവാദിത്വം അവന്‍ ഏറ്റെടുക്കും. നിയമപരമായി മുന്നോട്ട് പോകണമെന്നാണ് എന്റെ പക്ഷം.
