News

പരിക്കേറ്റ പരുന്തിനെ രക്ഷിക്കാനിറങ്ങി; 43കാരനും ഡ്രൈവര്‍ക്കും ദാരുണാന്ത്യം

വളരെ ദാരുണവും നിര്‍ഭാഗ്യകരവുമായ ഒരു അപകടത്തിന്റെ ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. തന്റെ കാറില്‍ ഇടിച്ച ഒരു പക്ഷിയെ രക്ഷിക്കാന്‍ ബാന്ദ്ര വര്‍ളി സീ ലിങ്കില്‍ നിര്‍ത്തിയ 43 കാരനും ഡ്രൈവറും മരിച്ചു.

മെയ് 30 ന് 43 കാരനായ അമര്‍ മനീഷ് ജരിവാല ബാന്ദ്ര-വര്‍ളി സീ ലിങ്ക് റൂട്ട് വഴി മലാഡിലേക്ക് പോകുമ്പോഴാണ് സംഭവം. പെട്ടെന്ന്, ഒരു പരുന്ത് അദ്ദേഹത്തിന്റെ കാറിനടിയില്‍ വന്നുപെട്ടു. അതിനെ തുടര്‍ന്ന് അദ്ദേഹം തന്റെ ഡ്രൈവര്‍ ശ്യാം സുന്ദര്‍ കാമത്തിനോട് വാഹനം നിര്‍ത്താന്‍ ആവശ്യപ്പെട്ടു. പരിക്കേറ്റ പക്ഷിയെ രക്ഷിക്കാന്‍ ഇരുവരും ഇറങ്ങി.

എന്നിരുന്നാലും, പരിക്കേറ്റ പക്ഷിയെ ജരിവാല എടുത്തപ്പോള്‍, പിന്നില്‍ വന്ന കാര്‍ ഇരുവരേയും ഇടിച്ചു തെറിപ്പിക്കുകയായിരുന്നു. ആഘാതത്തില്‍ ജരിവാല വായുവിലേക്ക് പറന്ന് റെയിലിംഗില്‍ വീണു, ശ്യാം സുന്ദര്‍ റോഡിലേക്കും തെറിച്ചു വീണു. ഇരുവരെയും ഉടന്‍ തന്നെ അടുത്തുള്ള ലീലാവതി ആശുപത്രിയില്‍ പ്രവേശിപ്പിച്ചു, അവിടെ വെച്ച് ജരിവാല മരിച്ചതായി സ്ഥിരീകരിച്ചു, അതേസമയം അദ്ദേഹത്തിന്റെ ഡ്രൈവര്‍ ഗുരുതരാവസ്ഥയിലായിരുന്നു. ചികിത്സയിലിരിക്കെയാണ് ശ്യാം സുന്ദര്‍ മരിച്ചത്.

വേഗത നിയന്ത്രിക്കാനാകാതെയാണ് കാര്‍ ഡ്രൈവര്‍ ഇരുവരേയും ഇടിച്ചു തെറിപ്പിച്ചതെന്ന് പൊലീസ് പറയുന്നു. അതേസമയം ഡ്രൈവര്‍ കഷ്ടപ്പെടാന്‍ ആഗ്രഹിക്കുന്നില്ല എന്നതിനാല്‍ അദ്ദേഹത്തിനെതിരെ ഒരു നടപടിക്കുമില്ലെന്ന് ജരിവാലയുടെ പിതാവ് മനീഷ് പോലീസിനോട് പറഞ്ഞു. തന്റെ മകന് പക്ഷി മൃഗാദികളോട് വളരെയധികം കരുണയുണ്ടായിരുന്നുവെന്നും പക്ഷികളെയും മൃഗങ്ങളെയും എപ്പോഴും സഹായിക്കുകയും പരിപാലിക്കുകയും ചെയ്തിരുന്നതായും അദ്ദേഹം പറയുന്നു.

Recent Posts

ഭർത്താവിനെ ഐസിയുവിൽ പ്രവേശിപ്പിക്കുമ്പോൾ സന്തോഷിക്കുന്ന ഭാര്യ ഞാൻ മാത്രമായിരിക്കും; അനുഭവം പങ്കുവെച്ച് ദേവി ചന്ദന

അഭിനേത്രിയും നർത്തകിയുമായ ദേവി ചന്ദന മലയാള പ്രേക്ഷകർക്ക് സുപരിചിതയാണ്. സീരിയലുകളിൽ സാജീവമാണ് ദേവി ചന്ദന. കിഷോർ ആണ് ദേവി ചന്ദനയുടെ…

49 mins ago

ഡിസംബർ ഒന്നിന് ഉറപ്പായും ‘ഗോൾഡ്’ എത്തും; സെൻസറിംഗ് വിവരങ്ങൾ പുറത്ത്

പ്രേമത്തിന് ശേഷം അൽഫോൺസ് പുത്രൻ സംവിധാനം ചെയ്യുന്ന പുതിയ ചിത്രമാണ് 'ഗോൾഡ്'.ഡിസംബർ ഒന്നിനി സിനിമ പ്രദർശനത്തിനെത്തും.ഗോൾഡിനായി ആരാധകർ കാത്തിരിക്കാൻ തുടങ്ങിയിട്ട്…

2 hours ago

ഒരു സിനിമ സംവിധാനം ചെയ്യാന്‍ പോവുകയാണ് ‘പെണ്ണും പൊറാട്ടും’; പ്രഖ്യാപനവുമായി രാജേഷ് മാധവ്

ഒരു സിനിമ സംവിധാനം ചെയ്യാന്‍ പോവുകയാണെന്ന് യുവനടന്‍ രാജേഷ് മാധവന്‍. 'ന്നാ താന്‍ കേസ് കൊട് 'എന്ന ചിത്രത്തിലെ പ്രകടനത്തോടെ…

13 hours ago