വെൽകം ലിറ്റിൽ ചിരു, അച്ഛന്റെ ജന്മദിനത്തിൽ കുഞ്ഞിനെ സ്വാഗതം ചെയ്ത് മേഘ്ന

മലയാളികൾക്ക് ഏറെ പരിചയമുള്ള നടിയാണ് മേഘ്ന രാജ്,  ഏറെ നാളത്തെ പ്രണയത്തിനു ശേഷമാണ് മേഘ്ന കന്നഡ നടൻ ചിരഞ്ജീവിയെ വിവാഹം ചെയ്തത് . വിവാഹം കഴിഞ്ഞ് രണ്ടാം വര്‍ഷം പൂര്‍ത്തിയാക്കിയതിന് പിന്നാലെയായാണ് ചിരഞ്ജീവി മരണപ്പെട്ടത്. ചിരംജീവി മരിക്കുമ്പോൾ മേഘ്ന ഗർഭിണി ആയിരുന്നു. തന്റെ കുഞ്ഞിന്റെ മുഖം ഒന്ന് കാണാൻ പോലും സാധിക്കാതെയാണ് മേഘ്‌നയുടെ ഭർത്താവ് മരണപ്പെട്ടത്.

ചിരഞ്ജീവിയുടെ വിയോഗത്തിൽ നിന്നുമുള്ള ദുഃഖത്തിൽ നിന്നും ഇതുവരെ മേഘ്ന മുക്തയായിട്ടില്ല. ചിരുവിന് ഏറെ പ്രിയപ്പെട്ട സ്ഥലമായിരുന്നു സഹോദരനായ ധ്രുവ സര്‍ജയുടെ ഫാം ഹൗസ്. അവിടെയായിരുന്നു അവസാന വിശ്രമം ഒരുക്കിയത്. പ്രിയതമന്റെ നെഞ്ചില്‍ വീണ് കരയുന്ന മേഘ്‌നയുടെ വീഡിയോയും ചിത്രങ്ങളും സോഷ്യല്‍ മീഡിയയിലൂടെ വൈറലായി മാറിയിരുന്നു.

മുഖത്ത് പുഞ്ചിരി വിടര്‍ത്തി പ്രേക്ഷകര്‍ക്ക് മുന്നില്‍ സോഷ്യല്‍ മീഡിയയിലൂടെ മേഘ്ന ഓരോ തവണ പ്രത്യക്ഷപ്പെടുമ്ബോഴും, ആരാധകരുടെ കണ്ണുകളാണ് നിറയുക. പ്രിയപ്പെട്ട ഭര്‍ത്താവിനെ ഓര്‍ക്കാപ്പുറത്ത് നഷ്‌ടപ്പെടുക. അതും ആദ്യത്തെ കുഞ്ഞിനെ കാണാനുള്ള കാത്തിരിപ്പും സ്വപ്നങ്ങളും നിറയുന്ന നിമിഷത്തില്‍. ഇന്ന് മേഘ്‌നയുടെ പ്രിയപ്പെട്ട ചിരുവിന്റെ പിറന്നാളാണ്. ചിരു മറ്റൊരു ലോകത്തിരുന്നു കൊണ്ട് കാണുന്ന പിറന്നാള്‍.

എല്ലാവരും സന്തോഷത്തോടെ ഇരിക്കുന്നത് കാണാനാണ് ചിരഞ്ജീവി സര്‍ജ എന്ന ചിരുവിന് ആഗ്രഹം എന്ന് മേഘ്ന തന്നെ പറഞ്ഞിട്ടുണ്ട്. നിറവയറുമായി ഭര്‍ത്താവ് ഒപ്പമില്ലെങ്കിലും അദ്ദേഹത്തിന്റെ രൂപത്തിലെ ഒരു കട്ട്‌ഔട്ട് അരികില്‍ വച്ചാണ് മേഘ്ന ചടങ്ങില്‍ പ്രത്യക്ഷപ്പെട്ടത്. പട്ടു സാരിയും ഹാരവുമണിഞ്ഞ് പുഞ്ചിരി തൂകിയ മുഖത്തോടെയാണ് മേഘ്ന വന്നതെങ്കിലും അത് കണ്ടവരെ മുഴുവന്‍ ദുഃഖത്തിലാഴ്ത്തി. ഈ പിറന്നാളിന് തന്റെ വയറ്റില്‍ വളരുന്ന കുഞ്ഞിന് അച്ഛനെ പരിചയപ്പെടുത്തി കൊടുത്താണ് മേഘ്ന എത്തുന്നത്. കഴിഞ്ഞ ദിവസം തന്റെ സീമന്ത ചടങ്ങിലെ വീഡിയോ മേഘ്ന ഷെയര്‍ ചെയ്തിരുന്നു. “നിന്റെ അച്ഛന്‍ എന്നും ഒരു ആഘോഷമായിരുന്നു” എന്നാണ് മേഘ്‌നയ്ക്ക് പറയാനുള്ളത്.