ഒടുവില്‍ വാവ സുരേഷ് അതിന് സമ്മതിച്ചു…!!

കേരളക്കരയെ ആകെ ഞെട്ടിച്ച് കൊണ്ടായിരുന്നു പാമ്പുപിടിത്തത്തിനിടെ വാവ സുരേഷിന് മൂര്‍ഖന്റെ കടിയേറ്റു എന്ന വാര്‍ത്ത പുറത്ത് വന്നത്. ഇപ്പോള്‍ ആരോഗ്യനില വീണ്ടെടുത്തിരിക്കുകയാണ് അദ്ദേഹം. ഈ വാര്‍ത്ത അദ്ദേഹത്തിന്റെ അഭ്യുദയകാംക്ഷികള്‍ക്ക് ഏറെ ആശ്വാസം പകരുന്നതാണ്. ഇനിയെങ്കിലും…

കേരളക്കരയെ ആകെ ഞെട്ടിച്ച് കൊണ്ടായിരുന്നു പാമ്പുപിടിത്തത്തിനിടെ വാവ സുരേഷിന് മൂര്‍ഖന്റെ കടിയേറ്റു എന്ന വാര്‍ത്ത പുറത്ത് വന്നത്. ഇപ്പോള്‍ ആരോഗ്യനില വീണ്ടെടുത്തിരിക്കുകയാണ് അദ്ദേഹം. ഈ വാര്‍ത്ത അദ്ദേഹത്തിന്റെ അഭ്യുദയകാംക്ഷികള്‍ക്ക് ഏറെ ആശ്വാസം പകരുന്നതാണ്. ഇനിയെങ്കിലും പാമ്പുപിടിത്തത്തിന് ഇറങ്ങുമ്പോള്‍ മുന്‍കരുതലുകള്‍ എടുക്കണം എന്നാണ് എല്ലാവരും ഒരേ സ്വരത്തില്‍ വാവ സുരേഷിനോട് ആവശ്യപ്പെടുന്നത്. ഇപ്പോഴിതാ രണ്ട് അഭ്യര്‍ത്ഥനകള്‍ വാവ സുരേഷ് അംഗീകരിച്ചിരിക്കുകയാണ്.

മന്ത്രി വിഎന്‍ വാസവന്റെ നിര്‍ദേശപ്രകാരമുള്ള രണ്ട് ആവശ്യങ്ങളും നിര്‍ദേശങ്ങളും ആണ് വാവ ഇനി ചെയ്യാം എന്ന് ഉറപ്പ് നല്‍കിയിരിക്കുന്നത്. മന്ത്രിയെ കണ്ടു സംസാരിക്കണമെന്ന വാവ സുരേഷിന്റെ ആഗ്രഹപ്രകാരമാണു വാസവന്‍ ആശുപത്രിയിലെത്തിയത്. ഇരുവരുമൊത്തുള്ള സംഭാഷണത്തിനൊടുവിലാണ് വാവ ഈ കാര്യങ്ങള്‍ക്ക് സമ്മതം മൂളിയത്. മന്തി ഫേസ്ബുക്ക് കുറിപ്പിലൂടെയാണ് ഇക്കാര്യം അറിയിച്ചത്. കുറിപ്പിന്റെ പ്രസക്ത ഭാഗം വായിക്കാം… ”ഇനി കുറച്ചു കാലം വിശ്രമിക്കണമെന്ന ഡോക്ടര്‍മാരുടെ ആവശ്യം ഞാന്‍ അറിയിച്ചു.

അതുപോലെ വേണ്ട മുന്‍ കരുതലെടുത്തു വേണം ഇനി പാമ്പുകളെ പിടിക്കാനെന്ന കാര്യവും ഓര്‍മിപ്പിച്ചു. രണ്ടു കാര്യങ്ങളും അനുസരിക്കാമെന്ന് അദ്ദേഹം സമ്മതിച്ചിട്ടുണ്ട്. കേരളത്തിന്റെ എല്ലാ സ്ഥലങ്ങളിലേക്കുമുള്ള ഓട്ടം കുറയ്ക്കണമെന്നു പറഞ്ഞപ്പോള്‍, ആളുകള്‍ വിളിക്കുമ്പോള്‍ എനിക്കു പോകാതിരിക്കാന്‍ പറ്റില്ല സാര്‍,

ഒരു ഫോണ്‍ വിളി കാസര്‍കോട്ടുനിന്നാണങ്കില്‍ മറ്റൊന്ന് എറണാകുളത്തുനിന്നായിരിക്കും, ആരോടും വരില്ല എന്നു പറയാന്‍ അറിയില്ല എന്ന് ചിരിച്ചുകൊണ്ടായിരുന്നു മറുപടി.”അതുപറ്റില്ല, ഇനി കുറച്ചുകാലം നല്ല വിശ്രമം വേണം, ആവശ്യത്തിന് ഉറക്കം കിട്ടണം, അതൊക്കെ ശ്രദ്ധിക്കണമെന്നു പറഞ്ഞാണു മുറിയില്‍നിന്ന് മടങ്ങിയതെന്നും മന്ത്രി കുറിച്ചു.