Film News

ട്രാൻസ്‌ജെന്റർ എന്നാൽ ലൈംഗിക തൊഴിലാളി എന്നല്ല അർഥം ; മിസ് ട്രാൻസ് ഗ്ലോബൽ കിരീടം ചൂടി ശ്രുതി സിതാര

സമൂഹത്തിൽ വളരെയധികം യാതനകളും പ്രശ്നങ്ങളും അനുഭവിക്കുന്ന ഒരു വിഭാഗമാണ് ട്രാൻസ് കമ്മ്യൂണിറ്റി. ട്രാൻസ്ജെന്റർ എന്നാൽ ലൈംഗിക തൊഴിലാളികളാണ് എന്ന തരത്തിലുള്ള തെറ്റായ കാഴ്ചപ്പാടാണ് ഇന്നും സമൂഹത്തിനുള്ളത്. എന്നാൽ താഴെക്കിടയിൽ നിന്നും സമൂഹത്തിന്റെ മുൻനിരയിലേക്ക് ഉയരുവാൻ അവർക്കും ആഗ്രഹമുണ്ടെന്നും അതിനുള്ള അവസരത്തിനായി കാത്തിരിക്കുകയാണെന്നും തെളിയിച്ചുകൊണ്ട് ഇരിക്കുകയാണ് അവർ. ഇന്നിപ്പോൾ അത്തരത്തിൽ ട്രാൻസ് കമ്മ്യൂണിറ്റിക്ക് തന്നെ അഭിമാനമായ സ്വപ്ന നേട്ടം സ്വന്തമാക്കിയിരിക്കുകയാണ് ശ്രുതി സിതാര എന്ന ട്രാൻസ് വുമൺ.

നീണ്ട നാളത്തെ പ്രയത്നത്തിനൊടുവിൽ ശ്രുതി മിസ് ട്രാൻസ് ഗ്ലോബൽ കിരീടം ചൂടിയിരിക്കുകയാണ്. താരത്തിന്റെ ഈ നേട്ടം സമൂഹത്തിനു ഒരു മാതൃക കൂടിയാണ്. പ്രതിസന്ധി ഘട്ടങ്ങളെ എങ്ങനെ ആത്മവിശ്വാസവും കഠിന പ്രയത്നവും കൊണ്ട് മറികടക്കാനാണ് എന്ന മാതൃക. അഭിനയവും ഫാഷനും സൗന്ദര്യമത്സരവുമൊക്കെ സ്വപ്നം കണ്ട ശ്രുതിയെ ഒടുവിൽ അതെല്ലാം തേടിയെത്തി. തുടർന്നായിരുന്നു സ്വപ്നമായ ട്രാൻസ് ഗ്ലോബൽ കിരീടത്തിനായി ശ്രുതി ലക്ഷ്യമിട്ടത്. ഇപ്പോൾ ആ സ്വപ്നമാണ് പൂവണിഞ്ഞത്.

ഇന്നിപ്പോൾ കിരീട നേട്ടത്തിന് പിന്നാലെ അമ്മയ്ക്കും ട്രാൻസ്ജെന്റർ ആക്ടിവിസ്റ്റും ആർ ജെയുമായ അനന്യയ്ക്കും നന്ദി അറിയിക്കുകയാണ് ശ്രുതി തന്റെ സോഷ്യൽ മീഡിയ അക്കൗണ്ടിലൂടെ. “അഭിമാനത്തിന്റെ കൊടുമുടിയിൽ. ഈ കിരീടം ഞാൻ എന്റെ അമ്മയ്ക്കും അനന്യ ചേച്ചിക്കുമായി നൽകുകയാണ്. എനിക്കറിയാം നിങ്ങൾ ഇതെല്ലം സ്വർഗത്തിലിരുന്ന് കാണുന്നുണ്ടെന്ന്. എന്റെ വിജയത്തിന്റെ പാതയിൽ പിന്തുണച്ച എല്ലാവർക്ക്കും നന്ദി.” എന്നായിരുന്നു ശ്രുതിയുടെ വാക്കുകൾ. ഈ വാക്കുകൾ തന്നെയാണ് ഇപ്പോൾ സോഷ്യൽ മീഡിയ ഏറ്റെടുത്തിരിക്കുന്നതും.

Recent Posts

കോളേജ് കുട്ടികള്‍ക്കൊപ്പം സെല്‍ഫിയെടുത്തും ഡാന്‍സ് കളിച്ചും രജീഷ വിജയന്‍- വീഡിയോ

ശ്രീനാഥ് ഭാസി നായകനായി എത്തുന്ന പുതിയ ചിത്രമാണ് 'ലവ്ഫുളി യുവേഴ്‌സ് വേദ'. രജിഷ വിജയനാണ് ചിത്രത്തിലെ നായിക. ചിത്രത്തിന്റെ പ്രമോഷന്റെ…

35 mins ago

‘തങ്കം എന്ന സിനിമ കണ്ടപ്പോഴും ഏറ്റവും ഇറിറ്റേറ്റ് ചെയ്ത അഭിനയം അപര്‍ണയുടേതായിരുന്നു’

ഭാവന സ്റ്റുഡിയോസിന്റെ ബാനറില്‍ ദിലീഷ് പോത്തന്‍, ശ്യാം പുഷ്‌ക്കരന്‍ , ഫഹദ് ഫാസില്‍ എന്നിവര്‍ ചേര്‍ന്ന് നിര്‍മിച്ച നാലാമത്തെ സിനിമ…

1 hour ago

‘ഉടന്‍ വരുന്നു’ ക്രിസ്റ്റഫറിന്റെ പുതിയ പോസ്റ്റര്‍ പങ്കുവെച്ച് മമ്മൂട്ടി

മമ്മൂട്ടി ബി ഉണ്ണികൃഷ്ണന്‍ കൂട്ടുകെട്ടില്‍ ഒരുങ്ങുന്ന ചിത്രമാണ് ക്രിസ്റ്റഫര്‍. സിനിമയുടെ പ്രഖ്യാപനം മുതല്‍ പ്രേക്ഷകര്‍ ചിത്രത്തിനായുള്ള കാത്തിരിപ്പിലാണ്. ചിത്രത്തിന്റെ ഫസ്റ്റ്…

2 hours ago