ഉലക നായകന്‍ കമല്ഹാസന് ഇന്ന് അറുപത്തിയെട്ട് വയസ്സ് തികയുകയാണ്. അറുപത്തിയെട്ടാം വയസ്സിന്റെ നിറവില്‍ നില്‍ക്കുന്ന സിനിമാ ലോകത്തെ മറ്റൊരു വിസ്മയത്തിന് ആശംസകള്‍ നേര്‍ന്ന് സുഹൃത്തുക്കളും സഹപ്രവര്‍ത്തകരും ആരാധകരും എത്തുകയാണ്. ഇപ്പോഴിതാ മലയാളത്തിന്റെ പ്രിയപ്പെട്ട നടന വിസ്മയം മോഹന്‍ലാല്‍ ഉലകനായകന്‍ കമല്ഹാസന് നേര്‍ന്ന ആശംസാ വാക്കുകളാണ് ആരാധകരും ഏറ്റെടുക്കുന്നത്.
‘ഇതിഹാസ നടന്‍, എന്റെ പ്രിയപ്പെട്ട കമല്ഹാസന് സാറിന്, ജന്മദിനാശംസകള്‍ നേരുന്നു! ഇനിയും അനേകം വര്‍ഷങ്ങളില്‍ നിങ്ങള്‍ ഞങ്ങളെ പ്രചോദിപ്പിക്കുകയും വിസ്മയിപ്പിക്കുകയും ചെയ്യട്ടെ’- എന്നാണ് മോഹന്‍ലാല്‍ തന്റെ സോഷ്യല്‍ മീഡിയ ഇടങ്ങളില്‍ കുറിച്ചത്. കമല്‍ഹാസന്റെ ഫോട്ടോയ്ക്ക് ഒപ്പം ആയിരുന്നു മോഹന്‍ലാലിന്റെ ആശംസാ വാക്കുകള്‍. നിരവധി ആരാധകരാണ് അദ്ദേഹത്തിന് ആശംസകള്‍ അറിയിച്ച് എത്തുന്നത്. സോഷ്യല്‍ മീഡിയയില്‍ കമല്ഹാസന് ജന്മദിന ആശംസാ പ്രവാഹമാണ്.
പ്രിയപ്പെട്ട കമല്ഹാസന് ജന്മദിനാശംസകള്‍ നേരുന്നു.എപ്പോഴും അനുഗ്രഹീതരായി ആരോഗ്യവാനായിരിക്കുക’.. ദൈവം അനുഗ്രഹിക്കട്ടെ എന്നാണ് മമ്മൂട്ടി കുറിച്ചത്. ബാലതാരമായി സിനിമാ ലോകത്ത് എത്തിയ കമല്ഹാസന് പിന്നീട് മലയാളത്തിലും തമിഴിലുമായി സിനിമകളിലൂടെ വിസ്മയങ്ങള്‍ തീര്‍ത്തു. ഇന്ത്യന്‍ 2 എന്ന അദ്ദേഹത്തിന്റെ ഏറ്റവും പുതിയ ചിത്രത്തിന് വേണ്ടിയാണ് ഇനി ആരാധകര്‍ കാത്തിരിക്കുന്നത്.
വിക്രം ആയിരുന്നു ഏറ്റവും ഒടുവില്‍ താരത്തിന്റേതായി പുറത്തിറങ്ങിയ സിനിമ. വിവിധ ഭാഷകളില്‍ സിനിമ ഹിറ്റായി മാറിയിരുന്നു. ലോകേഷ് കനകരാജ് ആയിരുന്നു സിനിമയുടെ സംവിധായകന്‍. കമല്ഹാസന്-ഷങ്കര്‍ കൂട്ടുകൊട്ടില്‍ ഒരുങ്ങുന്ന ഇന്ത്യന്‍2 വിന്റെ വരവിന് വേണ്ടിയാണ് ഇപ്പോള്‍ ആരാധകരുടെ കാത്തിരിപ്പ്..
