അവതാരകയായാണെത്തിയതെങ്കിലും പിന്നീട് നിരവധി സീരിയലുകളില് അഭിനയിച്ച താരമാണ് ഡയാന ഹമീദ്. സ്റ്റാര് മാജിക് എന്ന പരിപാടിയിലൂടെയാണ് ഡയാനയെ പ്രേക്ഷകര്ക്ക് സുപരിചിതയായത്. കുറച്ച് സിനിമകളിലും ഡയാന ഭാഗമായിട്ടുണ്ട്. സുരേഷ് ഗോപി ചിത്രമായ പാപ്പനാണ് ഡയാനയുടെ പുതിയ ചിത്രം. ഇപ്പോഴിതാ തന്റെ പേരിനെ കുറിച്ച് ആര്ക്കും അറിയാത്ത ഒരു കാര്യമാണ് ഡയാന വെളിപ്പെടുത്തുന്നത്. സ്വാസിക വിജയം അവതാരികയായ റെഡ് കാര്പ്പറ്റ് എന്ന പരിപാടിയില് വന്നപ്പോഴായിരുന്നു ഡയാനയുടെ വെളിപ്പെടുത്തല്.
ഡയാനയുടെ വാക്കുകള്,
ആളുകള് പേര് തെറ്റിവിളിക്കാറുണ്ടെന്നും പറഞ്ഞ് കൊടുത്താലും ഉച്ചരിക്കുമ്പോള് ആളുകള്ക്ക് മാറി പോവുന്നത് നിത്യ സംഭവമാണ്. ‘എന്റെ പേര് ഡയാന എന്നല്ല. ഡെയ്യാന എന്നാണ് വാപ്പ ഇട്ട പേര്.
പലര്ക്കും ഇത് ഉച്ചരിക്കാന് അറിയില്ല. പറഞ്ഞ് കൊടുത്താലും അവര് പിന്നേയും ഡയാന എന്നാണ് വിളിക്കുക. ഞാന് ആദ്യമൊക്കെ പലവട്ടം ഡെയ്യാന എന്ന് ആളുകള്ക്ക് പറഞ്ഞ് കൊടുക്കുമായിരുന്നു. ആരും ഉള്ക്കൊള്ളുന്നില്ലെന്ന് മനസിലായതോടെയാണ് ഞാനും ഡയാന എന്ന പേരുമായി ഒത്തുപോകാന് തീരുമാനിച്ചത്. ദയയുള്ളവള് എന്നാണ് പേരിന്റെ അര്ഥം.
കുറച്ച് നാള് മുമ്പ് വരെ ആങ്കറിങ് ആയിരുന്നു പാഷന്. ഇപ്പോള് അത് മാറി. അഭിനയത്തിനാണ് കൂടുതല് ശ്രദ്ധ നല്കുന്നത്. നല്ല സിനിമകളുടെ ഭാഗമാകാനും നല്ല റോളുകള് തെരഞ്ഞെടുക്കാനും പറ്റണം എന്നാണ് ആഗ്രഹിക്കുന്നത്. അതിന് വേണ്ടി വര്ക്ക് ചെയ്യണം. മറ്റുള്ള താരങ്ങളെ കണ്ട് പഠിക്കണം. അങ്ങനെ ഒരുപാട് താല്പര്യങ്ങള് ഇപ്പോഴുണ്ട്. മുമ്പ് സിനിമയെ ഇത്രയധികം സ്നേഹിച്ചിരുന്നോ എന്ന കാര്യത്തില് സംശയമാണ്. സത്യത്തില് ഞാനിപ്പോഴാണ് അതൊക്കെ തിരിച്ചറിഞ്ഞത്.