ടൊവീനോ തോമസിനെ നായകനാക്കി ആഷിക് അബു സംവിധാനം ചെയ്യുന്ന നാരദന്റെ റിലീസ് തീയതി പ്രഖ്യാപിച്ചു. മാര്ച്ച് 3 ന് ചിത്രം തിയേറ്ററുകളിലെത്തും. നേരത്തെ ജനുവരി 27ന് റിലീസ് പ്രഖ്യാപിച്ചിരുന്ന ചിത്രം കൊവിഡ് മൂന്നാം തരംഗത്തിന്റെ പശ്ചാത്തലത്തില് നീട്ടുകയായിരുന്നു. പ്രേക്ഷകര്ക്കിടയില് തരംഗം തീര്ത്ത ‘മിന്നല് മുരളി’ക്കു ശേഷം ടൊവീനോയുടേതായി പുറത്തെത്തുന്ന ചിത്രമാണ് നാരദന്. ‘മായാനദി’ക്കു ശേഷം ആഷിക്കും ടൊവീനോയും ഒന്നിക്കുന്ന ചിത്രവുമാണിത്. ഒരു ടെലിവിഷന് വാര്ത്താ ചാനലിന്റെ പശ്ചാത്തലത്തില് കഥ പറയുന്ന ചിത്രത്തില് ടൊവീനോ വാര്ത്താ അവതാരകനായി എത്തുന്നു. അന്ന ബെന് ആണ് ചിത്രത്തിലെ നായിക.
https://www.facebook.com/ActorTovinoThomas/posts/492004598953649
ഷറഫുദ്ദീന്, ഇന്ദ്രന്സ്, ജാഫര് ഇടുക്കി, വിജയ രാഘവന്, ജോയ് മാത്യു, രണ്ജി പണിക്കര്, രഘുനാഥ് പാലേരി, ദീപന് ശിവരാമന്, ജയരാജ് വാര്യര് തുടങ്ങി വന്താരനിരയാണ് ചിത്രത്തിലെ മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്. സന്തോഷ് ടി കുരുവിള, റിമ കല്ലിങ്കല്, ആഷിക് അബു എന്നിവര് ചേര്ന്നാണ് ചിത്രത്തിന്റെ നിര്മ്മാണം. ഉണ്ണി ആര് രചന നിര്വ്വഹിച്ചിരിക്കുന്ന ചിത്രത്തിന്റെ ഛായാഗ്രഹണം ജാഫര് സാദ്ദിഖ്, സംഗീതം ഡിജെ ശേഖര്, പശ്ചാത്തലസംഗീതം യക്സന് ഗാരി പെരേര, നേഹ നായര് എന്നിവര്, എഡിറ്റിംഗ് സൈജു ശ്രീധരന്, പ്രൊഡക്ഷന് ഡിസൈനര് ഗോകുല് ദാസ്, സൗണ്ട് ഡിസൈന് ഡാന് ജോസ്, സൈജു ശ്രീധരന്, വസ്ത്രാലങ്കാരം മഷര് ഹംസ, മേക്കപ്പ് റോണക്സ് സേവ്യര്, ചീഫ് അസോസിയേറ്റ് ഡയറക്ടര് ബിബിന് രവീന്ദര്, സ്റ്റില്സ് ഷാലു പേയാട്.