Home Film News കല്യാണം കണ്‍ഫ്യൂഷനായിരുന്നു..! അവരുടെ ഡിവോഴ്‌സ് വാര്‍ത്തകള്‍ കേട്ട് പേടിച്ചു- നവ്യ

കല്യാണം കണ്‍ഫ്യൂഷനായിരുന്നു..! അവരുടെ ഡിവോഴ്‌സ് വാര്‍ത്തകള്‍ കേട്ട് പേടിച്ചു- നവ്യ

ഏറെ നാളത്തെ ഇടവേളയ്ക്ക് ശേഷം ഒരുത്തീ എന്ന സിനിമയിലൂടെ മലയാള സിനിമയിലേക്ക് തിരിച്ചു വരികയാണ് നവ്യ നായര്‍. അതിന് മുന്‍പ് താരം ചില ടെലിവിഷന്‍ ഷോകളില്‍ എല്ലാം പ്രത്യക്ഷപ്പെട്ടിരുന്നു. ഇപ്പോഴിതാ ശക്തമായ ഒരു സ്ത്രീ കഥാപാത്രത്തെ അവതരിപ്പിച്ചുകൊണ്ടാണ് നവ്യ തിരിച്ചെത്തിയിരിക്കുന്നത്. കരിയറില്‍ തിളങ്ങി നില്‍ക്കുന്ന സമയത്തായിരുന്നു നവ്യയുടെ വിവാഹം. വിവാഹ ശേഷമാണ് താരം സിനിമയില്‍ നിന്ന് വിട്ടു നിന്നത്.

ഇപ്പോഴിതാ കരിയറില്‍ തിളങ്ങി നില്‍ക്കുന്ന കാലത്ത് വിവാഹിതയാകാന്‍ ഒരുങ്ങിയപ്പോള്‍ പേടിയായിരുന്നുവെന്ന് തുറന്ന് പറഞ്ഞിരിക്കുകയാണ് നവ്യ നായര്‍. അതിന്റെ കാരണവും താരം തന്നെ വ്യക്തമായി പറയുന്നുണ്ട്. നവ്യയുടെ വാക്കുകളിലേക്ക്… കരിയറില്‍ തിളങ്ങിയ സമയത്ത് തന്നെ വിവാഹം ചെയ്യാന്‍ പേടിയായിരുന്നു..ചില സഹപ്രവര്‍ത്തകരൊക്കെ വിവാഹമോചിതരായ സമയവുമായിരുന്നു അന്ന്. പ്രശ്നങ്ങള്‍ വന്നാല്‍ വലിയ വാര്‍ത്തയുമാകും അതിനാല്‍ ഞാന്‍ ആശയക്കുഴപ്പത്തില്‍ ആയിരുന്നു.

തുടര്‍ച്ചയായി ഒരുപാട് സിനിമകളില്‍ അഭിനയിച്ച് ഷൂട്ടും തിരക്കുകളുമായിരുന്ന സമയമായിരുന്നുവത്. കല്യാണാലോചന വന്നപ്പോള്‍ വലിയ വിഷമമൊന്നും തോന്നിയില്ല. കരിയര്‍ വിട്ടിട്ട് പോവണോ എന്ന് ചിന്തിച്ചിട്ടുണ്ട്. കല്യാണം കഴിഞ്ഞാല്‍ പിന്നെ അഭിനയിക്കുന്നത് അത്ര എളുപ്പമല്ലല്ലോ. അതൊക്കെ ആലോചിച്ചപ്പോള്‍ കല്യാണമെന്നത് കണ്‍ഫ്യൂഷന്‍ ഉണ്ടാക്കിയിരുന്നു. ചില സഹപ്രവര്‍ത്തകരൊക്കെ വിവാഹമോചിതരായ സമയവുമായിരുന്നു അന്ന്. ശരിക്കു പറഞ്ഞാല്‍ വിവാഹത്തെ കുറിച്ച് മനസില്‍ പേടിയുണ്ടായിരുന്നു. പിന്നെ തങ്ങള്‍ക്കൊക്കെ എന്തെങ്കിലും പ്രശ്‌നം വന്നാല്‍ അത് വലിയ വാര്‍ത്തയുമാകും.

അത് ജീവിതത്തില്‍ ഏറ്റവും ആശയക്കുഴപ്പമുണ്ടാക്കിയ ഘട്ടമായിരുന്നു. പക്ഷേ കല്യാണശേഷം ബഹളവും ആരവവുമൊക്കെ ഒഴിഞ്ഞ് മുംബൈയിലേക്ക് ജീവിതം പറിച്ചു നടുകയായിരുന്നു. അതുവരെ ഫ്‌ളാറ്റില്‍ ജീവിക്കാത്ത താന്‍ അവിടുത്തെ ഫ്‌ളാറ്റില്‍ ഒറ്റയ്ക്ക് കഴിയുന്നത് വലിയ ബുദ്ധിമുട്ടായിരുന്നു. ഒന്നുമില്ല, നാളെ ഒന്നും ചെയ്യാനില്ല. പക്ഷേ ഇന്നുവരെ അതിനെ കുറിച്ചോര്‍ത്ത് ദുഖിച്ചിട്ടില്ല. പുതിയ ഓരോ കാര്യങ്ങള്‍ ചെയ്തു പോന്നു. പാചകം പഠിച്ചു. പിന്നെ മോനുണ്ടായി. അവന്റെ കാര്യങ്ങളെല്ലാം നോക്കി ജീവിച്ചു. മകന്‍ വലുതായപ്പോള്‍ വീണ്ടും നൃത്തം ചെയ്യാന്‍ തുടങ്ങി. ഇപ്പോഴിതാ വീണ്ടും സിനിമ ചെയ്യാമെന്ന തോന്നലും വന്നു എന്നാണ് നവ്യ പറയുന്നത്.

 

Exit mobile version