ഇഷ്ടമെന്ന ചിത്രത്തിലൂടെയായിരുന്നു നവ്യ നായര്‍ തുടക്കം കുറിച്ചത്. തുടക്കം മുതല്‍ത്തന്നെ താരത്തിന് ആരാധകര്‍ പിന്തുണയായിരുന്നു നല്‍കിയത്. വ്യത്യസ്തമായ നിരവധി കഥാപാത്രങ്ങളായിരുന്നു ഈ താരത്തിന് ലഭിച്ചത്. വിവാഹത്തോടെയായിരുന്നു നവ്യ നായര്‍ സിനിമയില്‍ നിന്നും ഇടവേളയെടുത്തത്. ഇടയ്ക്ക് റിയാലിറ്റി ഷോയിലൂടെ തിരിച്ചുവരവ് നടത്തിയിരുന്നുവെങ്കിലും സിനിമയിലേക്കുള്ള തിരിച്ചുവരവിനായി കാത്തിരിക്കുകയാണ് ആരാധകര്‍.
വിവാഹത്തോടെ മുംബൈയിലേക്ക് ചേക്കേറിയിരുന്നുവെങ്കിലും ഇടയ്ക്കിടയ്ക്ക് കേരളത്തിലേക്ക് എത്താറുണ്ട്. സോഷ്യല്‍ മീഡിയയില്‍ സജീവമായ താരം പങ്കുവെക്കുന്ന പല പോസ്റ്റുകളും നിമിഷനേരം കൊണ്ടാണ് ശ്രദ്ധ നേടുന്നത്. ഇപ്പോഴിതാ നവ്യയുടെ സാരി ലുക്കിലുള്ള ചിത്രങ്ങളാണ് സോഷ്യൽ മീഡിയയിൽ വൈറലാകുകയാണ്.സെലിബ്രിറ്റി മേയ്ക്കപ്പ് ആര്‍ട്ടിസ്റ്റ് അവിനാശ് തന്‍റെ ഇന്‍സ്റ്റഗ്രാമിലൂടെ പങ്കുവെച്ച ചിത്രങ്ങൾ ആരാധകര്‍ ഏറ്റെടുത്തുകഴിഞ്ഞു.
മെറൂൺ നിറത്തിലുള്ള പട്ടുസാരി ധരിച്ച്അതീവസുന്ദരിയായി അണിഞ്ഞൊരുങ്ങിയിരിക്കുകയാണ് നവ്യ. ട്രെഡീഷണല്‍ മേക്കപ്പും ഹെയര്‍സ്റ്റൈലുമാണ് അവിനാശ് നവ്യക്ക് വേണ്ടി ചെയ്തത്. ട്രെഡീഷണല്‍ ആഭരണങ്ങളും നവ്യ ധരിച്ചിരുന്നു. ആറ് വര്‍ഷത്തെ ഇടവേളയ്ക്ക് വിരാമമിട്ടുകൊണ്ട് നടി വീണ്ടും അഭിനയ രംഗത്ത് സജീവമാകാൻ ഒരുങ്ങുകയാണ്. ഒരുത്തീ എന്ന് പേരിട്ടിരിക്കുന്ന ചിത്രത്തിന്‍റെ ഷൂട്ടിങ് കൊച്ചിയിൽ പുരോഗമിക്കുകയാണ്.
വികെ പ്രശാന്താണ് ചിത്രം സംവിധാനം ചെയ്യുന്നത്. തനി നാട്ടിൻപുറത്തുകാരിയായുള്ള നവ്യയുടെ ലുക്ക് ലൊക്കേഷനിൽ നിന്ന് ഷൂട്ടിങ്ങിന്‍റെ ആദ്യ ദിവസം തന്നെ പുറത്ത് വന്നിരുന്നു. കുറേക്കാലമായി ഇങ്ങനെ കണ്ടിട്ടെന്നും നല്ല ഭംഗിയുണ്ടെന്നുമുള്ള കമന്റുകളും ഫോട്ടോയ്ക്ക് കീഴിലുണ്ട്. യുവജനോത്സവ വേദിയില്‍ നിന്നും സിനിമയിലേക്കെത്തിയതാണ് നവ്യ നായര്‍. അഭിനയജീവിതവുമായി മുന്നേറുന്നതിനിടയിലും നൃത്തത്തെ താരം ഒപ്പം കൂട്ടിയിരുന്നു. ഇടയ്ക്ക് നൃത്തശില്‍പ്പവുമായും താരമെത്തിയിരുന്നു. ചിന്നച്ചെറുകിളിയെന്ന ഡാന്‍സ് ആല്‍ബത്തിനെ സിനിമാലോകവും പ്രേക്ഷകരും ഒരുപോലെ ഏറ്റെടുത്തിരുന്നു.
