Film News

‘നയന്‍താര; ബിയോണ്ട് ദി ഫെയറി ടെയില്‍’ !!! കാണാന്‍ കാത്തിരുന്ന താരവിവാഹമാമാങ്കം ഇതാ…

ആരാധകര്‍ കാണാന്‍ കാത്തിരുന്ന ആ താരവിവാഹം ഇനി നെറ്റ്ഫ്‌ലിക്‌സില്‍ കാണാം.
വിഘ്‌നേഷ്-നയന്‍സ് പ്രണയം പറയുന്ന ട്രെയിലര്‍ പുറത്തുവന്നിരിക്കുകയാണ്. വിവാഹത്തിന്റെ ഫുള്‍ സ്ട്രീമിംഗ് ഉടന്‍ എത്തിയേക്കും. വിവാഹം പൂര്‍ണമായി നെറ്റ്ഫ്‌ലിക്‌സിലൂടെ പുറത്തു വരുമെന്ന വാര്‍ത്ത വലിയ ആവേശത്തോടെയാണ് ആരാധകര്‍ ഏറ്റെടുത്തത്. നെറ്റ്ഫ്‌ലിക്‌സിനു വേണ്ടി സംവിധായകന്‍ ഗൗതം മേനോനാണ് താരവിവാഹം സംവിധാനം ചെയ്തിരിക്കുന്നത്.

അതിമനോഹരമായ മാന്ത്രിക കഥ പോലെ നടന്ന താരവിവാഹം കാണാന്‍ അല്‍പം കൂടി കാത്തിരിക്കൂവെന്നാണ് ട്രെയിലര്‍ പുറത്തുവിട്ട് നെറ്റ്ഫ്‌ലിക്‌സ് അറിയിച്ചിരിക്കുന്നത്. Nayanthara: Beyond The Fairytale എന്നാണ് താരവിവാഹ മാമാങ്കത്തിന് പേരിട്ടിരിക്കുന്നത്.

‘കാഴ്ച്ചയില്‍ മാത്രമല്ല, അതിസുന്ദരമായ ഹൃദയത്തിന് ഉടമ കൂടിയാണ് നയന്‍താരയെന്ന് വീഡിയോയില്‍ വിഘ്‌നേഷ് പറയുന്നു. ഞാന്‍ ജോലിയില്‍ വിശ്വസിക്കുന്നു. എനിക്കു ചുറ്റും സ്നേഹത്തോടെ നിങ്ങളുണ്ടെന്ന് അറിയുന്നതില്‍ സന്തോഷം.’ എന്നാണ് നയന്‍താര വീഡിയോയില്‍ പറയുന്നു.

ജൂണ്‍ ഒമ്പതിന് മഹാബലിപുരത്തെ റിസോര്‍ട്ടില്‍ വച്ചായിരുന്നു ഇരുവരുടെയും വിവാഹം. ഷാറൂഖ് ഖാന്‍, രജനീകാന്ത്, സൂര്യ, ജ്യോതിക തുടങ്ങി ഇന്ത്യന്‍ സിനിമയിലെ പ്രമുഖര്‍ വിവാഹത്തില്‍ പങ്കെടുത്തിരുന്നു. വിവാഹദൃശ്യങ്ങള്‍ പുറത്തു പോകാതിരിക്കാന്‍ മാധ്യമങ്ങള്‍ക്കു പോലും പ്രവേശനമുണ്ടായിരുന്നില്ല.

വിവാഹം കഴിഞ്ഞ് ഒരുമാസമായപ്പോള്‍ വിവാഹ ചിത്രങ്ങള്‍ വിഘ്‌നേഷ് പങ്കുവച്ചിരുന്നു. അതെല്ലാം വൈറലായിരുന്നു. ഇതോടെ വിവാഹം ഓണ്‍ലൈന്‍ സ്ട്രീം ചെയ്യുന്നതില്‍ നിന്നും നെറ്റ് ഫ്‌ളിക്‌സ് പിന്മാറിയെന്നും റിപ്പോര്‍ട്ടുകളുണ്ടായിരുന്നു. 25 കോടി രൂപയ്ക്കാണ് സംപ്രേഷണാവകാശം നെറ്റ്ഫ്ളിക്സ് എടുത്തതെന്നായിരുന്നു റിപ്പോര്‍ട്ടുകള്‍.

Recent Posts

മനോഹര ചുവടുകളുമായി തൃഷയും ശോഭിതയും! ‘പൊന്നിയിന്‍ സെല്‍വനി’ല്‍ നിന്ന് നീക്കം ചെയ്ത ‘സൊല്‍’ ഗാന വീഡിയോ

സൂപ്പര്‍ ഹിറ്റ് മണിരത്നം ചിത്രം 'പൊന്നിയിന്‍ സെല്‍വനി'ല്‍ നിന്ന് നീക്കം ചെയ്ത 'സൊല്‍' എന്ന ഗാനത്തിന്റെ വീഡിയോ പുറത്ത്. തൃഷയുടെയും…

51 mins ago

ഫ്രാന്‍സിലെ വേദിയിലും മുഴങ്ങി രഞ്ജിതമേ…!! പ്രതികരിച്ച് രശ്മിക മന്ദാന

'വാരിസി'ലെ രഞ്ജിതമേ.. ഗാനം കടല്‍ കടന്നും ഹിറ്റ്. വിജയ്-വംശി പൈഡിപ്പള്ളി കൂട്ടുകെട്ടിലൊരുങ്ങുന്ന ചിത്രമാണ് വാരിസ്. ചിത്രത്തിലെ രഞ്ജിതമേ.. ഗാനം ഭാഷയും…

3 hours ago

പൈസ വേണ്ടെന്ന് പറഞ്ഞ ബാലയ്ക്ക് 2 ലക്ഷം നല്‍കി! പ്രതിഫലം കിട്ടിയിട്ടില്ലെന്ന് ആരെങ്കിലും പറഞ്ഞാല്‍ ഡബിള്‍ പെയ്‌മെന്റ് കൊടുക്കും: വിവാദത്തില്‍ പ്രതികരിച്ച് ഷെഫീക്കിന്റെ സന്തോഷം ടീം

ഷെഫീക്കിന്റെ സന്തോഷം സിനിമയ്‌ക്കെതിരായ നടന്‍ ബാലയുടെ ആരോപണത്തില്‍ പ്രതികരിച്ച് സിനിമയുടെ ലൈന്‍ പ്രൊഡ്യൂസര്‍ വിനോദ് മംഗലത്ത് രംഗത്ത്. ബാല ഷെഫീക്കിന്റെ…

4 hours ago