Saturday, December 3, 2022
HomeFilm News'സംഭവിക്കാതിരിക്കട്ടെ ഒരു മനുഷ്യനും'....!!

‘സംഭവിക്കാതിരിക്കട്ടെ ഒരു മനുഷ്യനും’….!!

ലോകജനതയ്ക്ക് മുന്നില്‍ തന്നെ മലയാളക്കര തലകുനിച്ച് നിന്നുപോയ സംഭവമായിരുന്നു ആദിവാസി യുവാവ് മധുവിന്റെ മരണം. വിശപ്പിന്റെ പേരില്‍ ആള്‍ക്കൂട്ട മര്‍ദ്ദനത്താല്‍ കൊല്ലപ്പെട്ട ഈ യുവാവിന്റെ മരണം ഇന്നും മലയാളികള്‍ക്ക് തീരാ നോവാണ്.. സംഭവത്തെ കുറിച്ചുള്ള അന്വേഷണവും നടപടികളും പുരോഗമിക്കവെയാണ് മധുവിന്റെ ജീവിത കഥ സിനിമയായി എത്തുന്നു എന്ന വാര്‍ത്തകളും പുറത്ത് വന്നത്. പ്രഖ്യാപനത്തോടൊപ്പം തന്നെ ശ്രദ്ധ നേടിയ ചിത്രത്തിന്റെ ടീസറും പാട്ടുകളും പോസ്റ്ററുകളും എല്ലാം ഇതിനോകടം തന്നെ ശ്രദ്ധ നേടിക്കഴിഞ്ഞതാണ്.

ഇപ്പോഴിതാ സിനിമയുടെ ഏറ്റവും പുതിയ പോസ്റ്ററും അതിലെ വാചകവും ആണ് സിനിമാ ലോകത്ത് ചര്‍ച്ചയായി മാറുന്നത്. സംഭവിക്കാതിരിക്കട്ടെ ഒരു മനുഷ്യനും എന്ന ടൈറ്റിലോട് കൂടിയാണ് ആദിവാസി സിനിമയുടെ ഏറ്റവും പുതിയ പോസ്റ്റര്‍ അണിയറ പ്രവര്‍ത്തകര്‍ പങ്കുവെച്ചിരിക്കുന്നത്. ഏരീസ് ടെലികാസ്റ്റിംഗ് പ്രൈവറ്റ് ലിമിറ്റഡ് കമ്പനിയുടെ ബാനറില്‍ കവിയും ഹോളിവുഡ് സംവിധായകനുമായ ഡോ. സോഹന്‍ റോയ് ആണ് ചിത്രം നിര്‍മ്മിക്കുന്നത്.

ശരത് അപ്പാനി പ്രധാന വേഷത്തില്‍ അഭിനയിക്കുന്ന സിനിമയുടെ കഥയെഴുതി സംവിധാനം ചെയ്യുന്നത് വിജീഷ് മണിയാണ്. ഒരു യഥാര്‍ത്ഥ സംഭവ കഥയുമായി എത്തുന്ന സിനിമയുടെ കൂടുതല്‍ വിശേഷങ്ങള്‍ അറിയാനും ചിത്രത്തിന്റെ റിലീസ് തീയതി അറിയാനും കാത്തിരിക്കുകയാണ് പ്രേക്ഷകര്‍.

 

Related News