# ഗൃഹപാഠം ചെയ്യാന്‍ പറ്റില്ല, തനിക്ക് പുസ്തകങ്ങള്‍ അലര്‍ജിയാണെന്ന് കുട്ടി

- Link: https://ml.b4blaze.com/news/11-year-old-boy-allergic-to-homework-smell-of-books
- Published: 2022-09-15T19:56:39+05:30
- Author: Gargi

പല കുട്ടികളും ഗൃഹപാഠം വെറുക്കുന്നതിനെക്കുറിച്ച് നിങ്ങള്‍ കേട്ടിട്ടുണ്ടാകുമെങ്കിലും,
ഇപ്പോഴിതാ ഗൃഹപാഠത്തോട് ഒരു കുട്ടിക്ക് അലര്‍ജിയുണ്ടെന്ന് അവകാശപ്പെടുന്ന ഒരു വീഡിയോ
സോഷ്യല്‍ മീഡിയയില്‍ പ്രചരിക്കുന്നുണ്ട്. ഗൃഹപാഠം ചെയ്യുന്നതു കൊണ്ട് തനിക്ക് അലര്‍ജിയുണ്ടെന്ന്
പറഞ്ഞ് കരയുന്ന 11 വയസ്സുള്ള പേര് വെളിപ്പെടുത്താത്ത ആണ്‍കുട്ടിയെ വീഡിയോയില്‍ കാണാം.
അവന്റെ അമ്മ സംഭവം റെക്കോര്‍ഡുചെയ്ത് ഓണ്‍ലൈനില്‍ പോസ്റ്റ് ചെയ്തതിന് ശേഷം വീഡിയോ വൈറലായി.

![](https://i0.wp.com/ml.b4blaze.com/wp-content/uploads/2022/09/yy.jpg?resize=542%
2C668&ssl=1)

ഞായറാഴ്ച മുതല്‍ ഗൃഹപാഠം ചെയ്തുകൊണ്ടിരുന്ന കുട്ടി അസുഖബാധിതനാണെന്നും മൂക്കിന് മുകളില്‍
ടിഷ്യു മുറുകെ പിടിക്കുന്നതും വീഡിയോയില്‍ കാണാം. അവന്റെ അമ്മ ശ്രദ്ധിച്ചു, എന്താണ്
കുഴപ്പമെന്ന് ചോദിച്ചപ്പോള്‍, തനിക്ക് ഒരു അലര്‍ജി അനുഭവപ്പെടുന്നതായി കുട്ടി മറുപടി
നല്‍കി.

എന്താണ് അലര്‍ജിയെന്ന് അമ്മ വീണ്ടും ചോദിച്ചു; പുസ്തകങ്ങളുടെ മണം തനിക്ക് അലര്‍ജിയാണെന്ന്
കുട്ടി മറുപടി പറഞ്ഞു. ഗൃഹപാഠം പൂര്‍ത്തിയാക്കാന്‍ കഴിയുമോ എന്ന് അമ്മ തന്റെ മകനോട്
ചോദിച്ചു, പക്ഷേ കുട്ടി നിശബ്ദനായി മൂക്കില്‍ ടിഷ്യു ചുരുട്ടി. കുട്ടി തുമ്മുകയും തുടര്‍ന്ന്
അവന്റെ കവിളില്‍ നിന്ന് കണ്ണുനീര്‍ വീഴാന്‍ തുടങ്ങി

![](https://i0.wp.com/ml.b4blaze.com/wp-content/uploads/2022/09/boy.jpg?resize=1278%
2C720&ssl=1)

ഡോക്ടറെ കാണാന്‍ അമ്മ നിര്‍ദ്ദേശിച്ചെങ്കിലും കുട്ടി സമ്മതിച്ചില്ല. അപ്പോള്‍, ദേഷ്യം
വന്ന അമ്മ കുട്ടിയോട് അഭിനയം നിര്‍ത്തി ഹോംവര്‍ക്ക് പുനരാരംഭിക്കാന്‍ ആവശ്യപ്പെട്ടു.
വീഡിയോ വൈറലാകുകയും നിരവധി പേര്‍ കമന്റുകളുമായെത്തി. കുട്ടി വലുതാകുമ്പോള്‍ ഒരു നടനാകുമെന്ന്
ഒരു ഉപയോക്താവ് പറഞ്ഞു.