# ഇരട്ട സഹോദരിമാര്‍ ആണ്‍കുട്ടികള്‍ക്ക് ജന്മം നല്‍കി; ഒരേ ദിവസം, ഒരേ ആശുപത്രി, ഒരേ ഭാരം

- Link: https://ml.b4blaze.com/news/twin-sisters-giving-birth-to-boys-same-day-same-hospital-same-weight
- Published: 2022-05-19T21:16:23+05:30
- Author: Gargi

ഒരേ ദിവസം ഒരേ ആശുപത്രിയില്‍ ആണ്‍കുട്ടികള്‍ക്ക് ജന്മം നല്‍കിയ ഇരട്ട സഹോദരിമാരാണ് 
ഇപ്പോള്‍ സോഷ്യല്‍ മീഡിയയിലെ ചര്‍ച്ചാ വിഷയം. കാലിഫോര്‍ണിയയില്‍ നിന്നുള്ള സഹോദരിമാരായ
ജില്‍ ജസ്റ്റിനാനിയും എറിന്‍ ചെപ്ലോക്കും യോര്‍ബ ലിന്‍ഡയിലെ ആശുപത്രിയില്‍ ആണ്‍കുട്ടികള്‍ക്ക്
ജന്മം നല്‍കി.

രണ്ട് കുഞ്ഞുങ്ങള്‍ക്കും ഒരേ ഭാരവും വലിപ്പവുമാണെന്നതാണ് മറ്റൊരു പ്രത്യേകത. കുഞ്ഞുങ്ങള്‍ക്ക്
3.26 കിലോഗ്രാം ഭാരവും 20 ഇഞ്ച് നീളവുമുണ്ട്. ഒലിവര്‍, സല്‍സ എന്നാണ് ഇവരുടെ പേര്. 
എന്താണ് ഇതിന്റെ പ്രത്യേകതയെന്ന് ഇപ്പോള്‍ നിങ്ങള്‍ ചിന്തിച്ചേക്കാം.

![](https://i0.wp.com/ml.b4blaze.com/wp-content/uploads/2022/05/Twin-1.jpg?resize
=970%2C545&ssl=1)

എറിന്‍ വിവാഹം ചെയ്തിരിക്കുന്ന സാച്ച് എന്ന വ്യക്തിയും ഇരട്ട സഹോദരങ്ങളിലൊരാളാണ്. എറിന്‍
വിവാഹം കഴിക്കുന്നത് മുന്‍പാണ് ജില്‍ ഗര്‍ഭിണിയായത്. എറിന്റെ ഹണിമൂണിനിടെ അവരും ഗര്‍ഭിണിയാണെന്ന
വാര്‍ത്ത പുറത്ത് വന്നു. ഇതോടെ കുഞ്ഞിനായി കാത്തിരിപ്പായി. 45 മിനിറ്റ് മാത്രം ദൂരത്തിലാണ്
ഇവര്‍ താമസിക്കുന്നത്. ഗര്‍ഭിണികളായതോടെ ഇരുവരും കൂടുതല്‍ സമയം ഒരുമിച്ച് ചിലവഴിക്കാന്‍
തുടങ്ങി.

![](https://i0.wp.com/ml.b4blaze.com/wp-content/uploads/2022/05/image-1.jpeg?resize
=1500%2C1000&ssl=1)

ഒരുമിച്ച് സമയം ചിലവഴിക്കുന്നത് ഞങ്ങള്‍ക്ക് വളരെയധികം ഗുണം ചെയ്തിട്ടുണ്ടെന്ന് ജില്‍
പറഞ്ഞു. ഗര്‍ഭകാലത്തെ ദൈനംദിന മാറ്റങ്ങളിലൂടെയും പലതരം ചോദ്യങ്ങളിലൂടെയും സ്വാഭാവിക
ഉത്കണ്ഠകളിലൂടെയും കടന്നുപോകുമ്പോള്‍ പരസ്പരം പിന്തുണയ്ക്കാനും പ്രോത്സാഹിപ്പിക്കാനും
ഞങ്ങള്‍ക്ക് കഴിഞ്ഞുവെന്ന് ജില്‍ പറഞ്ഞു. 2020-ല്‍, റേസ് ഷോയായ അബര്‍ ട്രാമോണ്ടയിലെ
സ്ത്രീകളും അവരുടെ ജന്മദിനത്തില്‍ പെണ്‍കുട്ടികള്‍ക്ക് ജന്മം നല്‍കിയത് വാര്‍ത്തയായിരുന്നു.

![](https://i0.wp.com/ml.b4blaze.com/wp-content/uploads/2022/05/twins-born-same-
hospital-01-ht-llr-220512_1652380904536_hpMain_4x3_608.jpg?resize=608%2C456&ssl=
1)

ടെന്നസിയിലെ നോക്സ്വില്ലില്‍ നിന്നുള്ള സഹോദരിമാര്‍ 2020 ഒക്ടോബര്‍ 29 ന് അതേ ആശുപത്രിയില്‍
പ്രസവിച്ചു. അവരുടെ പെണ്‍മക്കള്‍ ജനിച്ചത് 90 മിനിറ്റുകളുടെ വ്യത്യാസത്തിലാണ്. ഇരട്ടക്കുട്ടികള്‍
ഒരേ ദിവസം പെണ്‍മക്കള്‍ക്ക് ജന്മം നല്‍കി, അതും അവരുടെ ജന്മദിനത്തില്‍ എന്നത് അവരുടെ
ഡോക്ടറായ ജോര്‍ജ്ജ് വിക്കിനെയും അമ്പരപ്പിച്ചിരുന്നു. തന്റെ 45 വര്‍ഷത്തെ വൈദ്യപരിശീലനത്തിനിടയില്‍
ഇതുപോലൊന്ന് താന്‍ ഇതുവരെ കണ്ടിട്ടില്ലെന്ന് അദ്ദേഹം പറയുകയും ചെയ്തു.