മലയാളികള്‍ക്ക് ഏറെ ഇഷ്ടമാണ് സംവിധായകന്‍ സിദ്ധിഖിനെ. പ്രശസ്ത നടനും സംവിധായകനുമായ ലാലിനോടൊന്നിച്ച് സിദ്ദിഖ്-ലാല്‍ എന്ന പേരില്‍ സംവിധാനം ചെയ്ത സിനിമകള്‍ക്ക് വന്‍ വിജയമായിരുന്നു. അദ്ദേഹം ഒറ്റയ്ക്ക് സംവിധാനം ചെയ്ത ചിത്രങ്ങളും ആരാധകരേറ്റെടുത്തിരുന്നു. അദ്ദേഹത്തിന്റെ മിക്ക സിനിമകളും ഹാസ്യത്തെ അടിസ്ഥാനമാക്കിയുള്ളതാണ്.
പ്രശസ്ത സംവിധായകന്‍ ഫാസിലിനെ സഹായിച്ചുകൊണ്ടാണ് സിദ്ദിഖ് തന്റെ സംവിധാന ജീവിതം തുടങ്ങുന്നത്. ആദ്യകാലങ്ങളില്‍ കൊച്ചിന്‍ കലാഭവനില്‍ മിമിക്രി അവതരിപ്പിച്ചുകൊണ്ടിരുന്ന കാലത്താണ് ഫാസില്‍ സിദ്ദിഖിനെ കണ്ടുമുട്ടുന്നതും പിന്നീട് തന്റെ കൂടെ ചേര്‍ക്കുന്നതും. ഇന്ന് സിദ്ധിഖിന്റെ പിറന്നാളാണ്. അദ്ദേഹത്തിന് ആശംസകള്‍ നേര്‍ന്നുള്ള നിര്‍മ്മല്‍ പാലാഴിയുടെ പോസ്റ്റ് വൈറലാവുകയാണ്.