Thursday, May 19, 2022
HomeFilm Newsനിത്യാ ദാസിന്റെ കുടുംബത്തിലെ ആഘോഷ ദിവസം..! വിശേഷം ഇതാണ്..!

നിത്യാ ദാസിന്റെ കുടുംബത്തിലെ ആഘോഷ ദിവസം..! വിശേഷം ഇതാണ്..!

ഈ പറക്കും തളിക എന്ന ചിത്രത്തിലൂടെ മലയാളി മനസ്സുകളില്‍ പതിഞ്ഞ മുഖമാണ് നടി നിത്യാ ദാസിന്റേത്..നരിമാന്‍, കണ്‍മഷി, ബാലേട്ടന്‍ തുടങ്ങിയ സിനിമകളിലൂടെ മികച്ച ഒരുപാട് സ്ത്രീകഥാപാത്രങ്ങളെ താരം വെള്ളിത്തിരയില്‍ അവതരിപ്പിച്ചു. ഒരിടവേളയ്ക്ക് ശേഷം ഇപ്പോള്‍ വീണ്ടും പ്രേക്ഷകര്‍ക്ക് മുന്നിലേക്ക് എത്തിച്ചേര്‍ന്ന നിത്യയുടെ എല്ലാ വിശേഷങ്ങളും ആരാധകര്‍ ഇരുകൈയ്യും നീട്ടി സ്വീകരിക്കുകയാണ്. വിവാഹ ശേഷം താരത്തിന്റെ ബ്രേക്ക് ആരാധകരെയും നിരാശയിലാക്കിയിരുന്നു. ഇപ്പോള്‍ ഒരു തിരിച്ചു വരവ് നടത്തിയ നിത്യ സോഷ്യല്‍ മീഡിയ ഇടങ്ങളിലടക്കം സജീവമാണ്.

ഇപ്പോഴിതാ തന്റെ ജീവിതത്തിലെ ഒരു സന്തോഷ വാര്‍ത്ത അറിയിച്ച് ആരാധകര്‍ക്ക് മുന്നില്‍ എത്തിയിരിക്കുകയാണ് താരം. തന്റെ മകന്റെ ജന്മദിനം ആഘോഷിച്ചതിന്റെ ഫോട്ടോകളും വിശേഷങ്ങളുമാണ് താരം പങ്കുവെയ്ക്കുന്നത്. നിത്യയുടെ മകന്‍ നമന്‍ സിംഗിന്റെ ജന്മദിനാഘോഷ ദിനത്തില്‍ താരം പങ്കുവെച്ച കുടുംബ ഫോട്ടോയാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്. ഒപ്പം മകന് വേണ്ടി നടി എത്തിച്ച കേക്കും ശ്രദ്ധ നേടുകയാണ്..

അവഞ്ചേഴ്‌സിന്റെ കടുത്ത ആരാധകനായ മകന് വേണ്ടി അതേ തീമിലുള്ള കേക്കാണ് ആഘോഷത്തിനായി വാങ്ങിച്ചു നല്‍കിയിരിക്കുന്നത്. 2007ല്‍ തന്റെ വിവാഹം കഴിഞ്ഞതോടെ താരം സിനിമാ മേഖലയില്‍ നിന്ന് വലിയൊരു ഇടവേള എടുത്തിരുന്നു..

2007ല്‍ പുറത്തിറങ്ങിയ സൂര്യ കിരീടമാണ് നിത്യ ഏറ്റവും ഒടുവില്‍ അഭിനയിച്ച സിനിമ. നാളുകള്‍ക്ക് ശേഷം മകള്‍ക്കൊപ്പം സോഷ്യല്‍ മീഡിയയില്‍ റീല്‍സ് വീഡിയോകളിലൂടെയാണ് താരം വീണ്ടും സജീവമായത്.

മകള്‍ക്കൊപ്പമുള്ള നിത്യയുടെ ഡാന്‍സ് വീഡിയോസ് വളരെ അധികം ശ്രദ്ധ നേടിയിരുന്നു. നൈന എന്നാണ് നിത്യയുടെ മകളുടെ പേര്. അമ്മയെപോലെ നിത്യയുടെ മകളും പ്രേക്ഷകര്‍ക്ക് പ്രിയങ്കരിയാണ്.. അതേസമയം, വര്‍ഷങ്ങളുടെ ഇടവേളയ്ക്ക് ശേഷം സിനിമാ രംഗത്തേക്ക് തിരിച്ചു വന്നിരിക്കുകയാണ് നിത്യ. പള്ളിമണി എന്ന് പേരിട്ടിരിക്കുന്ന ചിത്രത്തിലാണ് ഇപ്പോള്‍ താരം അഭിനയിച്ചുകൊണ്ടിരിക്കുന്നത്. ആരാധകരും ഈ സിനിമയ്ക്കായി കാത്തിരിക്കുകയാണ്.

- Advertisement -
Related News