തനിക്ക് വധ ഭീഷണി ഉള്ളതായി സംവിധായകന് ഒമര് ലുലു. സിനിമകളുടെ പി.ആര്.ഒ ആയി ജോലിനോക്കുന്ന വാഴൂര് ജോസില് നിന്നാണ് തനിക്ക് ഭീഷണി ഉണ്ടായതെന്നാണ് ഒമര് വ്യക്തമാക്കുന്നത്. ഫോണിലൂടെ ആയിരുന്നു ഭീഷണിയെന്നും അദ്ദേഹം വ്യക്തമാക്കി.
തനിക്ക് ഭീഷണി ഉള്ളതുമായി ബന്ധപ്പെട്ട ഒമര് ഇട്ട ഫെയ്സ്ബുക്ക് പോസ്റ്റിന്റെ പൂര്ണ രൂപം:
PRO സ്ഥാനത്ത് നിന്ന് ഞാന് സ്ഥിരം വര്ക്ക് കൊടുക്കുന്ന വാഴൂര് ജോസേട്ടനെ മാറ്റി പുതിയ ഒരാള്ക്ക് അവസരം കൊടുത്തു എന്ന് പോസ്റ്റ് ഇട്ടപ്പോഴേക്കും എന്നെ തീര്ത്തുകളയും എന്ന് പറഞ്ഞ് ജോസേട്ടന്റെ ഭീഷണി ഫോണ് കോള്.ഇതാണ് നിങ്ങള് സ്വപ്നം കാണുന്ന സിനിമാ ഇന്ഡസ്ട്രി ,ഞാന് എന്ത് ചെയ്യണം ?
ഭീഷണിക്ക് കാരണമായി എന്ന് ഒമര് ലുലു അവകാശപ്പെടുന്ന ഫെയ്സ്ബുക്ക് പോസ്റ്റിന്റെ പൂര്ണ രൂപം:
മലയാള സിനിമയില് നമ്മള് വര്ഷങ്ങളായി കാണുന്ന ഒരു പേരാണ് പിആര്ഒ: വാഴൂര് ജോസ് ഒരു ചെറിയ മാറ്റത്തിനായി ജോസേട്ടന് ഞാന് റെസ്റ്റ് കൊടുത്തു.പവര്സ്റ്റാറിന്റെയും നല്ലസമയത്തിന്റെയും പിആര്ഒ : ഒരു പുതിയ ചുള്ളനു അവസരം കൊടുത്തു പ്രതീഷ് ശേഖര്?? മോനെ പ്രതീഷേ നീയാണ് എന്റെ പ്രതീക്ഷ.
‘മാര്ച്ച് 31ന് കണ്ണൂരില് വെച്ച് പവര് സ്റ്റാര് എന്ന സിനിമയുടെ സ്വിച്ച് ഓണ് കര്മ്മം നടന്നിരുന്നു. വാഴൂര് ജോസ് ചടങ്ങിന്റെ തലേദിവസം വിളിച്ച് കര്മ്മത്തില് താനും പങ്കെടുക്കുമെന്ന് പറഞ്ഞു. ആ സമയം ഞാന് പ്രതീഷ് ശേഖര് എന്ന വ്യക്തിയ്ക്ക് വര്ക്ക് നല്കിയിരുന്നു. ഉടന് ഞാന് നിര്മ്മതാവ് സി എച്ച് മുഹമ്മദിനെ വിളിച്ചു.
അദ്ദേഹത്തെ ജോസേട്ടന് വിളിച്ച് വരാമെന്ന് പറയുകയായിരുന്നു അല്ലാതെ മുഹമ്മദിക്ക അദ്ദേഹത്തിന് വര്ക്ക് നല്കിയിരുന്നില്ല എന്ന് അറിഞ്ഞത്. വാഴൂര് ജോസ് ചില ഓണ്ലൈന് മാധ്യമങ്ങളില് താനാണ് പിആര്ഒ എന്ന തരത്തില് വാര്ത്തകള് നല്കുകയും ചെയ്തു. അത് അറിഞ്ഞ ശേഷം ഞാന് ഫേസ്ബുക്കില് പിആര്ഒ പ്രതീഷ് ആണ് എന്ന് അറിയിച്ചു കൊണ്ടുള്ള പോസ്റ്റ് ഇടുകയും ചെയ്തു,’ ഒമര് ലുലു പറയുന്നു.
ഇതിന് പിന്നാലെയാണ് വാഴൂര് ജോസിന്റെ ഭീഷണി കോള് വന്നത് എന്ന് ഒമര് ലുലു പറയുന്നു. ‘ഒമര് എന്തിനാണ് എഫ്ബിയില് അങ്ങനെ ഒരു പോസ്റ്റ് ഇട്ടത് എന്ന് വാഴൂര് ജോസ് ചോദിച്ചു. ജോസേട്ടനെ ഞാന് പിആര്ഒ ജോലി ഏല്പ്പിച്ചിട്ടില്ല. പിന്നെ എന്തിനാണ് ഇങ്ങനെ വാര്ത്തകള് നല്കിയത് ഏന് ഞാനും ചോദിച്ചു. ഒമറേ അങ്ങനെ ആണെകില് നിനക്കുള്ള പണി ഞാന് തരാം. നിന്നേ തീര്ത്തുകളയും എന്ന് വാഴൂര് ജോസ് ഭീഷണിപ്പെടുത്തി,’ ഒരു മാധ്യമത്തിന് നല്കിയ അഭിമുഖത്തില് ഒമര് ലുലു പറഞ്ഞു.