അന്തരിച്ച കന്നഡ നടന് പുനീത് രാജ്കുമാറിന്റെ സ്മരണയ്ക്കായി ആംബുലന്സ് നല്കി നടന് പ്രകാശ് രാജ്. സിഎസ്ഐ ഹോള്ഡ്സ്വര്ത്ത് മെമ്മോറിയല് ഹോസ്പിറ്റലിലേക്ക് ആണ് ശനിയാഴ്ച അപ്പു എക്സ്പ്രസ് എന്ന ആംബുലന്സ് പ്രകാശ് രാജ് ഫൗണ്ടേഷന് വഴി നടന് സംഭാവന ചെയ്തത്.
സംസ്ഥാനത്തെ എല്ലാ ജില്ലകളിലേക്കും സൗജന്യ ആംബുലന്സുകള് നല്കാനാണ് ഉദ്ദേശിക്കുന്നതെന്ന് ചടങ്ങില് സംസാരിക്കവെ താരം പറഞ്ഞു. മൂന്ന് മാസത്തിനകം മിഷന് ആശുപത്രിയില് രക്തബാങ്ക് സ്ഥാപിക്കുമെന്നും അദ്ദേഹം അറിയിച്ചു. കൃത്യസമയത്ത് ആംബുലന്സ് കിട്ടിയിരുന്നെങ്കില് അപ്പു രക്ഷപ്പെട്ടേനെ. എനിക്ക് അങ്ങനെ തോന്നുന്നു. അതിനാല്, സാമ്പത്തികമായി പിന്നോക്കം നില്ക്കുന്നവര്ക്ക് ആവശ്യമുള്ളപ്പോള് പ്രശ്നങ്ങള് ഉണ്ടാകില്ലെന്ന് ഉറപ്പാക്കാന് കര്ണാടകയിലെ എല്ലാ ജില്ലകളിലേക്കും ആംബുലന്സുകള് നല്കാന് ഞാന് തീരുമാനിച്ചു, ”അദ്ദേഹം പറഞ്ഞു.
“”APPU Xpress “” donated a free ambulance for the needy in memory of our dear #puneethrajkumar .. a #prakashrajfoundation initiative.. the joy of giving back to life .. pic.twitter.com/HI57F9wwZl
— Prakash Raj (@prakashraaj) August 6, 2022
പുനീത് ആരംഭിച്ച സാമൂഹിക പ്രവര്ത്തനങ്ങളും സേവനങ്ങളും ഞങ്ങള് തുടരേണ്ടതുണ്ട്. കോവിഡ് കാലത്ത് എന്റെ സാമൂഹിക പ്രവര്ത്തനങ്ങള്ക്ക് അദ്ദേഹം സാമ്പത്തിക സഹായം നല്കിയിരുന്നു. എന്നാല് പുനീത് ഇക്കാര്യം ഒരിടത്തും വെളിപ്പെടുത്തിയിട്ടില്ല,” താരം പറഞ്ഞു. ”നമ്മളെല്ലാവരും ഒരുമിച്ച് കൈകോര്ക്കുമ്പോള് നമുക്ക് സമൂഹത്തില് നന്മ ചെയ്യാന് കഴിയും. ഇത് ഒരു തുടക്കം മാത്രമാണ്. എല്ലാ ജില്ലകളിലും ആംബുലന്സുകള് ഉണ്ടാകണമെന്നത് എന്റെ സ്വപ്നമാണ്. ഈ ഉദ്യമത്തില് ആളുകള് എന്നോടൊപ്പം കൈകോര്ക്കുമെന്ന് എനിക്ക് ഉറപ്പുണ്ട്,” അദ്ദേഹം കൂട്ടിച്ചേര്ത്തു.