Film News

അലംകൃതക്കും സുപ്രിയക്കും സന്തോഷ വാർത്ത !! പൃഥ്വിരാജ് മടങ്ങിയെത്തി

ആടുജീവിതം സിനിമയുടെ ചിത്രീകരണം പൂര്‍ത്തിയാക്കി പൃഥ്വിരാജും സംഘവും ജോര്‍ദ്ദാനില്‍ നിന്ന് കൊച്ചിയില്‍ തിരിച്ചെത്തി. ഇന്ന് രാവിലെ ഒന്‍പത് മണിയോടുകൂടിയാണ് എയര്‍ ഇന്ത്യ വിമാനം നെടുമ്ബാശേരി വിമാനത്താവളത്തില്‍ എത്തിയത് . 58 പേരാണ് സംഘത്തിലുള്ളത്. നാട്ടിലെത്തുന്നതോടെ ഫോര്‍ട്ട് കൊച്ചിയില്‍ പണം നല്‍കി ഉപയോഗിക്കുന്ന ക്വാറന്റീന്‍ സെന്ററിലേക്ക് ഇവര്‍ മാറും. തുടര്‍ന്ന് 14 ദിവസം ആരോഗ്യവകുപ്പിന്റെ നിരീക്ഷണത്തില്‍ തുടരും.

മാര്‍ച്ച്‌ 15നാണ് പൃഥ്വിരാജും സംഘവും ജോര്‍ദാനിലെത്തിയത്. ‘ആടുജീവിതം’ സിനിമയുടെ ചിത്രീകരണത്തിനായാണ് ഇവര്‍ ജോര്‍ദാനിലെത്തിയത്. ലോക്ക്‌ഡൗണ്‍ പ്രഖ്യാപിച്ചപ്പോള്‍ വാദിറം മരുഭൂമിയിലായിരുന്നു സംഘം. കോവിഡ് വ്യാപനത്തിന്റെ പശ്ചാത്തലത്തില്‍ ചിത്രീകരണം നിര്‍ത്തേണ്ടിവന്നു. സ്ഥിതി മെച്ചപ്പെട്ടതോടെ അവിടത്തെ സര്‍ക്കാരിന്റെ പ്രത്യേക അനുമതിയോടെ ഷൂട്ടിങ്‌ പൂര്‍ത്തിയാക്കി. ബെന്യാമിന്റെ പ്രശസ്ത നോവലായ ആടുജീവിതത്തിലെ നായക കഥാപാത്രമായ നജീബിന്റെ ആടുകള്‍ക്കൊപ്പമുള്ള ദൈന്യജീവിതമാണ് ഇവിടെ ചിത്രീകരിച്ചത്.

Trending

To Top