ലോകമെമ്പാടും ആരാധകരുള്ള നടിയാണ് പ്രിയങ്ക ചോപ്ര. ലോക സുന്ദരി പട്ടം നേടിയ ആളുകൂടിയാണ് താരം. ഇന്സ്റ്റഗ്രാമില് എറ്റവും വേഗത്തില് അഞ്ച് കോടി ഫോളോവേഴ്സിനെ സ്വന്തമാക്കുന്ന വ്യക്തിയായി ബോളിവുഡ് താരം പ്രിയങ്ക ചോപ്ര. സെലിബ്രിറ്റികളില് ഇന്ത്യന് ക്രിക്കറ്റ് നായകന് വിരാട് കോലിക്കുശേഷം ഈ നേട്ടം കരസ്ഥമാക്കുന്ന രണ്ടാമത്തെ ഇന്ത്യക്കാരിയാണ് പ്രിയങ്ക. അഞ്ച് കോടി രണ്ട് ലക്ഷം പേരാണ് നിലവില് പ്രിയങ്കയുടെ ഫോളോവേഴ്സിന്റെ എണ്ണം.
നാലുകോടി നാല്പ്പത്തി രണ്ടുലക്ഷം ഫോളോവേഴ്സുള്ള ബോളിവുഡ് നടി ദീപികാ പദുകോണാണ് പട്ടികയില് മൂന്നാം സ്ഥാനത്തുള്ളത്. പട്ടികയില് ഒന്നാമതെത്തുന്നതിന് ഒപ്പം ഇന്സ്റ്റഗ്രാമിലൂടെ പണം സമ്ബാദിക്കുന്ന അതിസമ്ബന്നരുടെ പട്ടികയിലും പ്രിയങ്ക ഒന്നാമതാണ്. 2019-ല് ഇന്സ്റ്റഗ്രാമിലൂടെ പണം സമ്ബാദിക്കുന്ന അതിസമ്ബന്നരുടെ പട്ടികയില് വിരാട് കൊഹിലിക്കൊപ്പം പ്രിയങ്കയും ഇടം പിടിച്ചിരുന്നു.
ഒരു പോസ്റ്റില് 271,000 ഡോളര് നേടിയാണ് ഈ പണം സമ്ബാദിക്കുന്നവരുടെ പട്ടികയില് പ്രിയങ്ക 19-ാം സ്ഥാനത്തെത്തിയത്. അതേസമയം, ഓരോ പോസ്റ്റിലും 196,000 ഡോളര് സമ്ബാദിച്ച് വിരാട് 23-ാം സ്ഥാനത്താണ്. റിയാലിറ്റി ടിവി താരവും മേക്കപ്പ് മുഗള് കൈലി ജെന്നറുമാണ് പട്ടികയില് ഒന്നാം സ്ഥാനത്ത്.
കൊഹ്ലിയുടെ ഇന്സ്റ്റാഗ്രാമില് ഫോളോവേഴ്സിന്റെ എണ്ണം 50 മില്യണ് കടന്നിരിക്കുകയാണ്. ഇത്തരത്തില് റെക്കോര്ഡിട്ട ആദ്യ ഇന്ത്യക്കാരനുമാണ് കൊഹ്ലി. കളിക്കളത്തിലെ റെക്കോര്ഡുകള്ക്ക് പുറമെയാണ് ഇപ്പോള് കൊഹ്ലിക്ക് സോഷ്യല് മീഡിയയില് കിട്ടിയ റെക്കോര്ഡ്. നിലവില് സോഷ്യല് മീഡിയയില് സജീവമായ താരം ഇതുവരെ 931 പോസ്റ്റുകളാണ് ഇന്സ്റ്റഗ്രാമില് പങ്കുവെച്ചിട്ടുള്ളത്.
അതേസമയം റെക്കോര്ഡ് പട്ടികയില് ഇന്ത്യന് താരങ്ങളില് ബോളിവുഡ് നടി പ്രിയങ്ക ചോപ്ര 49.9 മില്യണ് ഫോളോവേഴ്സുമായി രണ്ടാം സ്ഥാനത്തും ദീപിക പദുക്കോണ് 44.1 മില്യണ് ഫോളോവേഴ്സുമായി മൂന്നാം സ്ഥാനത്തുമാണ്. നിലവില് ആരാധകര് ആഘോഷമാകുകയാണ് താരത്തിന്റെ പുതിയ റെക്കോര്ഡ്.