കുഞ്ഞേ…!! സ്‌നേഹത്തോടെ അമ്മ കാത്തിരിക്കുന്നു…! കുറിപ്പുമായി റേച്ചല്‍ മാണി!

അവതാരികയായും നടിയായും പ്രേക്ഷക മനസ്സില്‍ ഇടം നേടിയ താരമാണ് പേര്‍ളി മാണി. താരത്തെ പോലെ തന്നെ ഇവരുടെ കുടുംബത്തേയും പ്രേക്ഷകര്‍ക്ക് ഏറെ പ്രിയമാണ്. ഇപ്പോഴിതാ പേര്‍ളി മാണിയുടെ വീട്ടില്‍ മറ്റൊരു സന്തോഷത്തിന് കൂടി തുടക്കമാവുകയാണ്.…

അവതാരികയായും നടിയായും പ്രേക്ഷക മനസ്സില്‍ ഇടം നേടിയ താരമാണ് പേര്‍ളി മാണി. താരത്തെ പോലെ തന്നെ ഇവരുടെ കുടുംബത്തേയും പ്രേക്ഷകര്‍ക്ക് ഏറെ പ്രിയമാണ്. ഇപ്പോഴിതാ പേര്‍ളി മാണിയുടെ വീട്ടില്‍ മറ്റൊരു സന്തോഷത്തിന് കൂടി തുടക്കമാവുകയാണ്. താരത്തിന്റെ സഹോദരിയുടെ കുഞ്ഞിന് വേണ്ടി കാത്തിരിക്കുകയാണ് വീട്ടിലെ എല്ലാവരും. റേച്ചല്‍ മാണി എന്നാണ് താരത്തിന്റെ സഹോദരിയുടെ പേര്. സോഷ്യല്‍ മീഡിയ ഇടയങ്ങളില്‍ സജീവമായ റേച്ചലിനും നിരവധിപ്പേരാണ് ആരാധകരായി ഉള്ളത്.

താരത്തിന്റെ ഓരോ പുതിയ വിശേഷങ്ങളും ഫോട്ടോകളും സോഷ്യല്‍ മീഡിയില്‍ ശ്രദ്ധ നേടാറുണ്ട്. ഇപ്പോഴിതാ കുഞ്ഞിന്റെ വരവിനായി കാത്തിരിക്കുന്ന റേച്ചലിന്റെ ഏറ്റവും പുതിയ സോഷ്യല്‍ മീഡിയ പോസ്റ്റാണ് ശ്രദ്ധ നടുന്നത്. ഗര്‍ഭാവസ്ഥയിലിരിക്കുന്ന തന്റെ ഏറ്റവും പുതിയ ഫോട്ടോഷൂട്ടാണ് റേച്ചല്‍ തന്റെ പേജില്‍ പങ്കുവെച്ചിരിക്കുന്നത്. ഫോട്ടോകള്‍ക്കൊപ്പം ഹൃദയം തൊടുന്നൊരു കുറിപ്പും താരം പങ്കുവെച്ചിട്ടുണ്ട്. ഹലോ കുഞ്ഞേ.. നിന്നെ എന്റെ ജീവിതത്തിലേക്ക് സ്വീകരിക്കാന്‍ ഞാന്‍ പൂര്‍ണ്ണമായും തയ്യാറായിരിക്കുകയാണ് എന്ന് കുറിച്ചുകൊണ്ടാണ് റേച്ചല്‍ ഈ കുറിപ്പ് എഴുതിയിരിക്കുന്നത്.

നിന്നെ എടുക്കാനും നിന്നെ ഉമ്മവെയ്ക്കാനും.. നിന്നോടൊപ്പം ദിനരാത്രങ്ങള്‍ ചെലവഴിക്കാനും ഇതെല്ലാം ആഘോഷിക്കാനും ഞാന്‍ തയ്യാറായി എന്നാണ് റേച്ചല്‍ കുറിയ്ക്കുന്നത്. നിന്നെ കാണാനായി ഞാന്‍ ദിവസങ്ങള്‍ എണ്ണിക്കൊണ്ടിരിക്കുകയാണ്. സുഖകരമല്ലാത്തതും ഉറക്കമില്ലാത്തതുമായ രാത്രികള്‍ കാരണം ഈ നിമിഷം ഞാന്‍ അല്‍പ്പം പരിഭ്രാന്തിയിലുമാണ്.

ഞങ്ങളുടെ ഈ കൊച്ചു ലോകത്തേക്ക് നിങ്ങളെ സ്വാഗതം ചെയ്യുന്നതിനായി നീറ്റലും വേദനയുമുള്ള ശരീരവുമായി കാത്തിരിക്കുന്നു. സ്നേഹത്തോടെ അമ്മ എന്നാണ് റേച്ചല്‍ മാണിയുടെ കുറിപ്പ്. നിരവധിപ്പേരാണ് താരത്തിനും വരാനിരിക്കുന്ന കുഞ്ഞിനും ആശംസകളും അനുഗ്രഹങ്ങളും അറിയിച്ച് രംഗത്ത് എത്തിയിരിക്കുന്നത്.