കഴിഞ്ഞ ദിവസം ശില്‍പ ഷെട്ടി ഭര്‍ത്താവ് രാജ് കുന്ദ്രയ്ക്കും ബിഗ് ബോസ് ഫെയിം രാജീവ് അദാതിയ ഉള്‍പ്പെടെയുള്ള മറ്റ് ചില സുഹൃത്തുക്കള്‍ക്കുമൊപ്പം ഒരു ഡേറ്റ് നൈറ്റ് പോയി. നീല ഷിഫോണ്‍ വസ്ത്രത്തില്‍ നടി തികച്ചും സുന്ദരിയായി കാണപ്പെട്ടു. ഹൈഹീല്‍സ് ചെരുപ്പിട്ടും ബാഗ് പിടിച്ചുമുള്ള നടിയുടെ ചിത്രങ്ങള്‍ സോഷ്യല്‍ മീഡിയയില്‍ വൈറലാണ്.
അകത്തേക്ക് കയറുന്നതിന് മുമ്പ് നടി സന്തോഷത്തോടെ പാപ്പരാസികളുടെ ഫോട്ടോയ്ക്ക് പോസ് ചെയ്തു. എന്നാല്‍ താരത്തിന്റെ ഭര്‍ത്താവ് രാജ് കുന്ദ്ര തന്റെ മുഖ കവചം ധരിച്ച് ആണ് ജനശ്രദ്ധ നേടിയത്.
രാജ് കുന്ദ്ര തന്റെ കാറില്‍ നിന്ന് കറുത്ത വസ്ത്രം ധരിച്ച് പുറത്തിറങ്ങി, ഭാര്യയെപ്പോലെ പാപ്പരാസികള്‍ക്ക് പോസ് ചെയ്യാതെ നേരെ അകത്തേക്ക് പോയി
View this post on Instagram
കഴിഞ്ഞ വര്‍ഷം ഒരു പോണ്‍ ഫിലിം കേസില്‍ രാജ് കുന്ദ്ര അറസ്റ്റിലായത് മുതല്‍, മുഖം പൂര്‍ണ്ണമായും മറയ്ക്കുന്ന മാസ്‌കുകളുള്ള സിപ്പ്-അപ്പ് ജാക്കറ്റുകള്‍ ധരിച്ചാണ് അദ്ദേഹം കൂടുതലും കാണുന്നത്, ശില്‍പയ്ക്കൊപ്പം പോസ് ചെയ്യാന്‍ പാപ്പരാസികള്‍ അഭ്യര്‍ത്ഥിച്ചെങ്കിലും രാജ് കാറില്‍ നിന്ന് ഇറങ്ങി നേരെ വേദിയിലേക്ക് നടന്നു.
ഈ ചിത്രങ്ങളും വീഡിയോകളും സോഷ്യല്‍മീഡിയയില്‍ പ്രത്യക്ഷപ്പെട്ടതു മുതല്‍ മുഖം മറച്ചതിന് നെറ്റിസണ്‍ രാജിനെ ട്രോളാന്‍ തുടങ്ങി. നിരവധി ട്രോളാണ് രാജിന്റെ മുഖ കവചവുമായി ബന്ധപ്പെട്ട് വരുന്നത്.
