‘ഇറക്കുന്നു, മറിക്കുന്നു, വാരുന്നു’ രമേഷ് പിഷാരടി നായകനായെത്തുന്ന ‘നോ വേ ഔട്ടി’ന്റെ ട്രെയിലര്‍

നവാഗതനായ നിതിന്‍ ദേവീദാസ് രമേഷ് പിഷാരടിയെ നായകനാക്കി ഒരുക്കുന്ന ചിത്രം ‘നോ വേ ഔട്ടിന്റെ’ ട്രെയിലര്‍ പുറത്തുവിട്ടു. നിധിന്‍ ദേവീദാസ് തന്നെയാണ് ചിത്രത്തിന്റെ തിരക്കഥയും എഴുതുന്നത്. സര്‍വൈവല്‍ ത്രില്ലര്‍ ആയി ഒരുക്കിയിരിക്കുന്ന ചിത്രത്തില്‍ പിഷാരടിയുടെ…

നവാഗതനായ നിതിന്‍ ദേവീദാസ് രമേഷ് പിഷാരടിയെ നായകനാക്കി ഒരുക്കുന്ന ചിത്രം ‘നോ വേ ഔട്ടിന്റെ’ ട്രെയിലര്‍ പുറത്തുവിട്ടു. നിധിന്‍ ദേവീദാസ് തന്നെയാണ് ചിത്രത്തിന്റെ തിരക്കഥയും എഴുതുന്നത്. സര്‍വൈവല്‍ ത്രില്ലര്‍ ആയി ഒരുക്കിയിരിക്കുന്ന ചിത്രത്തില്‍ പിഷാരടിയുടെ പ്രകടനം തന്നെയാണ് ഹൈലൈറ്റ്. ചിത്രം ഏപ്രില്‍ 22ന് തിയറ്ററുകളില്‍ റിലീസ് ചെയ്യും. ജോസഫ്, രവീണ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഛായാഗ്രഹണം വര്‍ഗീസ് ഡേവിഡ്. ഒരു കുരുക്കില്‍ നിന്ന് പുറത്തുകടക്കാന്‍ രമേഷ് പിഷാരടി നടത്തുന്ന വേറിട്ട ശ്രമങ്ങളുടെ അഭിനയപ്രകടനം ‘നോ വേ ഔട്ടി’ല്‍ കാണാമെന്നാണ് ട്രെയിലറില്‍ നിന്ന് ലഭിക്കുന്ന സൂചന.

റെമോ എന്റര്‍ടെയ്ന്‍മെന്റ്സിന്റെ ബാനറില്‍ റെമോഷ് എം.എസ്. നിര്‍മിച്ചിരിക്കുന്ന ഈ ചിത്രത്തില്‍ ധര്‍മജന്‍ ബോള്‍ഗാട്ടി, ബേസില്‍ ജോസഫ്, രവീണ എന്‍. എന്നിവരും നിര്‍ണായക വേഷങ്ങള്‍ ചെയ്തിരിക്കുന്നു. വര്‍ഗീസ് ഡേവിഡ് ക്യാമറ ചലിപ്പിച്ച ഈ ചിത്രം എഡിറ്റ് ചെയ്തിരിക്കുന്നത് കെ.ആര്‍. മിഥുന്‍ ആണ്. കെ.ആര്‍. രാഹുല്‍ ഗാനങ്ങള്‍ക്ക് ഈണം പകര്‍ന്നിരിക്കുന്ന ഈ ചിത്രത്തിന് പശ്ചാത്തല സംഗീതം ഒരുക്കിയത് ക്രിസ്റ്റി ജോബി ആണ്. ഗിരീഷ് മേനോന്‍ കലാസംവിധാനവും സുജിത് മട്ടന്നൂര്‍ വസ്ത്രാലങ്കാരവും നിര്‍വഹിച്ച ഈ ചിത്രത്തിന് വേണ്ടി ചമയം നിര്‍വഹിച്ചത് അമല്‍ ചന്ദ്രനും ആക്ന്‍ സംവിധാനം നിര്‍വഹിച്ചത് മാഫിയ ശശിയുമാണ്.