പ്രണയിക്കുന്നവർക്ക് റീൽ ചലഞ്ചുമായി ഓ മൈ ഡാർലിംഗ് സിനിമയുടെ അണിയറപ്രവർത്തകർ. അനിഖ സുരേന്ദ്രൻ കേന്ദ്ര കഥാപാത്രമായ ഓ മൈ ഡാർലിംഗ് എന്ന ചിത്രത്തിലെ ടീസർ അടുത്തിടെ പുറത്ത് വിട്ടിരുന്നു. ഈ ടീസറിലെ ഒരു രംഗം പുനരാവിഷ്‌കരിക്കുക എന്നതാണ് ചലഞ്ച്. ചലഞ്ചിൽ വിജയിക്കുന്നവർക്ക് ഫെബ്രുവരി 14 വാലെന്റൈൻസ് ഡേയ്ക്ക് സ്പെഷ്യൽ പ്രോഗ്രാമിൽ അതിഥികൾ ആകാൻ അവസരം ലഭിക്കുന്നതാണ്.
ഓ മൈ ഡാർലിംഗിന്റെ ഈ ചലഞ്ചിൽ പങ്കെടുക്കുന്നവർക്ക് എല്ലാവർക്കും സിനിമയുടെ ഫ്രീ ടിക്കറ്റ് ലഭിക്കും. കൂടാതെ തിരഞ്ഞെടുക്കുന്ന 100 പേർക്ക് ഓ മൈ ഡാർലിങ് ടീമിനോടൊപ്പം കൊച്ചി ക്രൗൺ പ്ലാസയിൽ വെച്ച് വാലന്റൈൻസ് ദിനത്തിലെ പ്രത്യേക ഡിന്നറിൽ അതിഥിയാകാനുള്ള അവസരവും ലഭിക്കുന്നതാണ്. മത്സരത്തിൽ പങ്കെടുക്കുന്നവർ #OhMyDarlingReelsChallenge #OhMyDarlingMovie എന്ന ടാഗുകൾ ഉപയോഗിക്കേണ്ടതാണ്.
ആൽഫ്രഡ് ഡി സാമുവൽ സംവിധാനം ചെയ്യുന്ന സിനിമയാണ് ഓ മൈ ഡാർളിംഗ് ജിനീഷ് കെ ജോയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. മെൽവിൻ ജി ബാബു, മുകേഷ്, ലെന, ജോണി ആന്റണി, മഞ്ജു പിള്ള, വിജയരാഘവൻ, ശ്രീകാന്ത് മുരളി, നന്ദു, ഡെയ്ൻ ഡേവിസ്, ഫുക്രു തുടങ്ങിയവരാണ് സിനിമയിിലെ മറ്റ് കഥാപാത്രങ്ങൾ.
