വളരെ ചെറിയ പ്രായത്തിൽ തന്നെ സിനിമയിൽ എത്തിയ ആളാണ് സജിതാ ബേട്ടി. മിനി സ്ക്രീനിലും ബിഗ് സ്ക്രീനിലും എല്ലാം തന്നെ ഒരുപോലെ തിളങ്ങിയ താരം കൂടിയാണ് സജിത. മിനിസ്ക്രീനിൽ പല ശക്തമായ കഥാപാത്രങ്ങളെയും അവതരിപ്പിക്കാൻ അവസരം ലഭിച്ചെങ്കിലും സിനിമയിൽ ശോഭിക്കാൻ താരത്തിന് അതികം കഴിഞ്ഞിരുന്നില്ല. വില്ലത്തി വേഷങ്ങളിൽ ആയിരുന്നു താരം കൂടുതലും പരമ്പരകളിൽ തിളങ്ങി നിന്നത്. വിവാഹ ശേഷവും അഭിനയത്തിൽ സജീവമായ താരം പൊതു വേദികളിലും വളരെ സജീവം ആയിരുന്നു. മകൾ ജനിച്ചതോട് കൂടി താരം അഭിനയ ജീവിതത്തിനു ഇടവേള നൽകി കുടുംബ കാര്യങ്ങൾ നോക്കി ജീവിക്കുകയാണ്. ഭർത്താവിനും മകൾക്കുമൊപ്പം കുറച്ച് നാളുകൾ വിദേശത്തായിരുന്ന താരം ഇപ്പോൾ നാട്ടിൽ ആണ്.
എനിക്ക് എല്ലാ വിധ പിന്തുണയും നൽകികൊണ്ട് ഭർത്താവ് കൂടെ തന്നെ ഉണ്ടെന്നു താരം പറഞ്ഞിരുന്നു. ഗർഭിണി ആയിരുന്ന സമയത്ത് പോലും താരം അഭിനയിച്ചിരുന്നു. ചെയ്തു പഴകിയ വേഷങ്ങൾ തന്നെയാണ് തന്നെ വീണ്ടും തേടി എത്തുന്നത്. അത് കൊണ്ട് തന്നെ ആണ് അഭിനയത്തിൽ നിന്ന് അൽപ്പം ഇടവേള എടുത്തത്. എന്നാൽ നല്ല കഥാപാത്രങ്ങൾ ലഭിച്ചാൽ വീണ്ടും താൻ അഭിനയത്തിലേക്ക് തിരികെ വരുമെന്നും താരം പറഞ്ഞു.
സീരിയലുകളിൽ കാവ്യാഞ്ജലി, ആലിപ്പഴം എന്നിവയിൽ കേന്ദ്ര കഥാപാത്രത്തെ അവതരിപ്പിക്കാൻ സജിതയ്ക്ക് അവസരം ലഭിച്ചു. അത് കൊണ്ട് തന്നെ താരം ഇന്നും സീരിയൽ പ്രേമികളുടെ ഇഷ്ട്ട നായികമാരിൽ ഒരാൾ ആണ്. പരമ്പരകളിൽ നിറഞ്ഞു നിന്ന സമയത്തും സിനിമയിൽ ഗ്ലാമർ വേഷങ്ങളിൽ താരം എത്തിയിരുന്നു. എന്നാൽ ഗ്ലാമർ വേഷങ്ങളിൽ അഭിനയിച്ചാലും താൻ പർദ്ദ ധരിക്കാതെ പുറത്തിറങ്ങാറില്ല എന്നാണ് സജിത പറയുന്നത്.