ബോളിവുഡ് തസൽമാൻ ഖാന്റെ ടൈഗർ സീരീസിലെ മൂന്നാം ചിത്രമായ ‘ടൈഗർ 3’ ഏറെ പ്രതീക്ഷയോടെ ആരാധകർ കാത്തിരിക്കുന്ന ചിത്രമാണ്. സിനിമയിൽ മലയാളികളുടെ പ്രിയ താരം രേവതി പ്രധാന കഥാപാത്രമായി എത്തുമെന്ന റിപ്പോർട്ടുകൾ പുറത്തുവരുന്നു. 32 വർഷങ്ങൾക്ക് ശേഷമാണ് ഇരുവരും ഒന്നിക്കാനൊരുങ്ങുന്നത്.
1991 ൽ പുറത്തിറങ്ങിയ ലവ് എന്ന ചിത്രത്തിലാണ് രേവതിയും സൽമാൻ ഖാനുംആദ്യമായി ഒരുമിച്ചെത്തിയത്. രേവതിയുടെ ആദ്യ ബോളിവുഡ് സിനിമയായിരുന്നു ലവ്. സുരേഷ് കൃഷ്ണ സംവിധാനം ചെയ്ത ലവ് തെലുങ്ക് സിനിമയായ പ്രേമയുടെ റീമേക്കായിരുന്നു.അതേ സമയം യുക്രൈനിലാണ് ടൈഗർ 3 യുടെ ചിത്രീകരണം നടക്കുക. ബിഗ് ബജറ്റിൽ ഒരുങ്ങുന്ന സിനിമ 2023 ദീപാവലി റിലീസായി പ്രദർശനത്തിനെത്തും.
ടൈഗർ 3യിൽ കത്രിന കൈഫ് ആണ് നായിക. ചിത്രത്തിൽ ഷാരൂഖ് ഖാൻ അതിഥി വേഷത്തിലെത്തുന്നുണ്ട്. മനീഷ് ശർമ്മയാണ് ടൈഗർ 3 സംവിധാനം ചെയ്യുന്നത്. ഹിന്ദിക്ക് പുറമെ തമിഴ് ,തെലുങ്ക ഭാഷകളിലും ടൈഗർ 3 റിലീസ് ചെയ്യും. അതേ സമയം സലാം വെങ്കി’ എന്ന ചിത്രം സംവിധാനം ചെയ്തിരുിക്കുകയാണ് രേവതി. കാജോൾ കേന്ദ്ര കഥാപാത്രമായി എത്തുന്ന സലാം വെങ്കിയിൽ ആമിർഖാൻ അതിഥി വേഷത്തിൽ എത്തുന്നുണ്ട്.സലാം വെങ്കി ഡിസംബർ ഒമ്പതിനാണ് തിയേറ്ററുകളിലെത്തുന്നത്.
