നടന് നാഗചൈതന്യയും നടി ശോഭിത ധൂലിപാലയും തമ്മിലുള്ള പ്രണയമാണ് ഗോസിപ്പുകളിലെ ഹോട്ട്. ഇരുവരും പ്രണയത്തിലാണെന്ന് കഴിഞ്ഞ ദിവസമാണ് വാര്ത്ത പുറത്തുവന്നത്. സാമന്തയുടെ പിആര് ടീമാണ് ഗോസിപ്പുകള്ക്ക് പിന്നിലെന്ന് നടന്റെ ആരാധകര് പറയുന്നതായിട്ടായിരുന്നു റിപ്പോര്ട്ടുകള്. ഇപ്പോള് ഇതിനെതിരെ രൂക്ഷമായി പ്രതികരിച്ചിരിക്കുകയാണ് സാമന്ത.
2021ലായിരുന്നു ആരാധകരെ ഞെട്ടിച്ച് റൊമാന്റിക് കപ്പിളായിരുന്ന നാഗചൈതന്യ-സാമന്ത വിവാഹമോചനം പ്രഖ്യാപിച്ചത്. ഒക്ടോബറില് ഇരുവരും തങ്ങളുടെ ബന്ധം അവസാനിപ്പിക്കുകയാണെന്ന് അവര് സോഷ്യല് മീഡിയയില് സംയുക്ത പ്രസ്താവന പങ്കിടുകയായിരുന്നു. 2017 ലായിരുന്നു നാഗചൈതന്യയും സാമന്തയുടെ വിവാഹിതരായത്.
എന്നാല് വിവാഹമോചനത്തിനുശേഷം മുന് ഭാര്യയെ കുറിച്ച് നാഗചൈതന്യ. അധികമൊന്നും എവിടെയും സംസാരിച്ചിട്ടില്ല. ഇതില് നിന്ന് താന് പുറത്തുവരാന് ഒരുപാട് സമയം എടുത്തു എന്ന് സാമന്ത നേരത്തെ പറഞ്ഞിരുന്നു.
ഈ അടുത്ത് ഹൈദരാബാദില് നാഗചൈതന്യ പുതിയ വീട് വാങ്ങിച്ചിരുന്നു. ഇവിടേക്ക് ശോഭിതയെ നടന് ക്ഷണിച്ചു, മാത്രമല്ല ശോഭിത താമസിച്ചിരുന്ന ഹോട്ടലില് എത്തി താരത്തെ നാഗചൈതന്യ കണ്ടിരുന്നു. നടിയുടെ ജന്മദിനാഘോഷത്തില് അടുത്ത സുഹൃത്തുക്കള് മാത്രമായിരുന്നു പങ്കെടുത്തത്, അതില് നാഗചൈതന്യ ഉണ്ടായിരുന്നുവെന്നും റിപ്പോര്ട്ട് പറയുന്നു. ഇതെല്ലാം കൂട്ടിച്ചേര്ത്താണ് ദേശീയ മാധ്യമം ഇരുവരും പ്രണയത്തിലാണെന്ന് റിപ്പോര്ട്ട് ചെയ്തത്. എന്നാല് ഇരുവരും ഇതിനോട് ഇതുവരെ പ്രതികരിച്ചിട്ടില്ല.
Rumours on girl – Must be true !!
Rumours on boy – Planted by girl !!
Grow up guys ..
Parties involved have clearly moved on .. you should move on too !! Concentrate on your work … on your families .. move on!! https://t.co/6dbj3S5TJ6— Samantha (@Samanthaprabhu2) June 21, 2022
സാമന്തയുടെ പിആര് ടീമാണ് ഗോസിപ്പുകള്ക്ക് പിന്നിലെന്നാണ് നാഗചൈതന്യ ആരാധകരുടെ പക്ഷം. ഇതിനെതിരെയാണ് സാമന്ത രംഗത്തെത്തിയിരിക്കുന്നത്.
പെണ്കുട്ടിക്കെതിരെ ഗോസിപ്പ് വന്നാല് അത് സത്യം. ആണ്കുട്ടിക്കെതിരെ വന്നാല് അത് പെണ്കുട്ടി ഉണ്ടാക്കിയത്. ഒന്ന് പക്വത വെച്ചൂടെ. നിങ്ങള് സ്വന്തം ജോലിയിലും കുടുംബത്തിലും ശ്രദ്ധ കേന്ദ്രീകരിക്കൂവെന്നുമാണ് സാമന്ത ട്വിറ്ററില് എഴുതിയിരിക്കുന്നത്.
ബോളിവുഡിലൂടെ അരങ്ങേറ്റം കുറിച്ച നടിയാണ് ശോഭിത ധൂലിപാല. മോഡല് കൂടിയായ ഇവര് 2016ലെ ‘രാമന് രാഘവന് 2.0’ യിലൂടെയാണ് സിനിമ രംഗത്ത് എത്തിയത്. 2019ല് ‘മൂത്തോനി’ലൂടെ മലയാള സിനിമയിലും ഇടംപിടിച്ചു. കഴിഞ്ഞ വര്ഷം പുറത്തിറങ്ങിയ ‘കുറുപ്പിലൂടെ ശോഭിതയെ മലയാള പ്രേക്ഷകര്ക്ക് കൂടുതല് ത്തില് പരിചിതയായി.