ഒരുകാലത്ത് മലയാള സിനിമ പ്രേമികളുടെ പ്രിയങ്കരിയായ താരമായിരുന്നു സംയുക്ത വർമ്മ. അധികനാൾ സിനിമയിൽ അഭിനയിച്ചില്ല എങ്കിലും നിരവധി ആരാധകരെയാണ് താരം കുറഞ്ഞ സമയം കൊണ്ട് നേടിയെടുത്തത്. എന്നാൽ അധികം വൈകാതെ തന്നെ വിവാഹശേഷം താരം സിനിമയിൽ നിന്നും അപ്രത്യക്ഷ്യമായി. സിനിമയിൽ ഹൈപ്പിൽ നിന്ന സമയത്ത് ആയിരുന്നു താരം വിവാഹിതയാകുന്നത്. അഭിനയിച്ച ചിത്രങ്ങൾ എല്ലാം തന്നെ ഹിറ്റുകൾ ആയിരുന്നു. സിനിമയിൽ സജീവമല്ലെങ്കിലും സംയുകതയുടെയും ബിജു മേനോൻെറയും വിശേഷങ്ങൾ എല്ലാം രണ്ടു കൈയും നീട്ടിയാണ് സോഷ്യൽ മീഡിയ സ്വീകരിക്കുന്നത്. ഇന്നും പൊതുസ്ഥലങ്ങളിൽ വെച്ച് ബിജു മേനോനോട് ആരാധകർ ചോദിക്കുന്ന പ്രധാന ചോദ്യമാണ് സംയുക്ത ഇനി സിനിമയിലേക്ക് തിരിച്ച് വരുമോ എന്നത്. കാരണം സംയുക്ത എന്ന നടി ഓരോ സിനിമ പ്രേഷകനെയും അത്രത്തോളം സ്വാധീനിച്ചിട്ടുണ്ട്. എന്നാൽ തിരിച്ചുവരണോ വേണ്ടയോ എന്ന് തീരുമാനിക്കേണ്ടത് സംയുക്ത ആണെന്ന് ബിജു മേനോൻ പറഞ്ഞിട്ടുമുണ്ട്.
41 വയസ്സാണ് താരത്തിന് ഇപ്പോൾ ഉള്ളത്. എങ്കിൽ പോലും യുവ നായികമാരെ വെല്ലുന്ന സൗന്ദര്യവും ചർമ്മ ഭംഗിയുമാണ് സംയുക്തയ്ക്ക് ഈ പ്രായത്തിലും ഉള്ളത്. ദിവസവും യോഗ അഭ്യസിക്കാറുള്ള താരം ഇപ്പോൾ തന്റെ ശരീര സംരക്ഷണ രീതികൾ തുറന്ന് പറയുകയാണ്. ഏകദേശം 15 വർഷത്തോളം ആയി താൻ യോഗ അഭ്യസിക്കാറുണ്ടെന്നും തന്റെ ശാരീരിക പ്രശ്നങ്ങൾ എല്ലാം യോഗ അഭ്യാസത്തിലൂടെ ഇല്ലാതായെന്നും താരം പറഞ്ഞു. ശരീര സൗന്ദര്യം മാത്രം ലക്‌ഷ്യം വെച്ചല്ല താൻ യോഗ ചെയ്യുന്നതെന്നും യോഗ ചെയ്യുമ്പോൾ കിട്ടുന്ന ആത്മ വിശ്വാസം വളരെ വലുതാണെന്നും താരം പറഞ്ഞു. ഇപ്പോഴും ഓൺലൈൻ വഴി യുവ പഠനം തുടരുന്നുണ്ടെന്നും താരം വ്യക്തമാക്കി. 
യോഗ അഭ്യസിച്ച് തുടങ്ങിയതിന് ശേഷം തനിക്ക് ഭക്ഷണത്തിനോടുള്ള കൂടുതൽ ആർത്തി ഇല്ലാതായെന്നും കുറച്ച് ഭക്ഷണം മാത്രമേ കഴിക്കുള്ളു എങ്കിലും അത് ആസ്വദിച്ച് കഴിച്ച് തുടങ്ങിയെന്നും നാളുകളായി തന്നെ അലട്ടിക്കൊണ്ടിരുന്നു ആസ്മയും ഹോർമോൺ പ്രശ്നങ്ങളും തലവേദനയും എല്ലാം തന്നെ യോഗയുടെ പരിശീലനം തുടങ്ങിയതോടെ ഇല്ലാതായെന്നും താരം പറഞ്ഞു. കഠിനമായ യോഗ പരിശീലന ചിത്രങ്ങൾ പങ്കുവെച്ച് കൊണ്ട് താരം എത്താറുണ്ട്. ഇത്തരത്തിൽ സംയുക്ത പങ്കുവെക്കുന്ന ചിത്രങ്ങൾക്ക് മികച്ച സ്വീകാര്യത ആരാധകരുടെ ഭാഗത്ത് നിന്നും ലഭിക്കാറുണ്ട്.
