റേപ്പ് ചെയ്യപ്പെട്ടാലേ വിലയുള്ളൂ..!! ഭാവന പറയുന്നത് സത്യമെങ്കില്‍ രഞ്ജിത്ത് എന്തിനാണ് ജയിലില്‍ പോയി ദിലീപിനെ കണ്ടത്!!? – സംഗീത ലക്ഷ്മണ

26ാമത് രാജ്യാന്തര ചലച്ചിത്രമേളയെ കുറിച്ചുള്ള വാര്‍ത്തകള്‍ സോഷ്യല്‍ മീഡിയയില്‍ നിറയുമ്പോള്‍ ഭാവന ആ വേദിയില്‍ എത്തിയതില്‍ അഭിമാനം കൊള്ളുകയാണ് നടിയുടെ ഓരോ ആരാധകരും. എന്നാല്‍ ഇപ്പോള്‍ ചര്‍ച്ചയാകുന്നത്, ദിലീപിനെ എന്നും പിന്തുണയ്ക്കുന്ന നടി ആക്രമിക്കപ്പെട്ട കേസില്‍ ദിലീപ് ആണ് ഇര എന്ന് ഉറച്ച് വിശ്വസിക്കുന്ന അഡ്വേക്കറ്റ് സംഗീത ലക്ഷമണയുടെ ഫേസ്ബുക്ക് പോസ്റ്റാണ്. ‘വന്നു വന്നു റേപ്പ് ചെയ്യപ്പെട്ടാലെ ഈ നാട്ടില്‍ സ്ത്രീക്ക് വിലമതിപ്പുള്ളൂ എന്നു കൂടി ആക്കി വെക്കരുത് എന്നാണ് ഭാവനയെ ആ പ്രധാന വേദിയിലേക്ക് ക്ഷണിച്ചതിനെ കുറിച്ച് വിമര്‍ശിച്ച് സംഗീത പറയുന്നത്.

ഭാവനയെ സംവിധായകനും നടനും തിരക്കഥാകൃത്തുമായ രഞ്ജിത്താണ് വേദിയിലേക്ക് വാക്കുകള്‍ കൊണ്ട് ആനയിച്ചത്. ഇതോടെ ഭാവന പറയുന്നത് സത്യമെന്ന് നിനക്ക് ഉറപ്പുണ്ടെങ്കില്‍ പിന്നെ നീ എന്തിനാടാ അന്ന് ജയിലില്‍ പോയി ദിലീപിനെ കണ്ടത്.’ എന്നും സംഗീത ലക്ഷ്മണയിട്ട മറ്റൊരു ഫേസ്ബുക്ക് കുറിപ്പില്‍ പറയുന്നതായി വാര്‍ത്തകളുണ്ട്. ‘എന്ത് ഭാവിച്ചാണ് ആ ഭാവന പെണ്ണിനെ കെട്ടിയെഴുന്നെള്ളിച്ച് കൊണ്ട് വന്ന് ഒരു അന്താരാഷ്ട്ര ചലച്ചിത്ര മേളയുടെ ഉത്ഘാടന കര്‍മ്മം നടക്കുന്ന വേദിയില്‍ അവരാധിച്ചിരുത്തിയത്.

ഭാവന പറയുന്നത് സത്യമെന്ന് നിനക്ക് ഉറപ്പുണ്ടെങ്കില്‍ പിന്നെ നീ എന്തിനാടാ അന്ന് ജയിലില്‍ പോയി ദിലീപിനെ കണ്ടത്.’ എന്നൊരു പോസ്റ്റും സംഗീത ഇട്ടിരുന്നുവത്രെ. എന്നാലിപ്പോള്‍ ഇവരുടെ ഫേസ്ബുക്ക് പേജില്‍ കാണാന്‍ കഴിയുന്നത് ഇതേ കുറിച്ച് വിമര്‍ശിച്ചുള്ള മറ്റൊരു പോസ്റ്റാണ്… സംഗീതയുടെ പോസറ്റിന്റെ പൂര്‍ണരൂപം വായിക്കാം…വന്നു വന്നു റേപ്പ് ചെയ്യപ്പെട്ടാലെ ഈ നാട്ടില്‍ സ്ത്രീക്ക് വിലമതിപ്പുള്ളൂ എന്നു കൂടി ആക്കി വെക്കരുത്.

പ്രായമേറിവരുന്നു എനിക്ക്. കാശ് അങ്ങോട്ട് കൊടുക്കാം എന്ന് ഓഫര്‍ വെച്ചാല്‍ പോലും ആരെങ്കിലും പീഡിപ്പിച്ചു തരും എന്നതിന് സ്‌കോപ് ഇല്ല. ആ അങ്കലാപ്പ് കൊണ്ടുണ്ടായ വിഷമം കൊണ്ടു പറഞ്ഞതാണേ….. എക്‌സ്‌ക്യൂസ് മി യേയ്.’ എന്നായിരുന്നു സംഗീത ലക്ഷ്മണയുടെ അശ്ലീലത നിറഞ്ഞ ഫെയ്സ്ബുക്ക് കുറിപ്പ്..

 

Aswathy