Film News

ഷംന കാസിം ബ്ലാക്ക്‌മെയില്‍ കേസ്, ധർമ്മജന്റെ മൊഴിയെടുക്കും …!!

shaman-kasim

നടി ഷംന കാസിമിനെ ആക്രമിച്ച കേസ് സുപ്രധാന വഴിത്തിരിവിലേക്ക്. പണം തട്ടാൻ ശ്രമിച്ച കേസിൽ ഒരു പ്രതി കൂടി അറസ്റ്റിലായി, ഹെയര്‍ സ്റ്റൈലിസ്റ്റ് ഹാരിസിനെയാണ് തൃശൂരിൽ നിന്നും പിടി കൂടിയത്. ഇയാളെ ഇപ്പോൾ രഹസ്യമായി ചോദ്യം ചെയ്യുകയാണ്. ഇനിയും ഈ കേസിൽ അറസ്റ് ഉണ്ടാകുമെന്നു ഐജി വിജയ് സാഖറെ മാധ്യമങ്ങളോട് പറഞ്ഞു. സിനിമ മേഖലയിൽ നിന്നും ആരെങ്കിലും ഉണ്ടോ എന്നും  അന്വേഷിച്ചു വരികയായിരുന്നു പോലീസ്. അതിനിടെ സിനിമാ മേഖലയുമായി ബന്ധമുളള ഹാരിസിന്റെ അറസ്റ്റ് സിനിമ മേഖലയിലേക്ക് അന്വേഷണം കൂടുതല്‍ വ്യാപിപ്പിക്കാന്‍ സഹായകമാകുമെന്നാണ് പൊലീസ് പ്രതീക്ഷിക്കുന്നത്.

Shamna-Kasim-11

ഇയാൾക്ക് സിനിമയിലെ നിരവധി ആളുകമായി അടുപ്പമുണ്ട്. ഷംനയുടേതിന് സമാനമായി നാലു വിവാഹ തട്ടിപ്പുകള്‍ കൂടി നടത്താന്‍ ശ്രമം നടന്നതായി ഐജി വിജയ് സാഖറെ മാധ്യമങ്ങളോട് പറഞ്ഞു. ഇതിലെല്ലാം അന്വേഷണം നടക്കുകയാണ്. നിലവില്‍ ഏഴ് കേസുകളാണ് രജിസ്റ്റര്‍ ചെയ്തിരിക്കുന്നത്. ഇനിയും പരാതികള്‍ വരുന്ന മുറയ്ക്ക്് കൂടുതല്‍ കേസുകള്‍ ഉണ്ടാകുമെന്നും വിജയ് സാഖറെ സൂചന നല്‍കി.

നിലവിൽ  സെക്‌സ് റാക്കറ്റുമായി ബന്ധമുള്ള വ്യവരങ്ങൾ ഒന്നും തന്നെ ലഭിച്ചിട്ടില്ല, അതേസമയം കേസിൽ ധർമജൻ ഉൾപ്പെടെ മൂന്നു താരങ്ങളുടെ മൊഴി എടുക്കുവാൻ പോലീസ് തീരുമാനിച്ചിട്ടുണ്ട്. ഷംന കാസിമിനൊടൊപ്പം വിദേശത്ത് സ്റ്റേജ് ഷോയില്‍ പങ്കെടുത്ത താരങ്ങളില്‍ നിന്നാണ് മൊഴിയെടുക്കുന്നത്. ഫോണില്‍ വിവരങ്ങള്‍ തേടാനാണ് പൊലീസ് ഉദ്ദേശിക്കുന്നത്.

Trending

To Top
Don`t copy text!