Film News

വിശ്വസിച്ച് വിളിക്കാന്‍ പറ്റുന്ന പാട്ടുകാരി…! ചിത്രയെ കുറിച്ച് ശരത്ത്..!

59-ാം പിറന്നാള്‍ ദിനത്തില്‍ എത്തി നില്‍ക്കുന്ന മലയാളികളുടെ പ്രിയപ്പെട്ട വാനമ്പാടി കെ.എസ് ചിത്രയ്ക്ക് ആശംസകള്‍ നേര്‍ന്ന് എത്തിയിരിക്കുകയാണ് സംഗീത സംവിധായകന്‍ ശരത്ത്. ഫേസ്ബുക്കില്‍ പങ്കുവെച്ച വീഡിയോയിലൂടെയാണ് തന്റെ പ്രിയപ്പെട്ട ചേച്ചിക്ക് അദ്ദേഹം പിറന്നാള്‍ ആശംസകള്‍ നേര്‍ന്നിരിക്കുന്നത്. എന്റെ ചക്കര ചേച്ചിക്ക് ജന്മദിനാശംസകള്‍ എന്ന് കുറിച്ചാണ് ശരത്ത് വീഡിയോ പങ്കുവെച്ചിരിക്കുന്നത്. നമ്മള്‍ മലയാളികളുടെ അഭിമാനമാണ് ചിത്രചേച്ചി എന്നാണ് അദ്ദേഹം വീഡിയോ പങ്കുവെച്ച് പറയുന്നത്.

ചിത്രയ്ക്ക് ആശംസകള്‍ നേര്‍ന്നുള്ള ശരത്തിന്റെ വാക്കുകള്‍ ഇങ്ങനെയായിരുന്നു… നമ്മള്‍ മലയാളികളുടെ അഭിമാനമാണ് ചിത്രചേച്ചി.. ഇന്ന് ചിത്രചേച്ചിയുടെ ജന്മദിനമാണ്.. ജന്മദിനാശംസകള്‍ ചിത്രചേച്ചി.. നൂറായിരം ജന്മദിനാശംസകള്‍ ചേച്ചീ.. ചേച്ചിയെ കുറിച്ച് എന്ത് പറയാനാണ്.. ഇ സഹോദരന് സ്‌നേഹം മാത്രം. ഒരു കംപോസര്‍ എന്ന രീതിയില്‍ പറയുകയാണെങ്കില്‍ എനിക്ക് ചേച്ചിയെ കുറിച്ചുള്ള അഭിപ്രായം എന്ന് പറഞ്ഞാല്‍.. വിശ്വസിച്ച് വിളിക്കാന്‍ പറ്റിയ ഒരു പാട്ടുകാരി..

എന്താണെങ്കിലും ചേച്ചി പാടി തരും. ഒരു കംപോസറുടെ സിംഗറാണ് ചേച്ചി.. എന്ത് കൊടുത്താലും ഈസിയായിട്ട് പാടിതരും. വളരെ മനോഹരമായിട്ട് പാടിതരും. അത് നമുക്ക് എല്ലാവര്‍ക്കും അറിയാവുന്ന കാര്യം ആണെങ്കിലും പിറന്നാള്‍ ദിനം ആയതുകൊണ്ട് ഒന്നുകൂടി പറയുകയാണ്.. ചിത്ര ചേച്ചീ… ഒരുാപാട് സ്‌നേഹിക്കുന്നു… ചേച്ചി ഇനിയും ഇനിയും പാടണം.. കാരണം,

അങ്ങനെ പാടി പാടിയാണ് ചേച്ചി ഞങ്ങളുടെ ചങ്കിന് അകത്ത് ഇരിക്കുന്നത്. ഇനിയും ഉഗ്രന്‍ പാട്ടുകള്‍ പാടുക.. ഞങ്ങള്‍ ചേച്ചിയെ സ്‌നേഹിച്ചുകൊണ്ടേയിരിക്കും.. ഒരിക്കല്‍ കൂടി ഈ തമ്പിയുടെ പിറന്നാള്‍ദിനാശംകള്‍..

എന്ന് പറഞ്ഞാണ് അദ്ദേഹം വീഡിയോ അവസാനിപ്പിച്ചിരിക്കുന്നത്. ശരത്ത് പങ്കുവെച്ച പോസ്റ്റിന് അടിയിലും നിരവധിപ്പേരാണ് പ്രിയപ്പെട്ട ഗായികയ്ക്ക് ജന്മദിനാശംകള്‍ നേര്‍ന്ന് കമന്റുകള്‍ പങ്കുവെയ്ക്കുന്നത്.

Recent Posts

ഇത് ഞങ്ങളുടെ ജാനു അല്ല, ഞങ്ങളുടെ ജാനു ഇങ്ങനെയല്ല; ഗ്ലാമറസ് ലുക്കിൽ ഗൗരി കിഷൻ

96 എന്ന തന്റെ ആദ്യ സിനിമയിലൂടെ കുട്ടിജാനുവായി എത്തി പ്രേക്ഷകരുടെ മനംകവർന്ന താരമാണ് ഗൗരി കിഷൻ. നടിയുടെ ഏറ്റവും പുതിയ…

44 mins ago

പെർഫെക്ടായ കഥയിൽ മാത്രമേ മമ്മൂട്ടിയെ കാസ്റ്റ് ചെയ്യുകയുള്ളൂ: തരുൺ മൂർത്തി

തന്റെ ആദ്യചിത്രമായ ഓപ്പര്‍റേഷന്‍ ജാവയുലൂടെ ശ്രദ്ധേയനായ സംവിധായകനാണ് തരുണ്‍ മൂര്‍ത്തി. ഇപ്പോഴിതാ സംവിധായകന്റെ രണ്ടാമത്തെ സിനിമയായ സൗദിവെള്ളക്ക കഴിഞ്ഞ ദിവസമാണ്…

2 hours ago

പ്രണയം പാടി സോണി!! ഏറ്റെടുത്ത് പ്രേക്ഷകരും, വൈറലായി 4 ഇയേഴ്‌സിലെ ‘എന്‍ കനവില്‍’

കവര്‍ സോങുകളിലൂടെ പ്രേക്ഷകരുടെ മനംകവര്‍ന്ന ഗായികയാണ് സോണി മോഹന്‍. ഫോര്‍ ഇയേഴ്‌സ് എന്ന ക്യാംപസ് പ്രണയ ചിത്രത്തിലൂടെ പിന്നണി ഗാന…

12 hours ago