തന്റെ പ്രിയപ്പെട്ട പ്രേക്ഷകര്‍ക്ക് മുന്‍പിലേക്ക് മറ്റൊരു കുടുംബ ചിത്രവുമായി എത്തുകയാണ് നടന്‍ ഉണ്ണി മുകുന്ദന്‍. ഉണ്ണി മുകുന്ദനെ നായകനാക്കി നവാഗതനായ അനൂപ് പന്തളം സംവിധാനം ചെയ്യുന്ന ഏറ്റവും പുതിയ ചിത്രമാണ് ഷെഫീക്കിന്റെ സന്തോഷം. ഇപ്പോഴിതാ ചിത്രത്തിന്റെ ടീസര്‍ പുറത്ത് വിട്ടിരിക്കുകയാണ് അണിയറ പ്രവര്‍ത്തകര്‍. നവംബര്‍ 25ന് റിലീസിന് എത്തുന്ന ചിത്രം ഒരു ഗ്രാമീണ പശ്ചാത്തലത്തില്‍ കഥ പറയുന്നതാണ്.
മേപ്പടിയാനു ശേഷം ഉണ്ണി മുകുന്ദന്‍ നായകനാവുന്ന സിനിമ ഉണ്ണി മുകുന്ദന്‍ ഫിലീംസിന്റെ ബാനറില്‍ അദ്ദേഹം തന്നെയാണ് നിര്‍മ്മിക്കുന്നതും. മനോജ് കെ ജയന്‍, ദിവ്യ പിള്ള, ബാല, ആത്മീയ രാജന്‍, ഷഹീന്‍ സിദ്ദിഖ്, മിഥുന്‍ രമേശ്, സ്മിനു സിജോ, ജോര്‍ഡി പൂഞ്ഞാര്‍ എന്നിവരാണ് ചിത്രത്തില്‍ പ്രധാന വേഷങ്ങളില്‍ എത്തുന്നത്. തന്റെ അച്ഛനും ചിത്രത്തില്‍ ഒരു വേഷം ചെയ്യുന്നുണ്ട് എന്ന് ഉണ്ണി മുകുന്ദന്‍ സിനിമയുടെ പ്രഖ്യാപന സമയത്ത് തന്നെ അറിയിച്ചിരുന്നു.
പ്രവാസിയായ ഷെഫീഖ് എന്ന ചെറുപ്പക്കാരന്റെ കഥയാണ് ഈ ചിത്രം പറയുക. സിനിമയുടെ സംഗീത സംവിധാനം നിര്‍വ്വഹിച്ചിരിക്കുന്നത് ഷാന്‍ റഹ്‌മാന്‍ ആണ്. എല്‍ദോ ഐസക് – ഛായാഗ്രഹണം, എഡിറ്റിംഗ്്-നൗഫല്‍ അബ്ദുള്ള, പ്രൊഡക്ഷന്‍ കണ്‍ട്രോളര്‍ വിനോദ് മംഗലത്ത്, മേക്കപ്പ് – അരുണ്‍ ആയൂര്‍, വസ്ത്രാലങ്കാരം – അരുണ്‍ മനോഹര്‍, സ്റ്റില്‍സ് – അജി മസ്‌ക്കറ്റ്, അസോസിയേറ്റ് ഡയറക്ടര്‍ – രാജേഷ് കെ രാജന്‍, സൌണ്ട് ഡിസൈന്‍ – രാജേഷ് പി എം, കളറിസ്റ്റ് – വിവേക് നായര്‍ എന്നിവരാണ് മറ്റ് അണിയറ പ്രവര്‍ത്തകര്‍.
സിനിമയുടെ ടീസര്‍ ഇരുകൈയ്യും നീട്ടിയാണ് പ്രേക്ഷകര്‍ സ്വീകരിക്കുന്നത്. ഷെഫീക്കിന്റെ സന്തോഷം നമ്മുടേയും സന്തോഷം ആകട്ടെ.. എന്നാണ് ഉണ്ണി മുകുന്ദനും സിനിമയുടെ ഭാഗമായ മറ്റെല്ലാവര്‍ക്കും ആശംസ അറിയിച്ച് ആരാധകര്‍ കമന്റുകള്‍ പങ്കുവെയ്ക്കുന്നത്.
https://www.youtube.com/watch?v=Tii-f_9Mis0&t=47s
