Film News

അറബിയുടെ വേഷത്തില്‍ ഉണ്ണി മുകുന്ദന്‍..! ‘ഷെഫീക്കിന്റെ സന്തോഷം’ സെക്കന്റ് ലുക്ക് പോസ്റ്റര്‍ പുറത്ത്..!

മേപ്പടിയാന്‍ എന്ന സിനിമയ്ക്ക് ശേഷം ഉണ്ണിമുകുന്ദന്‍ കേന്ദ്ര കഥാപാത്രത്തെ അവതരിപ്പിച്ച് നിര്‍മ്മിക്കുന്ന ചിത്രമാണ് ഷെഫീക്കിന്റെ സന്തോഷം. ഇപ്പോഴിതാ സിനിമയുടെ സെക്കന്റ് ലുക്ക് പോസ്റ്ററാണ് പുറത്ത് വിട്ടിരിക്കുന്നത്. ഉണ്ണിമുകുന്ദന്‍ തന്നെയാണ് തന്റെ ഏറ്റവും പുതിയ സിനിമയുടെ പോസ്റ്റര്‍ ആരാധകരുമായി പങ്കുവെച്ചിരിക്കുന്നത്. സിനിമയുടേതായി പുറത്തിറങ്ങിയ ഫസ്റ്റ്‌ലുക്ക് പോസ്റ്ററും ശ്രദ്ധ നേടിയിരുന്നു. ഇപ്പോഴിതാ അതിലും വ്യത്യസ്തമായാണ് സിനിമയുടെ സെക്കന്റ് ലുക്ക് പോസ്റ്റര്‍ പുറത്ത് വിട്ടിരിക്കുന്നത്.

അറബി വേഷത്തില്‍ ഒട്ടകപ്പുറത്ത് ഇരിക്കുന്ന ഉണ്ണിമുകുന്ദനെയാണ് പുതിയ പോസ്റ്ററില്‍ കാണാന്‍ സാധിക്കുന്നത്. മോഷന്‍ പോസ്റ്റാണ് പങ്കുവെച്ചിരിക്കുന്നത്. നവാഗതനായ അനൂപ് പന്തളമാണ് ഈ സിനിമ സംവിധാനം ചെയ്യുന്നത്. ഉണ്ണി മുകുന്ദന് പുറമെ മലയാള സിനിമയിലെ വലിയൊരു താരനിര തന്നെ ചിത്രത്തില്‍ അണിനിരക്കുന്നുണ്ട്. മനോജ് കെ ജയന്‍, ദിവ്യാ പിള്ള, ബാല, ആത്മീയ രാജന്‍, ഷഹീന്‍ സിദ്ദിഖ്, മിഥുന്‍ രമേശ്, സ്മിനു സിജോ..

എന്നിവരാണ് മറ്റ് കഥാപാത്രങ്ങളെ അവതരിപ്പിച്ച് എത്തുന്നത്.. ഉണ്ണി മുകുന്ദന്‍ പോസ്റ്റര്‍ പങ്കുവെച്ച് എത്തിയതോടെ നിരവധിപ്പേരാണ് പ്രിയ താരത്തിന് ആശംസകള്‍ നേര്‍ന്ന് എത്തുന്നത്. ഒരു സാധാരണ കുടുംബത്തില്‍പെട്ട പ്രവാസിയായ യുവാവിന്റെ കഥയാണ് ഈ സിനിമ പറയുക. ഉണ്ണി മുകുന്ദന്‍ തന്നെ കേന്ദ്ര കഥാപാത്രത്തെ അവതരിപ്പിച്ച് എത്തുന്ന സിനിമ റിയലിസ്റ്റിക് ഫാമിലി എന്റര്‍ടെയ്‌നര്‍ വിഭാഗത്തിലാണ് എത്തുന്നത്.

ഏഴാം കടലിനപ്പുറം മരുഭൂമിയിലും സന്തോഷകൊടുങ്കാറ്റായ് മാറട്ടെ ഷെഫീക്കിന്റെ സന്തോഷമെന്നാണ് ആശംസകള്‍ അറിയിച്ച് ആരാധകര്‍ കുറിയ്ക്കുന്നത്.

Recent Posts

മനോഹര ചുവടുകളുമായി തൃഷയും ശോഭിതയും! ‘പൊന്നിയിന്‍ സെല്‍വനി’ല്‍ നിന്ന് നീക്കം ചെയ്ത ‘സൊല്‍’ ഗാന വീഡിയോ

സൂപ്പര്‍ ഹിറ്റ് മണിരത്നം ചിത്രം 'പൊന്നിയിന്‍ സെല്‍വനി'ല്‍ നിന്ന് നീക്കം ചെയ്ത 'സൊല്‍' എന്ന ഗാനത്തിന്റെ വീഡിയോ പുറത്ത്. തൃഷയുടെയും…

2 hours ago

ഫ്രാന്‍സിലെ വേദിയിലും മുഴങ്ങി രഞ്ജിതമേ…!! പ്രതികരിച്ച് രശ്മിക മന്ദാന

'വാരിസി'ലെ രഞ്ജിതമേ.. ഗാനം കടല്‍ കടന്നും ഹിറ്റ്. വിജയ്-വംശി പൈഡിപ്പള്ളി കൂട്ടുകെട്ടിലൊരുങ്ങുന്ന ചിത്രമാണ് വാരിസ്. ചിത്രത്തിലെ രഞ്ജിതമേ.. ഗാനം ഭാഷയും…

4 hours ago

പൈസ വേണ്ടെന്ന് പറഞ്ഞ ബാലയ്ക്ക് 2 ലക്ഷം നല്‍കി! പ്രതിഫലം കിട്ടിയിട്ടില്ലെന്ന് ആരെങ്കിലും പറഞ്ഞാല്‍ ഡബിള്‍ പെയ്‌മെന്റ് കൊടുക്കും: വിവാദത്തില്‍ പ്രതികരിച്ച് ഷെഫീക്കിന്റെ സന്തോഷം ടീം

ഷെഫീക്കിന്റെ സന്തോഷം സിനിമയ്‌ക്കെതിരായ നടന്‍ ബാലയുടെ ആരോപണത്തില്‍ പ്രതികരിച്ച് സിനിമയുടെ ലൈന്‍ പ്രൊഡ്യൂസര്‍ വിനോദ് മംഗലത്ത് രംഗത്ത്. ബാല ഷെഫീക്കിന്റെ…

6 hours ago