സൂപ്പര് ഫോര് റിയാലിറ്റി ഷോയുടെ വിശേഷങ്ങള് പങ്കുവെച്ച് ഗായിക സിത്താര. കോവിഡിന് ഇടയില് വീണുകിട്ടിയ സൗഭാഗ്യമായിരുന്നു ഷോ എന്ന് സിത്താര പറയുന്നു. ഒരു യുട്യൂബ് ചാനലിന് നല്കിയ അഭിമുഖത്തില് സംസാരിക്കുകയായിരുന്നു സിത്താര.
‘നമ്മള്ക്കെല്ലാവര്ക്കും ഒന്നും ചെയ്യാനില്ലാത്ത കൊവിഡ് സമയത്താണ് സൂപ്പര് ഫോര് വരുന്നത്. ഞങ്ങളെ സംബന്ധിച്ച വളരെ ബ്ലെസ്സിംഗായിരുന്നു ആ പ്രോഗ്രാം. നമ്മള് വര്ക്ക് ചെയ്യുന്നു എന്നത് മാത്രമല്ല, ഈ നാല് പേരാണ് ഒരുമിച്ചിരിക്കുന്നത്,.
അവിടെ ടേക്ക് പറഞ്ഞ് കട്ട് പറയുന്നത് വരെ ഇവര് കണ്ടിന്യൂസായി ഇങ്ങനെ പറഞ്ഞോണ്ടിരിക്കും. റിമിയും വിധുച്ചേട്ടനും കൗണ്ടര് ഇങ്ങനെ പറഞ്ഞോണ്ടിരിക്കുകയാണ്.
ജ്യോത്സ്നയ്ക്കും എനിക്കും ഇങ്ങനെ കണ്ട് നില്ക്കാന് മാത്രമേ പറ്റുന്നുള്ളൂ, പക്ഷേ ഞങ്ങളത് ഭയങ്കരമായി എന്ജോയ് ചെയ്യുകയായിരുന്നു. ടി.വിയില് കാണുന്നതിന്റെ പത്തിരട്ടി ഞങ്ങള് അവിടെ എന്ജോയ് ചെയ്യുന്നുണ്ട്,’ സിത്താര പറയുന്നു.
ഇവര് മൂന്നുപേരുമായി നേരത്തെ പരിചയമുണ്ടായിരുന്നുവെന്നും എന്നാല് സൂപ്പര് ഫോറിലെത്തിയതോടെയാണ് തങ്ങള്ക്കിടയിലുള്ള ബന്ധം കൂടുതല് ദൃഢമായതെന്നും സിത്താര കൂട്ടിച്ചേര്ക്കുന്നു.